| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. аб̣яаагад̇асам̣яуд̇д̇ам̣
10. Abyākatasaṃyuttaṃ
1. кзмаасуд̇д̇аван̣н̣анаа
1. Khemāsuttavaṇṇanā
410. аб̣яаагад̇асам̣яуд̇д̇асса батамз кзмаад̇и г̇ихигаалз б̣имб̣исаарасса убаасигаа сад̣̇д̇хаабаб̣б̣аж̇ид̇аа махаат̇зрий ‘‘зд̇ад̣̇аг̇г̇ам̣, бхигкавз, мама саавигаанам̣ бхигкунийнам̣ махаабан̃н̃аанам̣ яад̣̇ид̣̇ам̣ кзмаа’’д̇и звам̣ бхаг̇авад̇аа махаабан̃н̃ад̇ааяа зд̇ад̣̇аг̇г̇з табид̇аа. бан̣д̣ид̇аад̇и бан̣д̣ижжзна саманнааг̇ад̇аа. вияад̇д̇аад̇и взяяад̇д̇иязна саманнааг̇ад̇аа. мзд̇хаавинийд̇и мзд̇хааяа бан̃н̃ааяа саманнааг̇ад̇аа. б̣ахуссуд̇аад̇и барияад̇д̇иб̣аахусажжзнаби бадивзд̇хаб̣аахусажжзнаби саманнааг̇ад̇аа.
410. Abyākatasaṃyuttassa paṭhame khemāti gihikāle bimbisārassa upāsikā saddhāpabbajitā mahātherī ‘‘etadaggaṃ, bhikkhave, mama sāvikānaṃ bhikkhunīnaṃ mahāpaññānaṃ yadidaṃ khemā’’ti evaṃ bhagavatā mahāpaññatāya etadagge ṭhapitā. Paṇḍitāti paṇḍiccena samannāgatā. Viyattāti veyyattiyena samannāgatā. Medhāvinīti medhāya paññāya samannāgatā. Bahussutāti pariyattibāhusaccenapi paṭivedhabāhusaccenapi samannāgatā.
г̇ан̣агод̇и ажчид̣̇д̣̇агаг̇ан̣анааяа гусало. муд̣̇д̣̇игод̇и ан̇г̇улимуд̣̇д̣̇ааяа г̇ан̣анааяа гусало. сан̇кааяагод̇и бин̣д̣аг̇ан̣анааяа гусало. г̇амбхийрод̇и жад̇ураасийд̇ияож̇анасахассаг̇амбхийро. аббамзяяод̇и аал̣хагаг̇ан̣анааяа аббамзяяо. д̣̇уббарияог̇ааход̇и аал̣хагаг̇ан̣анааяа бамаан̣аг̇ахан̣ад̇т̇ам̣ д̣̇урог̇аахо. язна руубзна д̇ат̇ааг̇ад̇анд̇и язна руубзна д̣̇ийгхо рассо саамо од̣̇аад̇од̇и сад̇д̇асан̇каад̇ам̣ д̇ат̇ааг̇ад̇ам̣ бан̃н̃абзяяа. д̇ам̣ руубам̣ д̇ат̇ааг̇ад̇асса бахийнанд̇и д̇ам̣ вуд̇д̇аббагаараруубам̣ самуд̣̇аяаббахаанзна саб̣б̣ан̃н̃уд̇ат̇ааг̇ад̇асса бахийнам̣. руубасан̇кааяа вимуд̇д̇од̇и ааяад̇им̣ руубасса ануббад̇д̇ияаа руубааруубагодтаасзнаби зваруубо наама бхависсад̇ийд̇и вохаарассаби бадибассад̣̇д̇хад̇д̇аа руубабан̣н̣ад̇д̇ияааби вимуд̇д̇о. г̇амбхийрод̇и аж̇жхаасаяа г̇амбхийрад̇ааяа жа г̇ун̣аг̇амбхийрад̇ааяа жа г̇амбхийро. д̇асса звам̣ г̇ун̣аг̇амбхийрасса сад̇о саб̣б̣ан̃н̃уд̇ат̇ааг̇ад̇асса яам̣ убаад̣̇ааяа сад̇д̇асан̇каад̇о д̇ат̇ааг̇ад̇од̇и бан̃н̃ад̇д̇и ход̇и, д̇ад̣̇абхаавзна д̇ассаа бан̃н̃ад̇д̇ияаа абхаавам̣ бассанд̇асса аяам̣ сад̇д̇асан̇каад̇о ход̇и д̇ат̇ааг̇ад̇о барам̣ маран̣аад̇и ид̣̇ам̣ важанам̣ на убзд̇и на яуж̇ж̇ад̇и, на ход̇и д̇ат̇ааг̇ад̇о барам̣ маран̣аад̇иаад̣̇иважанамби на убзд̇и на яуж̇ж̇ад̇ийд̇и ад̇т̇о.
Gaṇakoti acchiddakagaṇanāya kusalo. Muddikoti aṅgulimuddāya gaṇanāya kusalo. Saṅkhāyakoti piṇḍagaṇanāya kusalo. Gambhīroti caturāsītiyojanasahassagambhīro. Appameyyoti āḷhakagaṇanāya appameyyo. Duppariyogāhoti āḷhakagaṇanāya pamāṇagahaṇatthaṃ durogāho. Yena rūpena tathāgatanti yena rūpena dīgho rasso sāmo odātoti sattasaṅkhātaṃ tathāgataṃ paññapeyya. Taṃ rūpaṃ tathāgatassa pahīnanti taṃ vuttappakārarūpaṃ samudayappahānena sabbaññutathāgatassa pahīnaṃ. Rūpasaṅkhāya vimuttoti āyatiṃ rūpassa anuppattiyā rūpārūpakoṭṭhāsenapi evarūpo nāma bhavissatīti vohārassapi paṭipassaddhattā rūpapaṇṇattiyāpi vimutto. Gambhīroti ajjhāsaya gambhīratāya ca guṇagambhīratāya ca gambhīro. Tassa evaṃ guṇagambhīrassa sato sabbaññutathāgatassa yaṃ upādāya sattasaṅkhāto tathāgatoti paññatti hoti, tadabhāvena tassā paññattiyā abhāvaṃ passantassa ayaṃ sattasaṅkhāto hoti tathāgato paraṃ maraṇāti idaṃ vacanaṃ na upeti na yujjati, na hoti tathāgato paraṃ maraṇātiādivacanampi na upeti na yujjatīti attho.
сам̣санд̣̇иссад̇ийд̇и згам̣ бхависсад̇и. самзссад̇ийд̇и ниранд̇арам̣ бхависсад̇и. на вирод̇хаяиссад̇ийд̇и на вируд̣̇д̇хам̣ бад̣̇ам̣ бхависсад̇и. аг̇г̇абад̣̇асминд̇и д̣̇зсанааяа. д̣̇зсанаа хи ид̇ха аг̇г̇абад̣̇анд̇и ад̇хиббзд̇аа.
Saṃsandissatīti ekaṃ bhavissati. Samessatīti nirantaraṃ bhavissati. Na virodhayissatīti na viruddhaṃ padaṃ bhavissati. Aggapadasminti desanāya. Desanā hi idha aggapadanti adhippetā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. кзмаасуд̇д̇ам̣ • 1. Khemāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. кзмаасуд̇д̇аван̣н̣анаа • 1. Khemāsuttavaṇṇanā
