| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੪. ਖੇਤ੍ਤਙ੍ਗਪਞ੍ਹੋ
4. Khettaṅgapañho
੪. ‘‘ਭਨ੍ਤੇ ਨਾਗਸੇਨ, ‘ਖੇਤ੍ਤਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਖੇਤ੍ਤਂ ਮਾਤਿਕਾਸਮ੍ਪਨ੍ਨਂ ਹੋਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸੁਚਰਿਤવਤ੍ਤਪ੍ਪਟਿવਤ੍ਤਮਾਤਿਕਾਸਮ੍ਪਨ੍ਨੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਖੇਤ੍ਤਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
4. ‘‘Bhante nāgasena, ‘khettassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, khettaṃ mātikāsampannaṃ hoti, evameva kho, mahārāja, yoginā yogāvacarena sucaritavattappaṭivattamātikāsampannena bhavitabbaṃ. Idaṃ, mahārāja, khettassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਖੇਤ੍ਤਂ ਮਰਿਯਾਦਾਸਮ੍ਪਨ੍ਨਂ ਹੋਤਿ, ਤਾਯ ਚ ਮਰਿਯਾਦਾਯ ਉਦਕਂ ਰਕ੍ਖਿਤ੍વਾ ਧਞ੍ਞਂ ਪਰਿਪਾਚੇਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸੀਲਹਿਰਿਮਰਿਯਾਦਾਸਮ੍ਪਨ੍ਨੇਨ ਭવਿਤਬ੍ਬਂ, ਤਾਯ ਚ ਸੀਲਹਿਰਿਮਰਿਯਾਦਾਯ ਸਾਮਞ੍ਞਂ ਰਕ੍ਖਿਤ੍વਾ ਚਤ੍ਤਾਰਿ ਸਾਮਞ੍ਞਫਲਾਨਿ ਗਹੇਤਬ੍ਬਾਨਿ। ਇਦਂ, ਮਹਾਰਾਜ, ਖੇਤ੍ਤਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, khettaṃ mariyādāsampannaṃ hoti, tāya ca mariyādāya udakaṃ rakkhitvā dhaññaṃ paripāceti, evameva kho, mahārāja, yoginā yogāvacarena sīlahirimariyādāsampannena bhavitabbaṃ, tāya ca sīlahirimariyādāya sāmaññaṃ rakkhitvā cattāri sāmaññaphalāni gahetabbāni. Idaṃ, mahārāja, khettassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਖੇਤ੍ਤਂ ਉਟ੍ਠਾਨਸਮ੍ਪਨ੍ਨਂ ਹੋਤਿ, ਕਸ੍ਸਕਸ੍ਸ ਹਾਸਜਨਕਂ ਅਪ੍ਪਮ੍ਪਿ ਬੀਜਂ વੁਤ੍ਤਂ ਬਹੁ ਹੋਤਿ, ਬਹੁ વੁਤ੍ਤਂ ਬਹੁਤਰਂ ਹੋਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਉਟ੍ਠਾਨਸਮ੍ਪਨ੍ਨੇਨ વਿਪੁਲਫਲਦਾਯਿਨਾ ਭવਿਤਬ੍ਬਂ, ਦਾਯਕਾਨਂ ਹਾਸਜਨਕੇਨ ਭવਿਤਬ੍ਬਂ, ਯਥਾ ਅਪ੍ਪਂ ਦਿਨ੍ਨਂ ਬਹੁ ਹੋਤਿ, ਬਹੁ ਦਿਨ੍ਨਂ ਬਹੁਤਰਂ ਹੋਤਿ। ਇਦਂ, ਮਹਾਰਾਜ, ਖੇਤ੍ਤਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਉਪਾਲਿਨਾ વਿਨਯਧਰੇਨ –
‘‘Puna caparaṃ, mahārāja, khettaṃ uṭṭhānasampannaṃ hoti, kassakassa hāsajanakaṃ appampi bījaṃ vuttaṃ bahu hoti, bahu vuttaṃ bahutaraṃ hoti, evameva kho, mahārāja, yoginā yogāvacarena uṭṭhānasampannena vipulaphaladāyinā bhavitabbaṃ, dāyakānaṃ hāsajanakena bhavitabbaṃ, yathā appaṃ dinnaṃ bahu hoti, bahu dinnaṃ bahutaraṃ hoti. Idaṃ, mahārāja, khettassa tatiyaṃ aṅgaṃ gahetabbaṃ. Bhāsitampetaṃ, mahārāja, therena upālinā vinayadharena –
‘‘‘ਖੇਤ੍ਤੂਪਮੇਨ ਭવਿਤਬ੍ਬਂ, ਉਟ੍ਠਾਨવਿਪੁਲਦਾਯਿਨਾ।
‘‘‘Khettūpamena bhavitabbaṃ, uṭṭhānavipuladāyinā;
ਏਸ ਖੇਤ੍ਤવਰੋ ਨਾਮ, ਯੋ ਦਦਾਤਿ વਿਪੁਲਂ ਫਲ’’’ਨ੍ਤਿ॥
Esa khettavaro nāma, yo dadāti vipulaṃ phala’’’nti.
ਖੇਤ੍ਤਙ੍ਗਪਞ੍ਹੋ ਚਤੁਤ੍ਥੋ।
Khettaṅgapañho catuttho.
