| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. кзмасуд̇д̇аван̣н̣анаа
7. Khemasuttavaṇṇanā
49. сад̇д̇амз вусид̇аваад̇и вуд̇т̇аб̣рахмажарияаваасо. гад̇агаран̣ийяод̇и жад̇уухи маг̇г̇зхи гад̇д̇аб̣б̣ам̣ гад̇ваа тид̇о. охид̇абхаарод̇и канд̇хабхаарам̣ гилзсабхаарам̣ абхисан̇каарабхааран̃жа од̇аарзд̇ваа тид̇о. ануббад̇д̇асад̣̇ад̇т̇од̇и сад̣̇ад̇т̇о вужжад̇и арахад̇д̇ам̣, д̇ам̣ бад̇д̇од̇и ад̇т̇о. баригкийн̣абхавасам̣яож̇анод̇и кийн̣абхаваб̣анд̇хано. саммад̣̇ан̃н̃аа вимуд̇д̇од̇и саммаа хзд̇унаа гааран̣зна ж̇аанид̇ваа вимуд̇д̇о. д̇асса на звам̣ ход̇и ад̇т̇и мз сзяяод̇и ваад̇иаад̣̇ийхи сзяяасса сзяяохамасмийд̇и маанаад̣̇аяо д̇аяо маанаа бадигкид̇д̇аа. на хи кийн̣аасавасса ‘‘ад̇т̇и маяхам̣ сзяяо, ад̇т̇и сад̣̇исо, ад̇т̇и хийно’’д̇и маано ход̇и. над̇т̇и мз сзяяод̇иаад̣̇ийхиби д̇зязва бадигкид̇д̇аа. на хи кийн̣аасавасса ‘‘ахамзва сзяяо, ахам̣ сад̣̇исо, ахам̣ хийно, ан̃н̃з сзяяаад̣̇аяо над̇т̇ий’’д̇и звам̣ маано ход̇и.
49. Sattame vusitavāti vutthabrahmacariyavāso. Katakaraṇīyoti catūhi maggehi kattabbaṃ katvā ṭhito. Ohitabhāroti khandhabhāraṃ kilesabhāraṃ abhisaṅkhārabhārañca otāretvā ṭhito. Anuppattasadatthoti sadattho vuccati arahattaṃ, taṃ pattoti attho. Parikkhīṇabhavasaṃyojanoti khīṇabhavabandhano. Sammadaññā vimuttoti sammā hetunā kāraṇena jānitvā vimutto. Tassa na evaṃ hoti atthi me seyyoti vātiādīhi seyyassa seyyohamasmīti mānādayo tayo mānā paṭikkhittā. Na hi khīṇāsavassa ‘‘atthi mayhaṃ seyyo, atthi sadiso, atthi hīno’’ti māno hoti. Natthi me seyyotiādīhipi teyeva paṭikkhittā. Na hi khīṇāsavassa ‘‘ahameva seyyo, ahaṃ sadiso, ahaṃ hīno, aññe seyyādayo natthī’’ti evaṃ māno hoti.
ажирабагганд̇зсууд̇и арахад̇д̇ам̣ б̣яаагарид̇ваа ажирам̣язва багганд̇зсу. ан̃н̃ам̣ б̣яаагаронд̇ийд̇и арахад̇д̇ам̣ гат̇знд̇и. хасамаанагаа ман̃н̃з ан̃н̃ам̣ б̣яаагаронд̇ийд̇и хасамаанаа вияа гат̇знд̇и. вигхаад̇ам̣ аабаж̇ж̇анд̇ийд̇и д̣̇угкам̣ аабаж̇ж̇анд̇и.
Acirapakkantesūti arahattaṃ byākaritvā aciraṃyeva pakkantesu. Aññaṃ byākarontīti arahattaṃ kathenti. Hasamānakā maññe aññaṃ byākarontīti hasamānā viya kathenti. Vighātaṃ āpajjantīti dukkhaṃ āpajjanti.
на уссзсу на омзсу, самад̇д̇з нобанийяарзд̇и зд̇т̇а уссаад̇и уссид̇ад̇аа сзяяабуг̇г̇алаа. омаад̇и хийнаа. самад̇д̇од̇и сад̣̇исо. ид̇и имзсу д̇ийсуби сзяяахийнасад̣̇исзсу кийн̣аасаваа маанзна на убанийяарз, на убанзнд̇и, на убаг̇ажчанд̇ийд̇и ад̇т̇о. кийн̣аа ж̇аад̇ийд̇и кийн̣аа д̇зсам̣ ж̇аад̇и. вусид̇ам̣ б̣рахмажарияанд̇и вуд̇т̇ам̣ маг̇г̇аб̣рахмажарияам̣. жаранд̇и сам̣яож̇анавиббамуд̇д̇аад̇и саб̣б̣асам̣яож̇анзхи вимуд̇д̇аа худ̇ваа жаранд̇и. суд̇д̇зби г̇аат̇ааяамби кийн̣аасаво гат̇ид̇о.
Na ussesu na omesu, samatte nopanīyareti ettha ussāti ussitatā seyyapuggalā. Omāti hīnā. Samattoti sadiso. Iti imesu tīsupi seyyahīnasadisesu khīṇāsavā mānena na upanīyare, na upanenti, na upagacchantīti attho. Khīṇā jātīti khīṇā tesaṃ jāti. Vusitaṃ brahmacariyanti vutthaṃ maggabrahmacariyaṃ. Caranti saṃyojanavippamuttāti sabbasaṃyojanehi vimuttā hutvā caranti. Suttepi gāthāyampi khīṇāsavo kathito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. кзмасуд̇д̇ам̣ • 7. Khemasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. кзмасуд̇д̇аван̣н̣анаа • 7. Khemasuttavaṇṇanā
