| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
3. кзмаат̇зрийг̇аат̇ааван̣н̣анаа
3. Khemātherīgāthāvaṇṇanā
д̣̇ахараа д̇вам̣ руубавад̇ийд̇иаад̣̇игаа кзмааяа т̇зрияаа г̇аат̇аа. аяам̣ гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз бараад̇хийнавуд̇д̇игаа барзсам̣ д̣̇аасий ахоси. саа барзсам̣ взяяааважжагаран̣зна ж̇ийвигам̣ габбзнд̇ий згад̣̇ивасам̣ бад̣̇умуд̇д̇арасса саммаасамб̣уд̣̇д̇хасса аг̇г̇асаавагам̣ суж̇аад̇ад̇т̇зрам̣ бин̣д̣ааяа жаранд̇ам̣ д̣̇исваа д̇аяо мод̣̇агз д̣̇ад̇ваа д̇ам̣д̣̇ивасамзва ад̇д̇ано гзсз виссаж̇ж̇зд̇ваа т̇зрасса д̣̇аанам̣ д̣̇ад̇ваа ‘‘анааг̇ад̇з махаабан̃н̃аа б̣уд̣̇д̇хасса саавигаа бхавзяяа’’нд̇и бад̇т̇анам̣ гад̇ваа яааваж̇ийвам̣ гусалагаммз аббамад̇д̇аа худ̇ваа д̣̇звамануссзсу сам̣саранд̇ий ануггамзна чагаамасаг̇г̇з, д̇зсам̣ д̇зсам̣ д̣̇зварааж̇уунам̣ махзсибхаавзна убабаннаа, мануссалогзби анзгаваарам̣ жаггавад̇д̇ийнам̣ ман̣д̣аларааж̇уунан̃жа махзсибхаавам̣ убаг̇ад̇аа махаасамбад̇д̇ияо анубхавид̇ваа вибассисса бхаг̇авад̇о гаалз мануссалогз уббаж̇ж̇ид̇ваа вин̃н̃уд̇ам̣ бад̇ваа, сад̇т̇у санд̇игз д̇хаммам̣ суд̇ваа бадилад̣̇д̇хасам̣взг̇аа баб̣б̣аж̇ид̇ваа д̣̇асавассасахассаани б̣рахмажарияам̣ жаранд̇ий б̣ахуссуд̇аа д̇хаммагат̇игаа худ̇ваа б̣ахуж̇анасса д̇хаммагат̇анаад̣̇инаа бан̃н̃аасам̣вад̇д̇анияагаммам̣ гад̇ваа д̇ад̇о жавид̇ваа суг̇ад̇ийсуязва сам̣саранд̇ий имасмим̣ габбз бхаг̇авад̇о жа гагусанд̇хасса бхаг̇авад̇о жа гон̣ааг̇аманасса гаалз вибхавасамбаннз гулз ниб̣б̣ад̇д̇ид̇ваа вин̃н̃уд̇ам̣ бад̇ваа маханд̇ам̣ сан̇гхаараамам̣ гаарзд̇ваа б̣уд̣̇д̇хаббамукасса бхигкусан̇гхасса нияяаад̣̇зси.
Daharā tvaṃ rūpavatītiādikā khemāya theriyā gāthā. Ayaṃ kira padumuttarassa bhagavato kāle haṃsavatīnagare parādhīnavuttikā paresaṃ dāsī ahosi. Sā paresaṃ veyyāvaccakaraṇena jīvikaṃ kappentī ekadivasaṃ padumuttarassa sammāsambuddhassa aggasāvakaṃ sujātattheraṃ piṇḍāya carantaṃ disvā tayo modake datvā taṃdivasameva attano kese vissajjetvā therassa dānaṃ datvā ‘‘anāgate mahāpaññā buddhassa sāvikā bhaveyya’’nti patthanaṃ katvā yāvajīvaṃ kusalakamme appamattā hutvā devamanussesu saṃsarantī anukkamena chakāmasagge, tesaṃ tesaṃ devarājūnaṃ mahesibhāvena upapannā, manussalokepi anekavāraṃ cakkavattīnaṃ maṇḍalarājūnañca mahesibhāvaṃ upagatā mahāsampattiyo anubhavitvā vipassissa bhagavato kāle manussaloke uppajjitvā viññutaṃ patvā, satthu santike dhammaṃ sutvā paṭiladdhasaṃvegā pabbajitvā dasavassasahassāni brahmacariyaṃ carantī bahussutā dhammakathikā hutvā bahujanassa dhammakathanādinā paññāsaṃvattaniyakammaṃ katvā tato cavitvā sugatīsuyeva saṃsarantī imasmiṃ kappe bhagavato ca kakusandhassa bhagavato ca koṇāgamanassa kāle vibhavasampanne kule nibbattitvā viññutaṃ patvā mahantaṃ saṅghārāmaṃ kāretvā buddhappamukhassa bhikkhusaṅghassa niyyādesi.
бхаг̇авад̇о бана гассабад̣̇асаб̣аласса гаалз гигисса гаасиран̃н̃о саб̣б̣аж̇здтигаа саман̣ий наама д̇хийд̇аа худ̇ваа, сад̇т̇у санд̇игз д̇хаммам̣ суд̇ваа бадилад̣̇д̇хасам̣взг̇аа аг̇аарзязва тид̇аа, вийсад̇и вассасахассаани гомаариб̣рахмажарияам̣ жаранд̇ий саман̣аг̇уд̇д̇аад̣̇ийхи ад̇д̇ано бхаг̇инийхи сад̣̇д̇хим̣ раман̣ийяам̣ баривзн̣ам̣ гаарзд̇ваа б̣уд̣̇д̇хаббамукасса бхигкусан̇гхасса нияяаад̣̇зси. звамзва д̇ад̇т̇а д̇ад̇т̇а бхавз ааяад̇анаг̇ад̇ам̣ ул̣аарам̣ бун̃н̃агаммам̣ гад̇ваа суг̇ад̇ийсуязва сам̣сарид̇ваа имасмим̣ б̣уд̣̇д̇хуббаад̣̇з мад̣̇д̣̇арадтз саагаланаг̇арз рааж̇агулз ниб̣б̣ад̇д̇и. кзмаад̇иссаа наамам̣ ахоси, суван̣н̣аван̣н̣аа ган̃жанасаннибхад̇д̇ажаа. саа ваяаббад̇д̇аа б̣имб̣исаараран̃н̃о г̇зхам̣ г̇ад̇аа. сад̇т̇ари взл̣уванз вихаранд̇з руубамад̇д̇аа худ̇ваа ‘‘руубз д̣̇осам̣ д̣̇ассзд̇ий’’д̇и сад̇т̇у д̣̇ассанааяа на г̇ажчад̇и.
Bhagavato pana kassapadasabalassa kāle kikissa kāsirañño sabbajeṭṭhikā samaṇī nāma dhītā hutvā, satthu santike dhammaṃ sutvā paṭiladdhasaṃvegā agāreyeva ṭhitā, vīsati vassasahassāni komāribrahmacariyaṃ carantī samaṇaguttādīhi attano bhaginīhi saddhiṃ ramaṇīyaṃ pariveṇaṃ kāretvā buddhappamukhassa bhikkhusaṅghassa niyyādesi. Evameva tattha tattha bhave āyatanagataṃ uḷāraṃ puññakammaṃ katvā sugatīsuyeva saṃsaritvā imasmiṃ buddhuppāde maddaraṭṭhe sākalanagare rājakule nibbatti. Khemātissā nāmaṃ ahosi, suvaṇṇavaṇṇā kañcanasannibhattacā. Sā vayappattā bimbisārarañño gehaṃ gatā. Satthari veḷuvane viharante rūpamattā hutvā ‘‘rūpe dosaṃ dassetī’’ti satthu dassanāya na gacchati.
рааж̇аа мануссзхи взл̣уванасса ван̣н̣з багаасаабзд̇ваа д̣̇звияаа вихаарад̣̇ассанааяа жид̇д̇ам̣ уббаад̣̇зси. ат̇а д̣̇звий ‘‘вихаарам̣ бассиссаамий’’д̇и рааж̇аанам̣ бадибужчи. рааж̇аа ‘‘вихаарам̣ г̇анд̇ваа сад̇т̇аарам̣ ад̣̇исваа ааг̇анд̇ум̣ на лабхиссасий’’д̇и вад̇ваа бурисаанам̣ сан̃н̃ам̣ ад̣̇ааси – ‘‘б̣алаггаарзнаби д̣̇звим̣ д̣̇асаб̣алам̣ д̣̇ассзт̇аа’’д̇и. д̣̇звий вихаарам̣ г̇анд̇ваа д̣̇ивасабхааг̇ам̣ кзбзд̇ваа нивад̇д̇знд̇ий сад̇т̇аарам̣ ад̣̇исваава г̇анд̇ум̣ аарад̣̇д̇хаа. ат̇а нам̣ рааж̇абурисаа анижчанд̇имби сад̇т̇у санд̇игам̣ наяим̣су. сад̇т̇аа д̇ам̣ ааг̇ажчанд̇им̣ д̣̇исваа ид̣̇д̇хияаа д̣̇зважчараасад̣̇исам̣ ид̇т̇им̣ нимминид̇ваа д̇аалабан̣н̣ам̣ г̇ахзд̇ваа б̣ийж̇аяамаанам̣ агааси. кзмаа д̣̇звий д̇ам̣ д̣̇исваа жинд̇зси – ‘‘зваруубаа наама д̣̇зважчарабадибхааг̇аа ид̇т̇ияо бхаг̇авад̇о авид̣̇уурз д̇идтанд̇и, ахам̣ зд̇аасам̣ барижааригад̇ааяаби наббахоми, манамби ниггааран̣аа баабажид̇д̇асса васзна надтаа’’д̇и нимид̇д̇ам̣ г̇ахзд̇ваа д̇амзва ид̇т̇им̣ ологаяамаанаа адтааси. ат̇ассаа бассанд̇ияаава сад̇т̇у ад̇хидтаанаб̣алзна саа ид̇т̇ий батамаваяам̣ ад̇иггамма маж̇жхимаваяамби ад̇иггамма бажчимаваяам̣ бад̇ваа кан̣д̣ад̣̇анд̇аа балид̇агзсаа валид̇д̇ажаа худ̇ваа сад̣̇д̇хим̣ д̇аалабан̣н̣зна баривад̇д̇ид̇ваа бад̇и . д̇ад̇о кзмаа гад̇аад̇хигаарад̇д̇аа звам̣ жинд̇зси – ‘‘звам̣вид̇хамби сарийрам̣ ийд̣̇исам̣ вибад̇д̇им̣ баабун̣и, маяхамби сарийрам̣ звам̣г̇ад̇игамзва бхависсад̇ий’’д̇и. ат̇ассаа жид̇д̇аажаарам̣ н̃ад̇ваа сад̇т̇аа –
Rājā manussehi veḷuvanassa vaṇṇe pakāsāpetvā deviyā vihāradassanāya cittaṃ uppādesi. Atha devī ‘‘vihāraṃ passissāmī’’ti rājānaṃ paṭipucchi. Rājā ‘‘vihāraṃ gantvā satthāraṃ adisvā āgantuṃ na labhissasī’’ti vatvā purisānaṃ saññaṃ adāsi – ‘‘balakkārenapi deviṃ dasabalaṃ dassethā’’ti. Devī vihāraṃ gantvā divasabhāgaṃ khepetvā nivattentī satthāraṃ adisvāva gantuṃ āraddhā. Atha naṃ rājapurisā anicchantimpi satthu santikaṃ nayiṃsu. Satthā taṃ āgacchantiṃ disvā iddhiyā devaccharāsadisaṃ itthiṃ nimminitvā tālapaṇṇaṃ gahetvā bījayamānaṃ akāsi. Khemā devī taṃ disvā cintesi – ‘‘evarūpā nāma devaccharapaṭibhāgā itthiyo bhagavato avidūre tiṭṭhanti, ahaṃ etāsaṃ paricārikatāyapi nappahomi, manampi nikkāraṇā pāpacittassa vasena naṭṭhā’’ti nimittaṃ gahetvā tameva itthiṃ olokayamānā aṭṭhāsi. Athassā passantiyāva satthu adhiṭṭhānabalena sā itthī paṭhamavayaṃ atikkamma majjhimavayampi atikkamma pacchimavayaṃ patvā khaṇḍadantā palitakesā valittacā hutvā saddhiṃ tālapaṇṇena parivattitvā pati . Tato khemā katādhikārattā evaṃ cintesi – ‘‘evaṃvidhampi sarīraṃ īdisaṃ vipattiṃ pāpuṇi, mayhampi sarīraṃ evaṃgatikameva bhavissatī’’ti. Athassā cittācāraṃ ñatvā satthā –
‘‘яз рааг̇арад̇д̇аанубад̇анд̇и сод̇ам̣, саяам̣ гад̇ам̣ маггадагова ж̇аалам̣;
‘‘Ye rāgarattānupatanti sotaṃ, sayaṃ kataṃ makkaṭakova jālaṃ;
зд̇амби чзд̇ваана бариб̣б̣аж̇анд̇и, анабзгкино гаамасукам̣ бахааяаа’’д̇и. –
Etampi chetvāna paribbajanti, anapekkhino kāmasukhaṃ pahāyā’’ti. –
г̇аат̇амааха . саа г̇аат̇аабарияосаанз саха бадисамбхид̣̇аахи арахад̇д̇ам̣ баабун̣ийд̇и адтагат̇аасу ааг̇ад̇ам̣. абад̣̇аанз бана ‘‘имам̣ г̇аат̇ам̣ суд̇ваа сод̇аабад̇д̇ипалз бад̇идтид̇аа рааж̇аанам̣ ануж̇аанаабзд̇ваа баб̣б̣аж̇ид̇ваа арахад̇д̇ам̣ баабун̣ий’’д̇и ааг̇ад̇ам̣. д̇ад̇т̇ааяам̣ абад̣̇аанабаал̣и (аба. т̇зрий 2.2.289-383) –
Gāthamāha . Sā gāthāpariyosāne saha paṭisambhidāhi arahattaṃ pāpuṇīti aṭṭhakathāsu āgataṃ. Apadāne pana ‘‘imaṃ gāthaṃ sutvā sotāpattiphale patiṭṭhitā rājānaṃ anujānāpetvā pabbajitvā arahattaṃ pāpuṇī’’ti āgataṃ. Tatthāyaṃ apadānapāḷi (apa. therī 2.2.289-383) –
‘‘бад̣̇умуд̇д̇аро наама ж̇ино, саб̣б̣ад̇хаммзсу жагкумаа;
‘‘Padumuttaro nāma jino, sabbadhammesu cakkhumā;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘д̇ад̣̇аахам̣ хам̣савад̇ияам̣, ж̇аад̇аа сздтигулз ахум̣;
‘‘Tadāhaṃ haṃsavatiyaṃ, jātā seṭṭhikule ahuṃ;
наанаарад̇анабаж̇ж̇од̇з, махаасукасамаббид̇аа.
Nānāratanapajjote, mahāsukhasamappitā.
‘‘убзд̇ваа д̇ам̣ махаавийрам̣, ассосим̣ д̇хаммад̣̇зсанам̣;
‘‘Upetvā taṃ mahāvīraṃ, assosiṃ dhammadesanaṃ;
д̇ад̇о ж̇аад̇аббасаад̣̇аахам̣, убзми саран̣ам̣ ж̇инам̣.
Tato jātappasādāhaṃ, upemi saraṇaṃ jinaṃ.
‘‘маад̇арам̣ бид̇арам̣ жаахам̣, ааяаажид̇ваа винааяагам̣;
‘‘Mātaraṃ pitaraṃ cāhaṃ, āyācitvā vināyakaṃ;
ниманд̇аяид̇ваа сад̇д̇аахам̣, бхож̇аяим̣ сахасаавагам̣.
Nimantayitvā sattāhaṃ, bhojayiṃ sahasāvakaṃ.
‘‘ад̇игганд̇з жа сад̇д̇аахз, махаабан̃н̃аанамуд̇д̇амам̣;
‘‘Atikkante ca sattāhe, mahāpaññānamuttamaṃ;
бхигкуним̣ зд̇ад̣̇аг̇г̇амхи, табзси нарасаарат̇и.
Bhikkhuniṃ etadaggamhi, ṭhapesi narasārathi.
‘‘д̇ам̣ суд̇ваа муд̣̇ид̇аа худ̇ваа, буно д̇асса махзсино;
‘‘Taṃ sutvā muditā hutvā, puno tassa mahesino;
гаарам̣ гад̇ваана д̇ам̣ таанам̣, бан̣ибажжа бан̣ийд̣̇ахим̣.
Kāraṃ katvāna taṃ ṭhānaṃ, paṇipacca paṇīdahiṃ.
‘‘д̇ад̇о мама ж̇ино ааха, сиж̇жхад̇ам̣ бан̣ид̇хий д̇ава;
‘‘Tato mama jino āha, sijjhataṃ paṇidhī tava;
сасан̇гхз мз гад̇ам̣ гаарам̣, аббамзяяапалам̣ д̇аяаа.
Sasaṅghe me kataṃ kāraṃ, appameyyaphalaṃ tayā.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇аа, орасаа д̇хамманиммид̇аа;
‘‘Tassa dhammesu dāyādā, orasā dhammanimmitā;
зд̇ад̣̇аг̇г̇амануббад̇д̇аа, кзмаа наама бхависсад̇и.
Etadaggamanuppattā, khemā nāma bhavissati.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣суубаг̇аа ахам̣.
Jahitvā mānusaṃ dehaṃ, tāvatiṃsūpagā ahaṃ.
‘‘д̇ад̇о жуд̇аа яаамамаг̇ам̣, д̇ад̇охам̣ д̇усид̇ам̣ г̇ад̇аа;
‘‘Tato cutā yāmamagaṃ, tatohaṃ tusitaṃ gatā;
д̇ад̇о жа ниммаанарад̇им̣, васавад̇д̇ибурам̣ д̇ад̇о.
Tato ca nimmānaratiṃ, vasavattipuraṃ tato.
‘‘яад̇т̇а яад̇т̇уубабаж̇ж̇аами, д̇асса гаммасса ваахасаа;
‘‘Yattha yatthūpapajjāmi, tassa kammassa vāhasā;
д̇ад̇т̇а д̇ад̇т̇зва рааж̇уунам̣, махзсид̇д̇амагаараяим̣.
Tattha tattheva rājūnaṃ, mahesittamakārayiṃ.
‘‘д̇ад̇о жуд̇аа мануссад̇д̇з, рааж̇уунам̣ жаггавад̇д̇инам̣;
‘‘Tato cutā manussatte, rājūnaṃ cakkavattinaṃ;
ман̣д̣алийнан̃жа рааж̇уунам̣, махзсид̇д̇амагаараяим̣.
Maṇḍalīnañca rājūnaṃ, mahesittamakārayiṃ.
‘‘самбад̇д̇им̣ анубход̇ваана, д̣̇звзсу мануж̇зсу жа;
‘‘Sampattiṃ anubhotvāna, devesu manujesu ca;
саб̣б̣ад̇т̇а сукид̇аа худ̇ваа, нзгагаббзсу сам̣сарим̣.
Sabbattha sukhitā hutvā, nekakappesu saṃsariṃ.
‘‘зганавуд̇ид̇о габбз, вибассий логанааяаго;
‘‘Ekanavutito kappe, vipassī lokanāyako;
уббаж̇ж̇и жааруд̣̇ассано, саб̣б̣ад̇хаммавибассаго.
Uppajji cārudassano, sabbadhammavipassako.
‘‘д̇амахам̣ логанааяагам̣, убзд̇ваа нарасаарат̇им̣;
‘‘Tamahaṃ lokanāyakaṃ, upetvā narasārathiṃ;
д̇хаммам̣ бхан̣ид̇ам̣ суд̇ваана, баб̣б̣аж̇им̣ анаг̇аарияам̣.
Dhammaṃ bhaṇitaṃ sutvāna, pabbajiṃ anagāriyaṃ.
‘‘д̣̇асавассасахассаани, д̇асса вийрасса саасанз;
‘‘Dasavassasahassāni, tassa vīrassa sāsane;
б̣рахмажарияам̣ жарид̇ваана, яуд̇д̇аяог̇аа б̣ахуссуд̇аа.
Brahmacariyaṃ caritvāna, yuttayogā bahussutā.
‘‘бажжаяаагаарагусалаа, жад̇усажжависаарад̣̇аа;
‘‘Paccayākārakusalā, catusaccavisāradā;
нибун̣аа жид̇д̇агат̇игаа, сад̇т̇усаасанагааригаа.
Nipuṇā cittakathikā, satthusāsanakārikā.
‘‘д̇ад̇о жуд̇аахам̣ д̇усид̇ам̣, убабаннаа яасассиний;
‘‘Tato cutāhaṃ tusitaṃ, upapannā yasassinī;
абхибхоми д̇ахим̣ ан̃н̃з, б̣рахмажаарийпалзнахам̣.
Abhibhomi tahiṃ aññe, brahmacārīphalenahaṃ.
‘‘яад̇т̇а яад̇т̇уубабаннаахам̣, махаабхог̇аа махад̣̇д̇ханаа;
‘‘Yattha yatthūpapannāhaṃ, mahābhogā mahaddhanā;
мзд̇хаавиний сийлавад̇ий, винийд̇абарисааби жа.
Medhāvinī sīlavatī, vinītaparisāpi ca.
‘‘бхаваами д̇зна гаммзна, яог̇зна ж̇инасаасанз;
‘‘Bhavāmi tena kammena, yogena jinasāsane;
саб̣б̣аа самбад̇д̇ияо маяхам̣, сулабхаа манасо бияаа.
Sabbā sampattiyo mayhaṃ, sulabhā manaso piyā.
‘‘яоби мз бхавад̇з бхад̇д̇аа, яад̇т̇а яад̇т̇а г̇ад̇ааяаби;
‘‘Yopi me bhavate bhattā, yattha yattha gatāyapi;
вимаанзд̇и на мам̣ гожи, бадибад̇д̇иб̣алзна мз.
Vimāneti na maṃ koci, paṭipattibalena me.
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
наамзна гон̣ааг̇амано, уббаж̇ж̇и вад̣̇ад̇ам̣ варо.
Nāmena koṇāgamano, uppajji vadataṃ varo.
‘‘д̇ад̣̇аа хи б̣аараан̣асияам̣, сусамид̣̇д̇хагулаббаж̇аа;
‘‘Tadā hi bārāṇasiyaṃ, susamiddhakulappajā;
д̇ханан̃ж̇ааний сумзд̇хаа жа, ахамби жа д̇аяо ж̇анаа.
Dhanañjānī sumedhā ca, ahampi ca tayo janā.
‘‘сан̇гхаараамамад̣̇аасимха, д̣̇аанасахааяигаа бурз;
‘‘Saṅghārāmamadāsimha, dānasahāyikā pure;
сан̇гхасса жа вихаарамби, уд̣̇д̣̇исса гааригаа маяам̣.
Saṅghassa ca vihārampi, uddissa kārikā mayaṃ.
‘‘д̇ад̇о жуд̇аа маяам̣ саб̣б̣аа, д̇аавад̇им̣суубаг̇аа ахум̣;
‘‘Tato cutā mayaṃ sabbā, tāvatiṃsūpagā ahuṃ;
яасасаа аг̇г̇ад̇ам̣ бад̇д̇аа, мануссзсу д̇ат̇зва жа.
Yasasā aggataṃ pattā, manussesu tatheva ca.
‘‘имасмим̣язва габбамхи, б̣рахмаб̣анд̇ху махааяасо;
‘‘Imasmiṃyeva kappamhi, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘убадтааго махзсисса, д̇ад̣̇аа ааси нариссаро;
‘‘Upaṭṭhāko mahesissa, tadā āsi narissaro;
гаасирааж̇аа гигий наама, б̣аараан̣асибуруд̇д̇амз.
Kāsirājā kikī nāma, bārāṇasipuruttame.
‘‘д̇ассаасим̣ ж̇здтигаа д̇хийд̇аа, саман̣ий ид̇и виссуд̇аа;
‘‘Tassāsiṃ jeṭṭhikā dhītā, samaṇī iti vissutā;
д̇хаммам̣ суд̇ваа ж̇инаг̇г̇асса, баб̣б̣аж̇ж̇ам̣ самарожаяим̣.
Dhammaṃ sutvā jinaggassa, pabbajjaṃ samarocayiṃ.
‘‘ануж̇аани на но д̇аад̇о, аг̇аарзва д̇ад̣̇аа маяам̣;
‘‘Anujāni na no tāto, agāreva tadā mayaṃ;
вийсавассасахассаани, вижаримха ад̇анд̣̇ид̇аа.
Vīsavassasahassāni, vicarimha atanditā.
‘‘гомаариб̣рахмажарияам̣, рааж̇аган̃н̃аа сукзд̇хид̇аа;
‘‘Komāribrahmacariyaṃ, rājakaññā sukhedhitā;
б̣уд̣̇д̇хобадтаананирад̇аа, муд̣̇ид̇аа сад̇д̇а д̇хийд̇аро.
Buddhopaṭṭhānaniratā, muditā satta dhītaro.
‘‘саман̣ий саман̣аг̇уд̇д̇аа жа, бхигкуний бхигкуд̣̇ааяигаа;
‘‘Samaṇī samaṇaguttā ca, bhikkhunī bhikkhudāyikā;
д̇хаммаа жзва суд̇хаммаа жа, сад̇д̇амий сан̇гхад̣̇ааяигаа.
Dhammā ceva sudhammā ca, sattamī saṅghadāyikā.
‘‘ахам̣ уббалаван̣н̣аа жа, бадаажаараа жа гун̣д̣алаа;
‘‘Ahaṃ uppalavaṇṇā ca, paṭācārā ca kuṇḍalā;
гисааг̇од̇амий д̇хаммад̣̇иннаа, висаакаа ход̇и сад̇д̇амий.
Kisāgotamī dhammadinnā, visākhā hoti sattamī.
‘‘гад̣̇аажи со нараад̣̇ижжо, д̇хаммам̣ д̣̇зсзси аб̣бхуд̇ам̣;
‘‘Kadāci so narādicco, dhammaṃ desesi abbhutaṃ;
махаанид̣̇аанасуд̇д̇анд̇ам̣, суд̇ваа д̇ам̣ барияаабун̣им̣.
Mahānidānasuttantaṃ, sutvā taṃ pariyāpuṇiṃ.
‘‘д̇зхи гаммзхи сугад̇зхи, жзд̇анаабан̣ид̇хийхи жа;
‘‘Tehi kammehi sukatehi, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘бажчимз жа бхавз д̣̇аани, саагалааяа буруд̇д̇амз;
‘‘Pacchime ca bhave dāni, sākalāya puruttame;
ран̃н̃о мад̣̇д̣̇асса д̇хийд̇аамхи, манаабаа д̣̇аяид̇аа бияаа.
Rañño maddassa dhītāmhi, manāpā dayitā piyā.
‘‘саха мз ж̇аад̇амад̇д̇амхи, кзмам̣ д̇амхи бурз аху;
‘‘Saha me jātamattamhi, khemaṃ tamhi pure ahu;
д̇ад̇о кзмаад̇и наамам̣ мз, г̇ун̣ад̇о убабаж̇ж̇ат̇а.
Tato khemāti nāmaṃ me, guṇato upapajjatha.
‘‘яад̣̇аахам̣ яоб̣б̣анам̣ бад̇д̇аа, руубалааван̃н̃абхуусид̇аа;
‘‘Yadāhaṃ yobbanaṃ pattā, rūpalāvaññabhūsitā;
д̇ад̣̇аа ад̣̇ааси мам̣ д̇аад̇о, б̣имб̣исаарасса рааж̇ино.
Tadā adāsi maṃ tāto, bimbisārassa rājino.
‘‘д̇ассаахам̣ суббияаа аасим̣, руубагзлааяанз рад̇аа;
‘‘Tassāhaṃ suppiyā āsiṃ, rūpakelāyane ratā;
руубаанам̣ д̣̇осаваад̣̇ийд̇и, на убзсим̣ махаад̣̇аяам̣.
Rūpānaṃ dosavādīti, na upesiṃ mahādayaṃ.
‘‘б̣имб̣исааро д̇ад̣̇аа рааж̇аа, мамаануг̇г̇ахаб̣уд̣̇д̇хияаа;
‘‘Bimbisāro tadā rājā, mamānuggahabuddhiyā;
ван̣н̣аяид̇ваа взл̣уванам̣, г̇ааяагз г̇аабаяий мамам̣.
Vaṇṇayitvā veḷuvanaṃ, gāyake gāpayī mamaṃ.
‘‘раммам̣ взл̣уванам̣ язна, на д̣̇идтам̣ суг̇ад̇аалаяам̣;
‘‘Rammaṃ veḷuvanaṃ yena, na diṭṭhaṃ sugatālayaṃ;
на д̇зна нанд̣̇анам̣ д̣̇идтам̣, ид̇и ман̃н̃аамасз маяам̣.
Na tena nandanaṃ diṭṭhaṃ, iti maññāmase mayaṃ.
‘‘язна взл̣уванам̣ д̣̇идтам̣, нарананд̣̇анананд̣̇анам̣;
‘‘Yena veḷuvanaṃ diṭṭhaṃ, naranandananandanaṃ;
суд̣̇идтам̣ нанд̣̇анам̣ д̇зна, амаринд̣̇асунанд̣̇анам̣.
Sudiṭṭhaṃ nandanaṃ tena, amarindasunandanaṃ.
‘‘вихааяа нанд̣̇анам̣ д̣̇зваа, од̇арид̇ваа махийд̇алам̣;
‘‘Vihāya nandanaṃ devā, otaritvā mahītalaṃ;
раммам̣ взл̣уванам̣ д̣̇исваа, на д̇аббанд̇и сувимхид̇аа.
Rammaṃ veḷuvanaṃ disvā, na tappanti suvimhitā.
‘‘рааж̇абун̃н̃зна ниб̣б̣ад̇д̇ам̣, б̣уд̣̇д̇хабун̃н̃зна бхуусид̇ам̣;
‘‘Rājapuññena nibbattaṃ, buddhapuññena bhūsitaṃ;
го вад̇д̇аа д̇асса ниссзсам̣, ванасса г̇ун̣асан̃жаяам̣.
Ko vattā tassa nissesaṃ, vanassa guṇasañcayaṃ.
‘‘д̇ам̣ суд̇ваа ванасамид̣̇д̇хам̣, мама сод̇аманохарам̣;
‘‘Taṃ sutvā vanasamiddhaṃ, mama sotamanoharaṃ;
д̣̇адтугаамаа д̇амуяяаанам̣, ран̃н̃о аарожаяим̣ д̇ад̣̇аа.
Daṭṭhukāmā tamuyyānaṃ, rañño ārocayiṃ tadā.
‘‘махад̇аа бариваарзна, д̇ад̣̇аа жа со махийбад̇и;
‘‘Mahatā parivārena, tadā ca so mahīpati;
мам̣ бзсзси д̇амуяяаанам̣, д̣̇ассанааяа самуссугам̣.
Maṃ pesesi tamuyyānaṃ, dassanāya samussukaṃ.
‘‘г̇ажча басса махаабхог̇з, ванам̣ нзд̇д̇арасааяанам̣;
‘‘Gaccha passa mahābhoge, vanaṃ nettarasāyanaṃ;
яам̣ сад̣̇аа бхаад̇и сирияаа, суг̇ад̇аабхаануран̃ж̇ид̇ам̣.
Yaṃ sadā bhāti siriyā, sugatābhānurañjitaṃ.
‘‘яад̣̇аа жа бин̣д̣ааяа муни, г̇ириб̣б̣аж̇абуруд̇д̇амам̣;
‘‘Yadā ca piṇḍāya muni, giribbajapuruttamaṃ;
бавидтохам̣ д̇ад̣̇ааязва, ванам̣ д̣̇адтумубааг̇амим̣.
Paviṭṭhohaṃ tadāyeva, vanaṃ daṭṭhumupāgamiṃ.
‘‘д̇ад̣̇аа д̇ам̣ пуллавибинам̣, наанаабхамарагууж̇ид̇ам̣;
‘‘Tadā taṃ phullavipinaṃ, nānābhamarakūjitaṃ;
гогилааг̇ийд̇асахид̇ам̣, маяуураг̇ан̣анажжид̇ам̣.
Kokilāgītasahitaṃ, mayūragaṇanaccitaṃ.
‘‘аббасад̣̇д̣̇аманаагин̣н̣ам̣, наанаажан̇гамабхуусид̇ам̣;
‘‘Appasaddamanākiṇṇaṃ, nānācaṅkamabhūsitaṃ;
гудиман̣д̣абасам̣гин̣н̣ам̣, яог̇ийваравирааж̇ид̇ам̣.
Kuṭimaṇḍapasaṃkiṇṇaṃ, yogīvaravirājitaṃ.
‘‘вижаранд̇ий аман̃н̃иссам̣, сапалам̣ наяанам̣ мама;
‘‘Vicarantī amaññissaṃ, saphalaṃ nayanaṃ mama;
д̇ад̇т̇ааби д̇арун̣ам̣ бхигкум̣, яуд̇д̇ам̣ д̣̇исваа вижинд̇аяим̣.
Tatthāpi taruṇaṃ bhikkhuṃ, yuttaṃ disvā vicintayiṃ.
‘‘ийд̣̇исз вибинз раммз, тид̇ояам̣ наваяоб̣б̣анз;
‘‘Īdise vipine ramme, ṭhitoyaṃ navayobbane;
васанд̇амива ганд̇зна, руубзна жа саманвид̇о.
Vasantamiva kantena, rūpena ca samanvito.
‘‘нисинно ругкамууламхи, мун̣д̣о сан̇гхаадибааруд̇о;
‘‘Nisinno rukkhamūlamhi, muṇḍo saṅghāṭipāruto;
жхааяад̇з вад̇аяам̣ бхигку, хид̇ваа висаяаж̇ам̣ рад̇им̣.
Jhāyate vatayaṃ bhikkhu, hitvā visayajaṃ ratiṃ.
‘‘нану наама г̇ахадтзна, гаамам̣ бхуд̇ваа яат̇аасукам̣;
‘‘Nanu nāma gahaṭṭhena, kāmaṃ bhutvā yathāsukhaṃ;
бажчаа ж̇ин̣н̣зна д̇хаммояам̣, жарид̇аб̣б̣о субхад̣̇д̣̇аго.
Pacchā jiṇṇena dhammoyaṃ, caritabbo subhaddako.
‘‘сун̃н̃аганд̇и вид̣̇ид̇ваана, г̇анд̇хаг̇зхам̣ ж̇инаалаяам̣;
‘‘Suññakanti viditvāna, gandhagehaṃ jinālayaṃ;
убзд̇ваа ж̇инамад̣̇д̣̇агкам̣, уд̣̇аяанд̇ам̣ ва бхаагарам̣.
Upetvā jinamaddakkhaṃ, udayantaṃ va bhākaraṃ.
‘‘згагам̣ сукамаасийнам̣, б̣ийж̇амаанам̣ варид̇т̇ияаа;
‘‘Ekakaṃ sukhamāsīnaṃ, bījamānaṃ varitthiyā;
д̣̇исваанзвам̣ вижинд̇зсим̣, нааяам̣ лууко нараасабхо.
Disvānevaṃ vicintesiṃ, nāyaṃ lūkho narāsabho.
‘‘саа ган̃н̃аа ганагаабхаасаа, бад̣̇умаананаложанаа;
‘‘Sā kaññā kanakābhāsā, padumānanalocanā;
б̣имб̣одтий гунд̣̇ад̣̇асанаа, манонзд̇д̇арасааяанаа.
Bimboṭṭhī kundadasanā, manonettarasāyanā.
‘‘хзмад̣̇олаабхасаванаа, галигаагаарасуд̇т̇аний;
‘‘Hemadolābhasavanā, kalikākārasutthanī;
взд̣̇имаж̇жхаава суссон̣ий, рамбхору жаарубхуусанаа.
Vedimajjhāva sussoṇī, rambhoru cārubhūsanā.
‘‘рад̇д̇ам̣сагубасам̣б̣яаанаа , нийламадтаниваасанаа;
‘‘Rattaṃsakupasaṃbyānā , nīlamaṭṭhanivāsanā;
ад̇аббанзяяаруубзна, хаасабхаавасаманвид̇аа.
Atappaneyyarūpena, hāsabhāvasamanvitā.
‘‘д̣̇исваа д̇амзвам̣ жинд̇зсим̣, ахояамабхируубиний;
‘‘Disvā tamevaṃ cintesiṃ, ahoyamabhirūpinī;
на маяаанзна нзд̇д̇зна, д̣̇идтабуб̣б̣аа гуд̣̇аажанам̣.
Na mayānena nettena, diṭṭhapubbā kudācanaṃ.
‘‘д̇ад̇о ж̇араабхибхууд̇аа саа, виван̣н̣аа вигад̇аананаа;
‘‘Tato jarābhibhūtā sā, vivaṇṇā vikatānanā;
бхиннад̣̇анд̇аа сзд̇асираа, салаалаа вад̣̇анаасужи.
Bhinnadantā setasirā, salālā vadanāsuci.
‘‘сам̣кид̇д̇аган̣н̣аа сзд̇агкий, ламб̣аасубхабаяод̇хараа;
‘‘Saṃkhittakaṇṇā setakkhī, lambāsubhapayodharā;
валивид̇ад̇асаб̣б̣ан̇г̇ий, сираавид̇ад̇ад̣̇зхиний.
Valivitatasabbaṅgī, sirāvitatadehinī.
‘‘над̇ан̇г̇аа д̣̇ан̣д̣ад̣̇уд̇ияаа, убпаасулигад̇аа гисаа;
‘‘Nataṅgā daṇḍadutiyā, upphāsulikatā kisā;
бавзд̇хамаанаа бад̇ид̇аа, ниссасанд̇ий мухум̣ мухум̣.
Pavedhamānā patitā, nissasantī muhuṃ muhuṃ.
‘‘д̇ад̇о мз ааси сам̣взг̇о, аб̣бхуд̇о ломахам̣сано;
‘‘Tato me āsi saṃvego, abbhuto lomahaṃsano;
д̇хирад̇т̇у руубам̣ асужим̣, раманд̇з яад̇т̇а б̣аалисаа.
Dhiratthu rūpaṃ asuciṃ, ramante yattha bālisā.
‘‘д̇ад̣̇аа махаагаарун̣иго, д̣̇исваа сам̣виг̇г̇амаанасам̣;
‘‘Tadā mahākāruṇiko, disvā saṃviggamānasaṃ;
уд̣̇аг̇г̇ажид̇д̇о суг̇ад̇о, имаа г̇аат̇аа абхаасат̇а.
Udaggacitto sugato, imā gāthā abhāsatha.
‘‘аад̇урам̣ асужим̣ бууд̇им̣, басса кзмз самуссаяам̣;
‘‘Āturaṃ asuciṃ pūtiṃ, passa kheme samussayaṃ;
уг̇гхаранд̇ам̣ баг̇гхаранд̇ам̣, б̣аалаанам̣ абхинанд̣̇ид̇ам̣.
Uggharantaṃ paggharantaṃ, bālānaṃ abhinanditaṃ.
‘‘асубхааяа жид̇д̇ам̣ бхаавзхи, згаг̇г̇ам̣ сусамаахид̇ам̣;
‘‘Asubhāya cittaṃ bhāvehi, ekaggaṃ susamāhitaṃ;
сад̇и гааяаг̇ад̇аа д̇яад̇т̇у, ниб̣б̣ид̣̇аа б̣ахулаа бхава.
Sati kāyagatā tyatthu, nibbidā bahulā bhava.
‘‘яат̇аа ид̣̇ам̣ д̇ат̇аа зд̇ам̣, яат̇аа зд̇ам̣ д̇ат̇аа ид̣̇ам̣;
‘‘Yathā idaṃ tathā etaṃ, yathā etaṃ tathā idaṃ;
аж̇жхад̇д̇ан̃жа б̣ахид̣̇д̇хаа жа, гааяз чанд̣̇ам̣ вирааж̇аяа.
Ajjhattañca bahiddhā ca, kāye chandaṃ virājaya.
‘‘анимид̇д̇ан̃жа бхаавзхи, маанаанусаяамуж̇ж̇аха;
‘‘Animittañca bhāvehi, mānānusayamujjaha;
д̇ад̇о маанаабхисамаяаа, убасанд̇аа жариссаси.
Tato mānābhisamayā, upasantā carissasi.
‘‘яз рааг̇арад̇д̇аанубад̇анд̇и сод̇ам̣, саяам̣ гад̇ам̣ маггадагова ж̇аалам̣;
‘‘Ye rāgarattānupatanti sotaṃ, sayaṃ kataṃ makkaṭakova jālaṃ;
зд̇амби чзд̇ваана бариб̣б̣аж̇анд̇и, анабзгкино гаамасукам̣ бахааяа.
Etampi chetvāna paribbajanti, anapekkhino kāmasukhaṃ pahāya.
‘‘д̇ад̇о галлид̇ажид̇д̇ам̣ мам̣, н̃ад̇ваана нарасаарат̇и;
‘‘Tato kallitacittaṃ maṃ, ñatvāna narasārathi;
махаанид̣̇аанам̣ д̣̇зсзси, суд̇д̇анд̇ам̣ винаяааяа мз.
Mahānidānaṃ desesi, suttantaṃ vinayāya me.
‘‘суд̇ваа суд̇д̇анд̇асздтам̣ д̇ам̣, буб̣б̣асан̃н̃амануссарим̣;
‘‘Sutvā suttantaseṭṭhaṃ taṃ, pubbasaññamanussariṃ;
д̇ад̇т̇а тид̇аавахам̣ санд̇ий, д̇хаммажагкум̣ висод̇хаяим̣.
Tattha ṭhitāvahaṃ santī, dhammacakkhuṃ visodhayiṃ.
‘‘нибад̇ид̇ваа махзсисса, баад̣̇амууламхи д̇аавад̣̇з;
‘‘Nipatitvā mahesissa, pādamūlamhi tāvade;
ажжаяам̣ д̣̇зсанад̇т̇ааяа, ид̣̇ам̣ важанамаб̣равим̣.
Accayaṃ desanatthāya, idaṃ vacanamabraviṃ.
‘‘намо д̇з саб̣б̣ад̣̇ассаави, намо д̇з гарун̣аагара;
‘‘Namo te sabbadassāvi, namo te karuṇākara;
намо д̇з д̇ин̣н̣асам̣саара, намо д̇з амад̇ам̣ д̣̇ад̣̇а.
Namo te tiṇṇasaṃsāra, namo te amataṃ dada.
‘‘д̣̇идтиг̇аханабагканд̣̇аа, гаамарааг̇авимохид̇аа;
‘‘Diṭṭhigahanapakkhandā, kāmarāgavimohitā;
д̇аяаа саммаа убааязна, винийд̇аа винаяз рад̇аа.
Tayā sammā upāyena, vinītā vinaye ratā.
‘‘ад̣̇ассанзна вибхог̇аа, д̇аад̣̇исаанам̣ махзсинам̣;
‘‘Adassanena vibhogā, tādisānaṃ mahesinaṃ;
анубхонд̇и махаад̣̇угкам̣, сад̇д̇аа сам̣саарасааг̇арз.
Anubhonti mahādukkhaṃ, sattā saṃsārasāgare.
‘‘яад̣̇аахам̣ логасаран̣ам̣, аран̣ам̣ аран̣анд̇аг̇ум̣;
‘‘Yadāhaṃ lokasaraṇaṃ, araṇaṃ araṇantaguṃ;
наад̣̇д̣̇асаами ад̣̇уурадтам̣, д̣̇зсаяаами д̇амажжаяам̣.
Nāddasāmi adūraṭṭhaṃ, desayāmi tamaccayaṃ.
‘‘махаахид̇ам̣ варад̣̇ад̣̇ам̣, ахид̇од̇и висан̇гид̇аа;
‘‘Mahāhitaṃ varadadaṃ, ahitoti visaṅkitā;
нобзсим̣ руубанирад̇аа, д̣̇зсаяаами д̇амажжаяам̣.
Nopesiṃ rūpaniratā, desayāmi tamaccayaṃ.
‘‘д̇ад̣̇аа мад̇хураниг̇гхосо, махаагаарун̣иго ж̇ино;
‘‘Tadā madhuranigghoso, mahākāruṇiko jino;
авожа д̇идта кзмзд̇и, син̃жанд̇о амад̇зна мам̣.
Avoca tiṭṭha khemeti, siñcanto amatena maṃ.
‘‘д̇ад̣̇аа багамяа сирасаа, гад̇ваа жа нам̣ бад̣̇агкин̣ам̣;
‘‘Tadā pakamya sirasā, katvā ca naṃ padakkhiṇaṃ;
г̇анд̇ваа д̣̇исваа нарабад̇им̣, ид̣̇ам̣ важанамаб̣равим̣.
Gantvā disvā narapatiṃ, idaṃ vacanamabraviṃ.
‘‘ахо саммаа убааяо д̇з, жинд̇ид̇ояамаринд̣̇ама;
‘‘Aho sammā upāyo te, cintitoyamarindama;
ванад̣̇ассанагаамааяа, д̣̇идто ниб̣б̣аанад̇о муни.
Vanadassanakāmāya, diṭṭho nibbānato muni.
‘‘яад̣̇и д̇з ружжад̇з рааж̇а, саасанз д̇асса д̇аад̣̇ино;
‘‘Yadi te ruccate rāja, sāsane tassa tādino;
баб̣б̣аж̇иссаами руубзхам̣, ниб̣б̣иннаа муниваан̣инаа.
Pabbajissāmi rūpehaṃ, nibbinnā munivāṇinā.
‘‘ан̃ж̇алим̣ баг̇г̇ахзд̇ваана, д̇ад̣̇ааха са махийбад̇и;
‘‘Añjaliṃ paggahetvāna, tadāha sa mahīpati;
ануж̇аанаами д̇з бхад̣̇д̣̇з, баб̣б̣аж̇ж̇аа д̇ава сиж̇жхад̇у.
Anujānāmi te bhadde, pabbajjā tava sijjhatu.
‘‘баб̣б̣аж̇ид̇ваа д̇ад̣̇аа жаахам̣, ад̣̇д̇хамаасз убадтид̇з;
‘‘Pabbajitvā tadā cāhaṃ, addhamāse upaṭṭhite;
д̣̇ийбод̣̇аяан̃жа бхзд̣̇ан̃жа, д̣̇исваа сам̣виг̇г̇амаанасаа.
Dīpodayañca bhedañca, disvā saṃviggamānasā.
‘‘ниб̣б̣иннаа саб̣б̣асан̇каарз, бажжаяаагаараговид̣̇аа;
‘‘Nibbinnā sabbasaṅkhāre, paccayākārakovidā;
жад̇урогхз ад̇иггамма, арахад̇д̇амабаабун̣им̣.
Caturoghe atikkamma, arahattamapāpuṇiṃ.
‘‘ид̣̇д̇хийсу жа васий аасим̣, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī āsiṃ, dibbāya sotadhātuyā;
жзд̇обарияан̃аан̣асса, васий жааби бхаваамахам̣.
Cetopariyañāṇassa, vasī cāpi bhavāmahaṃ.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
‘‘ад̇т̇ад̇хамманируд̇д̇ийса, бадибхаанз д̇ат̇зва жа;
‘‘Atthadhammaniruttīsa, paṭibhāne tatheva ca;
барисуд̣̇д̇хам̣ мама н̃аан̣ам̣, уббаннам̣ б̣уд̣̇д̇хасаасанз.
Parisuddhaṃ mama ñāṇaṃ, uppannaṃ buddhasāsane.
‘‘гусалаахам̣ висуд̣̇д̇хийсу, гат̇аавад̇т̇увисаарад̣̇аа;
‘‘Kusalāhaṃ visuddhīsu, kathāvatthuvisāradā;
абхид̇хамманаяан̃н̃уу жа, васиббад̇д̇аамхи саасанз.
Abhidhammanayaññū ca, vasippattāmhi sāsane.
‘‘д̇ад̇о д̇оран̣авад̇т̇усмим̣, ран̃н̃аа госаласааминаа;
‘‘Tato toraṇavatthusmiṃ, raññā kosalasāminā;
бужчид̇аа нибун̣з бан̃хз, б̣яаагаронд̇ий яат̇аад̇ат̇ам̣.
Pucchitā nipuṇe pañhe, byākarontī yathātathaṃ.
‘‘д̇ад̣̇аа са рааж̇аа суг̇ад̇ам̣, убасан̇гамма бужчат̇а;
‘‘Tadā sa rājā sugataṃ, upasaṅkamma pucchatha;
д̇ат̇зва б̣уд̣̇д̇хо б̣яаагааси, яат̇аа д̇з б̣яаагад̇аа маяаа.
Tatheva buddho byākāsi, yathā te byākatā mayā.
‘‘ж̇ино д̇асмим̣ г̇ун̣з д̇удто, зд̇ад̣̇аг̇г̇з табзси мам̣;
‘‘Jino tasmiṃ guṇe tuṭṭho, etadagge ṭhapesi maṃ;
махаабан̃н̃аанамаг̇г̇аад̇и, бхигкунийнам̣ наруд̇д̇амо.
Mahāpaññānamaggāti, bhikkhunīnaṃ naruttamo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и. (аба. т̇зрий 2.2.289-383);
‘‘Kilesā jhāpitā mayhaṃ…pe… kataṃ buddhassa sāsana’’nti. (apa. therī 2.2.289-383);
арахад̇д̇ам̣ бана бад̇ваа паласукзна ниб̣б̣аанасукзна жа вихаранд̇ияаа имиссаа т̇зрияаа сад̇иби ан̃н̃аасам̣ кийн̣аасавад̇т̇зрийнам̣ бан̃н̃аавзбуллаббад̇д̇ияам̣ д̇ад̇т̇а бана гад̇аад̇хигаарад̇ааяа махаабан̃н̃аабхааво баагадо ахоси. д̇ат̇аа хи нам̣ бхаг̇аваа ж̇зд̇аванамахаавихаарз арияаг̇ан̣амаж̇жхз нисинно бадибаадияаа бхигкунияо таананд̇арз табзнд̇о ‘‘зд̇ад̣̇аг̇г̇ам̣, бхигкавз, мама саавигаанам̣ бхигкунийнам̣ махаабан̃н̃аанам̣ яад̣̇ид̣̇ам̣ кзмаа’’д̇и (а. ни. 1.235-236) махаабан̃н̃ад̇ааяа аг̇г̇адтаанз табзси. д̇ам̣ згад̣̇ивасам̣ ан̃н̃ад̇арасмим̣ ругкамуулз д̣̇иваавихаарам̣ нисиннам̣ мааро баабимаа д̇арун̣аруубзна убасан̇гамид̇ваа гаамзхи балобхзнд̇о –
Arahattaṃ pana patvā phalasukhena nibbānasukhena ca viharantiyā imissā theriyā satipi aññāsaṃ khīṇāsavattherīnaṃ paññāvepullappattiyaṃ tattha pana katādhikāratāya mahāpaññābhāvo pākaṭo ahosi. Tathā hi naṃ bhagavā jetavanamahāvihāre ariyagaṇamajjhe nisinno paṭipāṭiyā bhikkhuniyo ṭhānantare ṭhapento ‘‘etadaggaṃ, bhikkhave, mama sāvikānaṃ bhikkhunīnaṃ mahāpaññānaṃ yadidaṃ khemā’’ti (a. ni. 1.235-236) mahāpaññatāya aggaṭṭhāne ṭhapesi. Taṃ ekadivasaṃ aññatarasmiṃ rukkhamūle divāvihāraṃ nisinnaṃ māro pāpimā taruṇarūpena upasaṅkamitvā kāmehi palobhento –
139.
139.
‘‘д̣̇ахараа д̇вам̣ руубавад̇ий, ахамби д̣̇ахаро яуваа;
‘‘Daharā tvaṃ rūpavatī, ahampi daharo yuvā;
бан̃жан̇г̇игзна д̇уриязна, зхи кзмз рамаамасз’’д̇и. – г̇аат̇амааха ;
Pañcaṅgikena turiyena, ehi kheme ramāmase’’ti. – gāthamāha ;
д̇ассад̇т̇о – кзмз, д̇вам̣ д̇арун̣аббад̇д̇аа, яоб̣б̣анз тид̇аа руубасамбаннаа, ахамби д̇арун̣о яуваа, д̇асмаа маяам̣ яоб̣б̣ан̃н̃ам̣ акзбзд̇ваа бан̃жан̇г̇игзна д̇уриязна важ̇ж̇амаанзна зхи гаамакид̣д̣аарад̇ияаа рамаама гийл̣аамаад̇и.
Tassattho – kheme, tvaṃ taruṇappattā, yobbane ṭhitā rūpasampannā, ahampi taruṇo yuvā, tasmā mayaṃ yobbaññaṃ akhepetvā pañcaṅgikena turiyena vajjamānena ehi kāmakhiḍḍāratiyā ramāma kīḷāmāti.
д̇ам̣ суд̇ваа саа гаамзсу саб̣б̣ад̇хаммзсу жа ад̇д̇ано вирад̇д̇абхаавам̣ д̇асса жа маарабхаавам̣ ад̇д̇аабхинивзсзсу сад̇д̇зсу ад̇д̇ано т̇аамаг̇ад̇ам̣ аббасаад̣̇ам̣ гад̇агижжад̇ан̃жа багаасзнд̇ий –
Taṃ sutvā sā kāmesu sabbadhammesu ca attano virattabhāvaṃ tassa ca mārabhāvaṃ attābhinivesesu sattesu attano thāmagataṃ appasādaṃ katakiccatañca pakāsentī –
140.
140.
‘‘иминаа бууд̇игааязна, аад̇урзна бабхан̇г̇унаа;
‘‘Iminā pūtikāyena, āturena pabhaṅgunā;
аддияаами харааяаами, гаамад̇ан̣хаа самуухад̇аа.
Aṭṭiyāmi harāyāmi, kāmataṇhā samūhatā.
141.
141.
‘‘сад̇д̇исуулуубамаа гаамаа, канд̇хаасам̣ ад̇хигудданаа;
‘‘Sattisūlūpamā kāmā, khandhāsaṃ adhikuṭṭanā;
яам̣ д̇вам̣ гаамарад̇им̣ б̣рууси, арад̇ий д̣̇аани саа мама.
Yaṃ tvaṃ kāmaratiṃ brūsi, aratī dāni sā mama.
142.
142.
‘‘саб̣б̣ад̇т̇а вихад̇аа нанд̣̇ий, д̇амоканд̇хо бад̣̇аалид̇о;
‘‘Sabbattha vihatā nandī, tamokhandho padālito;
звам̣ ж̇аанаахи баабима, нихад̇о д̇вамаси анд̇ага.
Evaṃ jānāhi pāpima, nihato tvamasi antaka.
143.
143.
‘‘нагкад̇д̇аани намассанд̇аа, аг̇г̇им̣ барижарам̣ ванз;
‘‘Nakkhattāni namassantā, aggiṃ paricaraṃ vane;
яат̇аабхужжамаж̇аананд̇аа, б̣аалаа суд̣̇д̇химаман̃н̃ат̇а.
Yathābhuccamajānantā, bālā suddhimamaññatha.
144.
144.
‘‘ахан̃жа ко намассанд̇ий, самб̣уд̣̇д̇хам̣ бурисуд̇д̇амам̣;
‘‘Ahañca kho namassantī, sambuddhaṃ purisuttamaṃ;
бамуд̇д̇аа саб̣б̣ад̣̇угкзхи, сад̇т̇усаасанагааригаа’’д̇и. – имаа г̇аат̇аа абхааси;
Pamuttā sabbadukkhehi, satthusāsanakārikā’’ti. – imā gāthā abhāsi;
д̇ад̇т̇а аг̇г̇им̣ барижарам̣ ванзд̇и д̇абованз аг̇г̇ихуд̇д̇ам̣ барижаранд̇о. яат̇аабхужжамаж̇аананд̇аад̇и бавад̇д̇ияо яат̇аабхууд̇ам̣ абариж̇аананд̇аа. сзсамзд̇т̇а хздтаа вуд̇д̇анаяад̇д̇аа уд̇д̇аанамзва.
Tattha aggiṃ paricaraṃ vaneti tapovane aggihuttaṃ paricaranto. Yathābhuccamajānantāti pavattiyo yathābhūtaṃ aparijānantā. Sesamettha heṭṭhā vuttanayattā uttānameva.
кзмаат̇зрийг̇аат̇ааван̣н̣анаа нидтид̇аа.
Khemātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 3. кзмаат̇зрийг̇аат̇аа • 3. Khemātherīgāthā
