| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਖੇਮਸੁਤ੍ਤવਣ੍ਣਨਾ
7. Khemasuttavaṇṇanā
੪੯. ਸਤ੍ਤਮੇ વੁਸਿਤવਾਤਿ વੁਤ੍ਥਬ੍ਰਹ੍ਮਚਰਿਯવਾਸੋ। ਕਤਕਰਣੀਯੋਤਿ ਚਤੂਹਿ ਮਗ੍ਗੇਹਿ ਕਤ੍ਤਬ੍ਬਂ ਕਤ੍વਾ ਠਿਤੋ। ਓਹਿਤਭਾਰੋਤਿ ਖਨ੍ਧਭਾਰਂ ਕਿਲੇਸਭਾਰਂ ਅਭਿਸਙ੍ਖਾਰਭਾਰਞ੍ਚ ਓਤਾਰੇਤ੍વਾ ਠਿਤੋ। ਅਨੁਪ੍ਪਤ੍ਤਸਦਤ੍ਥੋਤਿ ਸਦਤ੍ਥੋ વੁਚ੍ਚਤਿ ਅਰਹਤ੍ਤਂ, ਤਂ ਪਤ੍ਤੋਤਿ ਅਤ੍ਥੋ। ਪਰਿਕ੍ਖੀਣਭવਸਂਯੋਜਨੋਤਿ ਖੀਣਭવਬਨ੍ਧਨੋ। ਸਮ੍ਮਦਞ੍ਞਾ વਿਮੁਤ੍ਤੋਤਿ ਸਮ੍ਮਾ ਹੇਤੁਨਾ ਕਾਰਣੇਨ ਜਾਨਿਤ੍વਾ વਿਮੁਤ੍ਤੋ। ਤਸ੍ਸ ਨ ਏવਂ ਹੋਤਿ ਅਤ੍ਥਿ ਮੇ ਸੇਯ੍ਯੋਤਿ વਾਤਿਆਦੀਹਿ ਸੇਯ੍ਯਸ੍ਸ ਸੇਯ੍ਯੋਹਮਸ੍ਮੀਤਿ ਮਾਨਾਦਯੋ ਤਯੋ ਮਾਨਾ ਪਟਿਕ੍ਖਿਤ੍ਤਾ। ਨ ਹਿ ਖੀਣਾਸવਸ੍ਸ ‘‘ਅਤ੍ਥਿ ਮਯ੍ਹਂ ਸੇਯ੍ਯੋ, ਅਤ੍ਥਿ ਸਦਿਸੋ, ਅਤ੍ਥਿ ਹੀਨੋ’’ਤਿ ਮਾਨੋ ਹੋਤਿ। ਨਤ੍ਥਿ ਮੇ ਸੇਯ੍ਯੋਤਿਆਦੀਹਿਪਿ ਤੇਯੇવ ਪਟਿਕ੍ਖਿਤ੍ਤਾ। ਨ ਹਿ ਖੀਣਾਸવਸ੍ਸ ‘‘ਅਹਮੇવ ਸੇਯ੍ਯੋ, ਅਹਂ ਸਦਿਸੋ, ਅਹਂ ਹੀਨੋ, ਅਞ੍ਞੇ ਸੇਯ੍ਯਾਦਯੋ ਨਤ੍ਥੀ’’ਤਿ ਏવਂ ਮਾਨੋ ਹੋਤਿ।
49. Sattame vusitavāti vutthabrahmacariyavāso. Katakaraṇīyoti catūhi maggehi kattabbaṃ katvā ṭhito. Ohitabhāroti khandhabhāraṃ kilesabhāraṃ abhisaṅkhārabhārañca otāretvā ṭhito. Anuppattasadatthoti sadattho vuccati arahattaṃ, taṃ pattoti attho. Parikkhīṇabhavasaṃyojanoti khīṇabhavabandhano. Sammadaññā vimuttoti sammā hetunā kāraṇena jānitvā vimutto. Tassa na evaṃ hoti atthi me seyyoti vātiādīhi seyyassa seyyohamasmīti mānādayo tayo mānā paṭikkhittā. Na hi khīṇāsavassa ‘‘atthi mayhaṃ seyyo, atthi sadiso, atthi hīno’’ti māno hoti. Natthi me seyyotiādīhipi teyeva paṭikkhittā. Na hi khīṇāsavassa ‘‘ahameva seyyo, ahaṃ sadiso, ahaṃ hīno, aññe seyyādayo natthī’’ti evaṃ māno hoti.
ਅਚਿਰਪਕ੍ਕਨ੍ਤੇਸੂਤਿ ਅਰਹਤ੍ਤਂ ਬ੍ਯਾਕਰਿਤ੍વਾ ਅਚਿਰਂਯੇવ ਪਕ੍ਕਨ੍ਤੇਸੁ। ਅਞ੍ਞਂ ਬ੍ਯਾਕਰੋਨ੍ਤੀਤਿ ਅਰਹਤ੍ਤਂ ਕਥੇਨ੍ਤਿ। ਹਸਮਾਨਕਾ ਮਞ੍ਞੇ ਅਞ੍ਞਂ ਬ੍ਯਾਕਰੋਨ੍ਤੀਤਿ ਹਸਮਾਨਾ વਿਯ ਕਥੇਨ੍ਤਿ। વਿਘਾਤਂ ਆਪਜ੍ਜਨ੍ਤੀਤਿ ਦੁਕ੍ਖਂ ਆਪਜ੍ਜਨ੍ਤਿ।
Acirapakkantesūti arahattaṃ byākaritvā aciraṃyeva pakkantesu. Aññaṃ byākarontīti arahattaṃ kathenti. Hasamānakā maññe aññaṃ byākarontīti hasamānā viya kathenti. Vighātaṃ āpajjantīti dukkhaṃ āpajjanti.
ਨ ਉਸ੍ਸੇਸੁ ਨ ਓਮੇਸੁ, ਸਮਤ੍ਤੇ ਨੋਪਨੀਯਰੇਤਿ ਏਤ੍ਥ ਉਸ੍ਸਾਤਿ ਉਸ੍ਸਿਤਤਾ ਸੇਯ੍ਯਪੁਗ੍ਗਲਾ। ਓਮਾਤਿ ਹੀਨਾ। ਸਮਤ੍ਤੋਤਿ ਸਦਿਸੋ। ਇਤਿ ਇਮੇਸੁ ਤੀਸੁਪਿ ਸੇਯ੍ਯਹੀਨਸਦਿਸੇਸੁ ਖੀਣਾਸવਾ ਮਾਨੇਨ ਨ ਉਪਨੀਯਰੇ, ਨ ਉਪਨੇਨ੍ਤਿ, ਨ ਉਪਗਚ੍ਛਨ੍ਤੀਤਿ ਅਤ੍ਥੋ। ਖੀਣਾ ਜਾਤੀਤਿ ਖੀਣਾ ਤੇਸਂ ਜਾਤਿ। વੁਸਿਤਂ ਬ੍ਰਹ੍ਮਚਰਿਯਨ੍ਤਿ વੁਤ੍ਥਂ ਮਗ੍ਗਬ੍ਰਹ੍ਮਚਰਿਯਂ। ਚਰਨ੍ਤਿ ਸਂਯੋਜਨવਿਪ੍ਪਮੁਤ੍ਤਾਤਿ ਸਬ੍ਬਸਂਯੋਜਨੇਹਿ વਿਮੁਤ੍ਤਾ ਹੁਤ੍વਾ ਚਰਨ੍ਤਿ। ਸੁਤ੍ਤੇਪਿ ਗਾਥਾਯਮ੍ਪਿ ਖੀਣਾਸવੋ ਕਥਿਤੋ।
Na ussesu na omesu, samatte nopanīyareti ettha ussāti ussitatā seyyapuggalā. Omāti hīnā. Samattoti sadiso. Iti imesu tīsupi seyyahīnasadisesu khīṇāsavā mānena na upanīyare, na upanenti, na upagacchantīti attho. Khīṇā jātīti khīṇā tesaṃ jāti. Vusitaṃ brahmacariyanti vutthaṃ maggabrahmacariyaṃ. Caranti saṃyojanavippamuttāti sabbasaṃyojanehi vimuttā hutvā caranti. Suttepi gāthāyampi khīṇāsavo kathito.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਖੇਮਸੁਤ੍ਤਂ • 7. Khemasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਖੇਮਸੁਤ੍ਤવਣ੍ਣਨਾ • 7. Khemasuttavaṇṇanā
