| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. кзд̇д̇ан̇г̇абан̃хо
4. Khettaṅgapañho
4. ‘‘бханд̇з нааг̇асзна, ‘кзд̇д̇асса д̇ийн̣и ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани д̇ийн̣и ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, кзд̇д̇ам̣ маад̇игаасамбаннам̣ ход̇и, звамзва ко, махаарааж̇а, яог̇инаа яог̇ааважарзна сужарид̇авад̇д̇аббадивад̇д̇амаад̇игаасамбаннзна бхавид̇аб̣б̣ам̣. ид̣̇ам̣, махаарааж̇а, кзд̇д̇асса батамам̣ ан̇г̇ам̣ г̇ахзд̇аб̣б̣ам̣.
4. ‘‘Bhante nāgasena, ‘khettassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, khettaṃ mātikāsampannaṃ hoti, evameva kho, mahārāja, yoginā yogāvacarena sucaritavattappaṭivattamātikāsampannena bhavitabbaṃ. Idaṃ, mahārāja, khettassa paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, кзд̇д̇ам̣ марияаад̣̇аасамбаннам̣ ход̇и, д̇ааяа жа марияаад̣̇ааяа уд̣̇агам̣ рагкид̇ваа д̇хан̃н̃ам̣ барибаажзд̇и, звамзва ко, махаарааж̇а, яог̇инаа яог̇ааважарзна сийлахиримарияаад̣̇аасамбаннзна бхавид̇аб̣б̣ам̣, д̇ааяа жа сийлахиримарияаад̣̇ааяа сааман̃н̃ам̣ рагкид̇ваа жад̇д̇аари сааман̃н̃апалаани г̇ахзд̇аб̣б̣аани. ид̣̇ам̣, махаарааж̇а, кзд̇д̇асса д̣̇уд̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, khettaṃ mariyādāsampannaṃ hoti, tāya ca mariyādāya udakaṃ rakkhitvā dhaññaṃ paripāceti, evameva kho, mahārāja, yoginā yogāvacarena sīlahirimariyādāsampannena bhavitabbaṃ, tāya ca sīlahirimariyādāya sāmaññaṃ rakkhitvā cattāri sāmaññaphalāni gahetabbāni. Idaṃ, mahārāja, khettassa dutiyaṃ aṅgaṃ gahetabbaṃ.
‘‘буна жабарам̣, махаарааж̇а, кзд̇д̇ам̣ удтаанасамбаннам̣ ход̇и, гассагасса хаасаж̇анагам̣ аббамби б̣ийж̇ам̣ вуд̇д̇ам̣ б̣аху ход̇и, б̣аху вуд̇д̇ам̣ б̣ахуд̇арам̣ ход̇и, звамзва ко, махаарааж̇а, яог̇инаа яог̇ааважарзна удтаанасамбаннзна вибулапалад̣̇ааяинаа бхавид̇аб̣б̣ам̣, д̣̇ааяагаанам̣ хаасаж̇анагзна бхавид̇аб̣б̣ам̣, яат̇аа аббам̣ д̣̇иннам̣ б̣аху ход̇и, б̣аху д̣̇иннам̣ б̣ахуд̇арам̣ ход̇и. ид̣̇ам̣, махаарааж̇а, кзд̇д̇асса д̇ад̇ияам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, т̇зрзна убаалинаа винаяад̇харзна –
‘‘Puna caparaṃ, mahārāja, khettaṃ uṭṭhānasampannaṃ hoti, kassakassa hāsajanakaṃ appampi bījaṃ vuttaṃ bahu hoti, bahu vuttaṃ bahutaraṃ hoti, evameva kho, mahārāja, yoginā yogāvacarena uṭṭhānasampannena vipulaphaladāyinā bhavitabbaṃ, dāyakānaṃ hāsajanakena bhavitabbaṃ, yathā appaṃ dinnaṃ bahu hoti, bahu dinnaṃ bahutaraṃ hoti. Idaṃ, mahārāja, khettassa tatiyaṃ aṅgaṃ gahetabbaṃ. Bhāsitampetaṃ, mahārāja, therena upālinā vinayadharena –
‘‘‘кзд̇д̇уубамзна бхавид̇аб̣б̣ам̣, удтаанавибулад̣̇ааяинаа;
‘‘‘Khettūpamena bhavitabbaṃ, uṭṭhānavipuladāyinā;
зса кзд̇д̇аваро наама, яо д̣̇ад̣̇аад̇и вибулам̣ пала’’’нд̇и.
Esa khettavaro nāma, yo dadāti vipulaṃ phala’’’nti.
кзд̇д̇ан̇г̇абан̃хо жад̇уд̇т̇о.
Khettaṅgapañho catuttho.
