| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. кзмасуд̇д̇аван̣н̣анаа
7. Khemasuttavaṇṇanā
49. сад̇д̇амз вуд̇т̇аб̣рахмажарияаваасод̇и нивуд̇т̇аб̣рахмажарияаваасо. гад̇агаран̣ийяод̇и зд̇т̇а гаран̣ийяанд̇и барин̃н̃аабахаанабхааванаасажчигирияамааха. д̇ам̣ бана яасмаа жад̇уухи маг̇г̇зхи бажжзгам̣ жад̇уусу сажжзсу гад̇д̇аб̣б̣ад̇д̇аа сол̣асавид̇хам̣ взд̣̇ид̇аб̣б̣ам̣. д̇знааха ‘‘жад̇уухи маг̇г̇зхи гад̇д̇аб̣б̣а’’нд̇и. канд̇хагилзсаабхисан̇каарасан̇каад̇аа д̇аяо осийд̣̇аабанадтзна бхаараа вияаад̇и бхаараа. д̇з охид̇аа оробид̇аа нигкид̇д̇аа баад̇ид̇аа зд̇знаад̇и охид̇абхааро. д̇знааха ‘‘канд̇хабхаарам̣…бз… од̇аарзд̇ваа тид̇о’’д̇и. ануббад̇д̇о сад̣̇ад̇т̇анд̇и ануббад̇д̇асад̣̇ад̇т̇о. сад̣̇ад̇т̇од̇и жа сагад̇т̇амааха га-гаарасса д̣̇а-гаарам̣ гад̇ваа. зд̇т̇а хи арахад̇д̇ам̣ ад̇д̇ано яонисоманасигаарааяад̇д̇ад̇д̇аа ад̇д̇уубаниб̣анд̇хадтзна сасанд̇аанабарияаабаннад̇д̇аа ад̇д̇аанам̣ авиж̇аханадтзна ад̇д̇ано уд̇д̇амад̇т̇зна жа ад̇д̇ано ад̇т̇ад̇д̇аа ‘‘сагад̇т̇о’’д̇и вужжад̇и. д̇знааха ‘‘сад̣̇ад̇т̇о вужжад̇и арахад̇д̇а’’нд̇и. саммад̣̇ан̃н̃аа вимуд̇д̇од̇и саммаа ан̃н̃ааяа вимуд̇д̇о, ажчиннабхууд̇ааяа маг̇г̇абан̃н̃ааяа саммаа яат̇аабхууд̇ам̣ д̣̇угкаад̣̇ийсу яо яат̇аа ж̇аанид̇аб̣б̣о, д̇ат̇аа ж̇аанид̇ваа вимуд̇д̇од̇и ад̇т̇о. д̇знааха ‘‘саммаа хзд̇унаа’’д̇иаад̣̇и. вимуд̇д̇од̇и жа д̣̇вз вимуд̇д̇ияо саб̣б̣асса жид̇д̇асам̣гилзсасса маг̇г̇о ниб̣б̣аанаад̇химуд̇д̇и жа. ниб̣б̣аанз ад̇химужжанам̣ д̇ад̇т̇а ниннабон̣абаб̣бхаарад̇ааяа. арахаа саб̣б̣агилзсзхи вимуд̇д̇ажид̇д̇ад̇д̇аа жид̇д̇авимуд̇д̇ияаа вимуд̇д̇о. ниб̣б̣аанам̣ ад̇химуд̇д̇ад̇д̇аа ниб̣б̣аанз вимуд̇д̇о. сзсамзд̇т̇а уд̇д̇аанамзва.
49. Sattame vutthabrahmacariyavāsoti nivutthabrahmacariyavāso. Katakaraṇīyoti ettha karaṇīyanti pariññāpahānabhāvanāsacchikiriyamāha. Taṃ pana yasmā catūhi maggehi paccekaṃ catūsu saccesu kattabbattā soḷasavidhaṃ veditabbaṃ. Tenāha ‘‘catūhi maggehi kattabba’’nti. Khandhakilesaabhisaṅkhārasaṅkhātā tayo osīdāpanaṭṭhena bhārā viyāti bhārā. Te ohitā oropitā nikkhittā pātitā etenāti ohitabhāro. Tenāha ‘‘khandhabhāraṃ…pe… otāretvā ṭhito’’ti. Anuppatto sadatthanti anuppattasadattho. Sadatthoti ca sakatthamāha ka-kārassa da-kāraṃ katvā. Ettha hi arahattaṃ attano yonisomanasikārāyattattā attūpanibandhaṭṭhena sasantānapariyāpannattā attānaṃ avijahanaṭṭhena attano uttamatthena ca attano atthattā ‘‘sakattho’’ti vuccati. Tenāha ‘‘sadattho vuccati arahatta’’nti. Sammadaññā vimuttoti sammā aññāya vimutto, acchinnabhūtāya maggapaññāya sammā yathābhūtaṃ dukkhādīsu yo yathā jānitabbo, tathā jānitvā vimuttoti attho. Tenāha ‘‘sammā hetunā’’tiādi. Vimuttoti ca dve vimuttiyo sabbassa cittasaṃkilesassa maggo nibbānādhimutti ca. Nibbāne adhimuccanaṃ tattha ninnapoṇapabbhāratāya. Arahā sabbakilesehi vimuttacittattā cittavimuttiyā vimutto. Nibbānaṃ adhimuttattā nibbāne vimutto. Sesamettha uttānameva.
кзмасуд̇д̇аван̣н̣анаа нидтид̇аа.
Khemasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. кзмасуд̇д̇ам̣ • 7. Khemasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. кзмасуд̇д̇аван̣н̣анаа • 7. Khemasuttavaṇṇanā
