| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਅਬ੍ਯਾਕਤਸਂਯੁਤ੍ਤਂ
10. Abyākatasaṃyuttaṃ
੧. ਖੇਮਾਸੁਤ੍ਤવਣ੍ਣਨਾ
1. Khemāsuttavaṇṇanā
੪੧੦. ਬਿਮ੍ਬਿਸਾਰਸ੍ਸ ਉਪਾਸਿਕਾਤਿ ਬਿਮ੍ਬਿਸਾਰਸ੍ਸ ਓਰੋਧਭੂਤਾ ਉਪਾਸਿਕਾ। ਪਣ੍ਡਿਚ੍ਚਂ ਸਿਕ੍ਖਿਤਭਾવੇਨ। વੇਯ੍ਯਤ੍ਤਿਯਂ વਿਸਾਰਦਭਾવੇਨ। વਿਸਾਰਦਾ ਨਾਮ ਤਿਹੇਤੁਕਪਟਿਸਨ੍ਧਿਸਿਦ੍ਧਸਾਭਾવਿਕਪਞ੍ਞਾ, ਤਾਯ ਸਮਨ੍ਨਾਗਤਾ।
410.Bimbisārassaupāsikāti bimbisārassa orodhabhūtā upāsikā. Paṇḍiccaṃ sikkhitabhāvena. Veyyattiyaṃ visāradabhāvena. Visāradā nāma tihetukapaṭisandhisiddhasābhāvikapaññā, tāya samannāgatā.
ਅਚ੍ਛਿਦ੍ਦਕਗਣਨਾਯ ਕੁਸਲੋਤਿ ਨવਨ੍ਤਗਣਨਾਯ ਕੁਸਲੋ। ਅਙ੍ਗੁਲਿਮੁਦ੍ਦਾਯ ਗਣਨਾਯ ਕੁਸਲੋਤਿ ਅਙ੍ਗੁਲਿਕਾਯ ਏવ ਗਣਨਾਯ ਕੁਸਲੋ ਸੇਯ੍ਯਥਾਪਿ ਪਾਦਸਿਕਾ। ਪਿਣ੍ਡਗਣਨਾਯਾਤਿ ਸਙ੍ਕਲਨਪਟੁਪ੍ਪਨ੍ਨਕਾਰਿਨੋ ਪਿਣ੍ਡવਸੇਨ ਗਣਨਾ। ਤਥਾਗਤੋਤਿ ਖੀਣਾਸવੋ, ਤਥਾਗਤਂ ਸਨ੍ਧਾਯ ਪੁਚ੍ਛਤੀਤਿ ਖੀਣਾਸવੋਤਿ ਚਸ੍ਸ ਅਰਹਤ੍ਤਫਲવਸਿਭਾવਿਤਖਨ੍ਧੇ ਉਪਾਦਾਯ ਅਯਂ ਪਞ੍ਞਤ੍ਤਿ ਹੋਤਿ। ਤੇਸੁ ਖਨ੍ਧੇਸੁ ਸਤਿ ਖੀਣਾਸવਾ ਸਤ੍ਤਸਙ੍ਖਾਤਾ ਹੋਨ੍ਤੀਤਿ વੋਹਾਰੇਨ ਪਞ੍ਞਪੇਤੁਂ ਸਕ੍ਕਾ ਭવੇਯ੍ਯ, ਅਸਨ੍ਤੇਸੁ ਨ ਸਕ੍ਕਾ, ਤਸ੍ਮਾ ਪਰਂ ਮਰਣਾਤਿ વੁਤ੍ਤਤ੍ਤਾ ਤੇਸਂ ਅਭਾવਾ ‘‘ਅਬ੍ਯਾਕਤਮੇਤ’’ਨ੍ਤਿ વੁਤ੍ਤਂ। ਯਦਿ ਏવਂ ਤੇਸਂ ਅਭਾવਤੋ ‘‘ਨ ਹੋਤਿ ਤਥਾਗਤੋ ਪਰਂ ਮਰਣਾ’’ਤਿ ਪੁਟ੍ਠਾਯ ‘‘ਆਮਾ’’ਤਿ ਪਟਿਜਾਨਿਤਬ੍ਬਾ ਸਿਯਾ, ਤਂ ਪਨ ਸਤ੍ਤਸਙ੍ਖਾਤਸ੍ਸ ਪੁਚ੍ਛਿਤਤ੍ਤਾ ਨ ਪਟਿਞ੍ਞਾਤਨ੍ਤਿ ਦਟ੍ਠਬ੍ਬਂ। ਯੇਨ ਰੂਪੇਨਾਤਿ ਸਤ੍ਤਤਥਾਗਤੇ વੁਤ੍ਤਰੂਪਂ ਸਬ੍ਬਞ੍ਞੁਤਥਾਗਤੇ ਪਟਿਕ੍ਖਿਪਿਤੁਂ ‘‘ਤਂ ਰੂਪ’’ਨ੍ਤਿਆਦਿ વੁਤ੍ਤਂ। ਯਂ ਉਪਾਦਾਯਾਤਿ ਯਂ ਖਨ੍ਧਪਞ੍ਚਕਂ ਉਪਾਦਾਯ। ਤਦਭਾવੇਨਾਤਿ ਤਸ੍ਸ ਖਨ੍ਧਪਞ੍ਚਕਸ੍ਸ ਅਭਾવੇਨ। ਤਸ੍ਸਾ ਪਞ੍ਞਤ੍ਤਿਯਾਤਿ ਸਤ੍ਤਪਞ੍ਞਤ੍ਤਿਯਾ ਅਭਾવਂ। ਨਿਰੁਦ੍ਧਂ ਨ ਨਿਦਸ੍ਸੇਤਿ।
Acchiddakagaṇanāya kusaloti navantagaṇanāya kusalo. Aṅgulimuddāya gaṇanāya kusaloti aṅgulikāya eva gaṇanāya kusalo seyyathāpi pādasikā. Piṇḍagaṇanāyāti saṅkalanapaṭuppannakārino piṇḍavasena gaṇanā. Tathāgatoti khīṇāsavo, tathāgataṃ sandhāya pucchatīti khīṇāsavoti cassa arahattaphalavasibhāvitakhandhe upādāya ayaṃ paññatti hoti. Tesu khandhesu sati khīṇāsavā sattasaṅkhātā hontīti vohārena paññapetuṃ sakkā bhaveyya, asantesu na sakkā, tasmā paraṃ maraṇāti vuttattā tesaṃ abhāvā ‘‘abyākatameta’’nti vuttaṃ. Yadi evaṃ tesaṃ abhāvato ‘‘na hoti tathāgato paraṃ maraṇā’’ti puṭṭhāya ‘‘āmā’’ti paṭijānitabbā siyā, taṃ pana sattasaṅkhātassa pucchitattā na paṭiññātanti daṭṭhabbaṃ. Yena rūpenāti sattatathāgate vuttarūpaṃ sabbaññutathāgate paṭikkhipituṃ ‘‘taṃ rūpa’’ntiādi vuttaṃ. Yaṃ upādāyāti yaṃ khandhapañcakaṃ upādāya. Tadabhāvenāti tassa khandhapañcakassa abhāvena. Tassā paññattiyāti sattapaññattiyā abhāvaṃ. Niruddhaṃ na nidasseti.
ਖੇਮਾਯ ਥੇਰਿਯਾ વੁਤ੍ਤਂ ਪਠਮਂ ਸੁਤ੍ਤਂ ਭਗવਤੋ ਸੇਟ੍ਠਤ੍ਥਦੀਪਨਤੋ ਅਗ੍ਗਪਦਾવਚਰਂવ ਹੋਤੀਤਿ વੁਤ੍ਤਂ ‘‘ਅਗ੍ਗਪਦਸ੍ਮਿ’’ਨ੍ਤਿ।
Khemāya theriyā vuttaṃ paṭhamaṃ suttaṃ bhagavato seṭṭhatthadīpanato aggapadāvacaraṃva hotīti vuttaṃ ‘‘aggapadasmi’’nti.
ਖੇਮਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Khemāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਖੇਮਾਸੁਤ੍ਤਂ • 1. Khemāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਖੇਮਾਸੁਤ੍ਤવਣ੍ਣਨਾ • 1. Khemāsuttavaṇṇanā
