| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. аб̣яаагад̇асам̣яуд̇д̇ам̣
10. Abyākatasaṃyuttaṃ
1. кзмаасуд̇д̇аван̣н̣анаа
1. Khemāsuttavaṇṇanā
410. б̣имб̣исаарасса убаасигаад̇и б̣имб̣исаарасса ород̇хабхууд̇аа убаасигаа. бан̣д̣ижжам̣ сигкид̇абхаавзна. взяяад̇д̇ияам̣ висаарад̣̇абхаавзна. висаарад̣̇аа наама д̇ихзд̇угабадисанд̇хисид̣̇д̇хасаабхаавигабан̃н̃аа, д̇ааяа саманнааг̇ад̇аа.
410.Bimbisārassaupāsikāti bimbisārassa orodhabhūtā upāsikā. Paṇḍiccaṃ sikkhitabhāvena. Veyyattiyaṃ visāradabhāvena. Visāradā nāma tihetukapaṭisandhisiddhasābhāvikapaññā, tāya samannāgatā.
ажчид̣̇д̣̇агаг̇ан̣анааяа гусалод̇и наванд̇аг̇ан̣анааяа гусало. ан̇г̇улимуд̣̇д̣̇ааяа г̇ан̣анааяа гусалод̇и ан̇г̇улигааяа зва г̇ан̣анааяа гусало сзяяат̇ааби баад̣̇асигаа. бин̣д̣аг̇ан̣анааяаад̇и сан̇галанабадуббаннагаарино бин̣д̣авасзна г̇ан̣анаа. д̇ат̇ааг̇ад̇од̇и кийн̣аасаво, д̇ат̇ааг̇ад̇ам̣ санд̇хааяа бужчад̇ийд̇и кийн̣аасавод̇и жасса арахад̇д̇апалавасибхаавид̇аканд̇хз убаад̣̇ааяа аяам̣ бан̃н̃ад̇д̇и ход̇и. д̇зсу канд̇хзсу сад̇и кийн̣аасаваа сад̇д̇асан̇каад̇аа хонд̇ийд̇и вохаарзна бан̃н̃абзд̇ум̣ саггаа бхавзяяа, асанд̇зсу на саггаа, д̇асмаа барам̣ маран̣аад̇и вуд̇д̇ад̇д̇аа д̇зсам̣ абхааваа ‘‘аб̣яаагад̇амзд̇а’’нд̇и вуд̇д̇ам̣. яад̣̇и звам̣ д̇зсам̣ абхаавад̇о ‘‘на ход̇и д̇ат̇ааг̇ад̇о барам̣ маран̣аа’’д̇и будтааяа ‘‘аамаа’’д̇и бадиж̇аанид̇аб̣б̣аа сияаа, д̇ам̣ бана сад̇д̇асан̇каад̇асса бужчид̇ад̇д̇аа на бадин̃н̃аад̇анд̇и д̣̇адтаб̣б̣ам̣. язна руубзнаад̇и сад̇д̇ад̇ат̇ааг̇ад̇з вуд̇д̇аруубам̣ саб̣б̣ан̃н̃уд̇ат̇ааг̇ад̇з бадигкибид̇ум̣ ‘‘д̇ам̣ рууба’’нд̇иаад̣̇и вуд̇д̇ам̣. яам̣ убаад̣̇ааяаад̇и яам̣ канд̇хабан̃жагам̣ убаад̣̇ааяа. д̇ад̣̇абхаавзнаад̇и д̇асса канд̇хабан̃жагасса абхаавзна. д̇ассаа бан̃н̃ад̇д̇ияаад̇и сад̇д̇абан̃н̃ад̇д̇ияаа абхаавам̣. нируд̣̇д̇хам̣ на нид̣̇ассзд̇и.
Acchiddakagaṇanāya kusaloti navantagaṇanāya kusalo. Aṅgulimuddāya gaṇanāya kusaloti aṅgulikāya eva gaṇanāya kusalo seyyathāpi pādasikā. Piṇḍagaṇanāyāti saṅkalanapaṭuppannakārino piṇḍavasena gaṇanā. Tathāgatoti khīṇāsavo, tathāgataṃ sandhāya pucchatīti khīṇāsavoti cassa arahattaphalavasibhāvitakhandhe upādāya ayaṃ paññatti hoti. Tesu khandhesu sati khīṇāsavā sattasaṅkhātā hontīti vohārena paññapetuṃ sakkā bhaveyya, asantesu na sakkā, tasmā paraṃ maraṇāti vuttattā tesaṃ abhāvā ‘‘abyākatameta’’nti vuttaṃ. Yadi evaṃ tesaṃ abhāvato ‘‘na hoti tathāgato paraṃ maraṇā’’ti puṭṭhāya ‘‘āmā’’ti paṭijānitabbā siyā, taṃ pana sattasaṅkhātassa pucchitattā na paṭiññātanti daṭṭhabbaṃ. Yena rūpenāti sattatathāgate vuttarūpaṃ sabbaññutathāgate paṭikkhipituṃ ‘‘taṃ rūpa’’ntiādi vuttaṃ. Yaṃ upādāyāti yaṃ khandhapañcakaṃ upādāya. Tadabhāvenāti tassa khandhapañcakassa abhāvena. Tassā paññattiyāti sattapaññattiyā abhāvaṃ. Niruddhaṃ na nidasseti.
кзмааяа т̇зрияаа вуд̇д̇ам̣ батамам̣ суд̇д̇ам̣ бхаг̇авад̇о сздтад̇т̇ад̣̇ийбанад̇о аг̇г̇абад̣̇ааважарам̣ва ход̇ийд̇и вуд̇д̇ам̣ ‘‘аг̇г̇абад̣̇асми’’нд̇и.
Khemāya theriyā vuttaṃ paṭhamaṃ suttaṃ bhagavato seṭṭhatthadīpanato aggapadāvacaraṃva hotīti vuttaṃ ‘‘aggapadasmi’’nti.
кзмаасуд̇д̇аван̣н̣анаа нидтид̇аа.
Khemāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. кзмаасуд̇д̇ам̣ • 1. Khemāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. кзмаасуд̇д̇аван̣н̣анаа • 1. Khemāsuttavaṇṇanā
