| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੦. ਅਬ੍ਯਾਕਤਸਂਯੁਤ੍ਤਂ
10. Abyākatasaṃyuttaṃ
੧. ਖੇਮਾਸੁਤ੍ਤવਣ੍ਣਨਾ
1. Khemāsuttavaṇṇanā
੪੧੦. ਅਬ੍ਯਾਕਤਸਂਯੁਤ੍ਤਸ੍ਸ ਪਠਮੇ ਖੇਮਾਤਿ ਗਿਹਿਕਾਲੇ ਬਿਮ੍ਬਿਸਾਰਸ੍ਸ ਉਪਾਸਿਕਾ ਸਦ੍ਧਾਪਬ੍ਬਜਿਤਾ ਮਹਾਥੇਰੀ ‘‘ਏਤਦਗ੍ਗਂ, ਭਿਕ੍ਖવੇ, ਮਮ ਸਾવਿਕਾਨਂ ਭਿਕ੍ਖੁਨੀਨਂ ਮਹਾਪਞ੍ਞਾਨਂ ਯਦਿਦਂ ਖੇਮਾ’’ਤਿ ਏવਂ ਭਗવਤਾ ਮਹਾਪਞ੍ਞਤਾਯ ਏਤਦਗ੍ਗੇ ਠਪਿਤਾ। ਪਣ੍ਡਿਤਾਤਿ ਪਣ੍ਡਿਚ੍ਚੇਨ ਸਮਨ੍ਨਾਗਤਾ। વਿਯਤ੍ਤਾਤਿ વੇਯ੍ਯਤ੍ਤਿਯੇਨ ਸਮਨ੍ਨਾਗਤਾ। ਮੇਧਾવਿਨੀਤਿ ਮੇਧਾਯ ਪਞ੍ਞਾਯ ਸਮਨ੍ਨਾਗਤਾ। ਬਹੁਸ੍ਸੁਤਾਤਿ ਪਰਿਯਤ੍ਤਿਬਾਹੁਸਚ੍ਚੇਨਪਿ ਪਟਿવੇਧਬਾਹੁਸਚ੍ਚੇਨਪਿ ਸਮਨ੍ਨਾਗਤਾ।
410. Abyākatasaṃyuttassa paṭhame khemāti gihikāle bimbisārassa upāsikā saddhāpabbajitā mahātherī ‘‘etadaggaṃ, bhikkhave, mama sāvikānaṃ bhikkhunīnaṃ mahāpaññānaṃ yadidaṃ khemā’’ti evaṃ bhagavatā mahāpaññatāya etadagge ṭhapitā. Paṇḍitāti paṇḍiccena samannāgatā. Viyattāti veyyattiyena samannāgatā. Medhāvinīti medhāya paññāya samannāgatā. Bahussutāti pariyattibāhusaccenapi paṭivedhabāhusaccenapi samannāgatā.
ਗਣਕੋਤਿ ਅਚ੍ਛਿਦ੍ਦਕਗਣਨਾਯ ਕੁਸਲੋ। ਮੁਦ੍ਦਿਕੋਤਿ ਅਙ੍ਗੁਲਿਮੁਦ੍ਦਾਯ ਗਣਨਾਯ ਕੁਸਲੋ। ਸਙ੍ਖਾਯਕੋਤਿ ਪਿਣ੍ਡਗਣਨਾਯ ਕੁਸਲੋ। ਗਮ੍ਭੀਰੋਤਿ ਚਤੁਰਾਸੀਤਿਯੋਜਨਸਹਸ੍ਸਗਮ੍ਭੀਰੋ। ਅਪ੍ਪਮੇਯ੍ਯੋਤਿ ਆਲ਼੍ਹਕਗਣਨਾਯ ਅਪ੍ਪਮੇਯ੍ਯੋ। ਦੁਪ੍ਪਰਿਯੋਗਾਹੋਤਿ ਆਲ਼੍ਹਕਗਣਨਾਯ ਪਮਾਣਗਹਣਤ੍ਥਂ ਦੁਰੋਗਾਹੋ। ਯੇਨ ਰੂਪੇਨ ਤਥਾਗਤਨ੍ਤਿ ਯੇਨ ਰੂਪੇਨ ਦੀਘੋ ਰਸ੍ਸੋ ਸਾਮੋ ਓਦਾਤੋਤਿ ਸਤ੍ਤਸਙ੍ਖਾਤਂ ਤਥਾਗਤਂ ਪਞ੍ਞਪੇਯ੍ਯ। ਤਂ ਰੂਪਂ ਤਥਾਗਤਸ੍ਸ ਪਹੀਨਨ੍ਤਿ ਤਂ વੁਤ੍ਤਪ੍ਪਕਾਰਰੂਪਂ ਸਮੁਦਯਪ੍ਪਹਾਨੇਨ ਸਬ੍ਬਞ੍ਞੁਤਥਾਗਤਸ੍ਸ ਪਹੀਨਂ। ਰੂਪਸਙ੍ਖਾਯ વਿਮੁਤ੍ਤੋਤਿ ਆਯਤਿਂ ਰੂਪਸ੍ਸ ਅਨੁਪ੍ਪਤ੍ਤਿਯਾ ਰੂਪਾਰੂਪਕੋਟ੍ਠਾਸੇਨਪਿ ਏવਰੂਪੋ ਨਾਮ ਭવਿਸ੍ਸਤੀਤਿ વੋਹਾਰਸ੍ਸਪਿ ਪਟਿਪਸ੍ਸਦ੍ਧਤ੍ਤਾ ਰੂਪਪਣ੍ਣਤ੍ਤਿਯਾਪਿ વਿਮੁਤ੍ਤੋ। ਗਮ੍ਭੀਰੋਤਿ ਅਜ੍ਝਾਸਯ ਗਮ੍ਭੀਰਤਾਯ ਚ ਗੁਣਗਮ੍ਭੀਰਤਾਯ ਚ ਗਮ੍ਭੀਰੋ। ਤਸ੍ਸ ਏવਂ ਗੁਣਗਮ੍ਭੀਰਸ੍ਸ ਸਤੋ ਸਬ੍ਬਞ੍ਞੁਤਥਾਗਤਸ੍ਸ ਯਂ ਉਪਾਦਾਯ ਸਤ੍ਤਸਙ੍ਖਾਤੋ ਤਥਾਗਤੋਤਿ ਪਞ੍ਞਤ੍ਤਿ ਹੋਤਿ, ਤਦਭਾવੇਨ ਤਸ੍ਸਾ ਪਞ੍ਞਤ੍ਤਿਯਾ ਅਭਾવਂ ਪਸ੍ਸਨ੍ਤਸ੍ਸ ਅਯਂ ਸਤ੍ਤਸਙ੍ਖਾਤੋ ਹੋਤਿ ਤਥਾਗਤੋ ਪਰਂ ਮਰਣਾਤਿ ਇਦਂ વਚਨਂ ਨ ਉਪੇਤਿ ਨ ਯੁਜ੍ਜਤਿ, ਨ ਹੋਤਿ ਤਥਾਗਤੋ ਪਰਂ ਮਰਣਾਤਿਆਦਿવਚਨਮ੍ਪਿ ਨ ਉਪੇਤਿ ਨ ਯੁਜ੍ਜਤੀਤਿ ਅਤ੍ਥੋ।
Gaṇakoti acchiddakagaṇanāya kusalo. Muddikoti aṅgulimuddāya gaṇanāya kusalo. Saṅkhāyakoti piṇḍagaṇanāya kusalo. Gambhīroti caturāsītiyojanasahassagambhīro. Appameyyoti āḷhakagaṇanāya appameyyo. Duppariyogāhoti āḷhakagaṇanāya pamāṇagahaṇatthaṃ durogāho. Yena rūpena tathāgatanti yena rūpena dīgho rasso sāmo odātoti sattasaṅkhātaṃ tathāgataṃ paññapeyya. Taṃ rūpaṃ tathāgatassa pahīnanti taṃ vuttappakārarūpaṃ samudayappahānena sabbaññutathāgatassa pahīnaṃ. Rūpasaṅkhāya vimuttoti āyatiṃ rūpassa anuppattiyā rūpārūpakoṭṭhāsenapi evarūpo nāma bhavissatīti vohārassapi paṭipassaddhattā rūpapaṇṇattiyāpi vimutto. Gambhīroti ajjhāsaya gambhīratāya ca guṇagambhīratāya ca gambhīro. Tassa evaṃ guṇagambhīrassa sato sabbaññutathāgatassa yaṃ upādāya sattasaṅkhāto tathāgatoti paññatti hoti, tadabhāvena tassā paññattiyā abhāvaṃ passantassa ayaṃ sattasaṅkhāto hoti tathāgato paraṃ maraṇāti idaṃ vacanaṃ na upeti na yujjati, na hoti tathāgato paraṃ maraṇātiādivacanampi na upeti na yujjatīti attho.
ਸਂਸਨ੍ਦਿਸ੍ਸਤੀਤਿ ਏਕਂ ਭવਿਸ੍ਸਤਿ। ਸਮੇਸ੍ਸਤੀਤਿ ਨਿਰਨ੍ਤਰਂ ਭવਿਸ੍ਸਤਿ। ਨ વਿਰੋਧਯਿਸ੍ਸਤੀਤਿ ਨ વਿਰੁਦ੍ਧਂ ਪਦਂ ਭવਿਸ੍ਸਤਿ। ਅਗ੍ਗਪਦਸ੍ਮਿਨ੍ਤਿ ਦੇਸਨਾਯ। ਦੇਸਨਾ ਹਿ ਇਧ ਅਗ੍ਗਪਦਨ੍ਤਿ ਅਧਿਪ੍ਪੇਤਾ।
Saṃsandissatīti ekaṃ bhavissati. Samessatīti nirantaraṃ bhavissati. Na virodhayissatīti na viruddhaṃ padaṃ bhavissati. Aggapadasminti desanāya. Desanā hi idha aggapadanti adhippetā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਖੇਮਾਸੁਤ੍ਤਂ • 1. Khemāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਖੇਮਾਸੁਤ੍ਤવਣ੍ਣਨਾ • 1. Khemāsuttavaṇṇanā
