Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    3. кзд̇д̇асуд̇д̇ам̣

    3. Khettasuttaṃ

    84. ‘‘д̇ийн̣имаани, бхигкавз, гассагасса г̇ахабад̇исса буб̣б̣з гаран̣ийяаани. гад̇амаани д̇ийн̣и? ид̇ха, бхигкавз, гассаго г̇ахабад̇и бадигажжзва 1 кзд̇д̇ам̣ сугадтам̣ гарод̇и сумад̇игад̇ам̣ 2. бадигажжзва кзд̇д̇ам̣ сугадтам̣ гарид̇ваа сумад̇игад̇ам̣ гаалзна б̣ийж̇аани бад̇идтаабзд̇и. гаалзна б̣ийж̇аани бад̇идтаабзд̇ваа самаязна уд̣̇агам̣ абхинзд̇иби абанзд̇иби. имаани ко, бхигкавз, д̇ийн̣и гассагасса г̇ахабад̇исса буб̣б̣з гаран̣ийяаани.

    84. ‘‘Tīṇimāni, bhikkhave, kassakassa gahapatissa pubbe karaṇīyāni. Katamāni tīṇi? Idha, bhikkhave, kassako gahapati paṭikacceva 3 khettaṃ sukaṭṭhaṃ karoti sumatikataṃ 4. Paṭikacceva khettaṃ sukaṭṭhaṃ karitvā sumatikataṃ kālena bījāni patiṭṭhāpeti. Kālena bījāni patiṭṭhāpetvā samayena udakaṃ abhinetipi apanetipi. Imāni kho, bhikkhave, tīṇi kassakassa gahapatissa pubbe karaṇīyāni.

    ‘‘звамзвам̣ ко, бхигкавз, д̇ийн̣имаани бхигкусса буб̣б̣з гаран̣ийяаани. гад̇амаани д̇ийн̣и? ад̇хисийласигкаасамаад̣̇аанам̣, ад̇хижид̇д̇асигкаасамаад̣̇аанам̣, ад̇хибан̃н̃аасигкаасамаад̣̇аанам̣ – имаани ко, бхигкавз, д̇ийн̣и бхигкусса буб̣б̣з гаран̣ийяаани.

    ‘‘Evamevaṃ kho, bhikkhave, tīṇimāni bhikkhussa pubbe karaṇīyāni. Katamāni tīṇi? Adhisīlasikkhāsamādānaṃ, adhicittasikkhāsamādānaṃ, adhipaññāsikkhāsamādānaṃ – imāni kho, bhikkhave, tīṇi bhikkhussa pubbe karaṇīyāni.

    ‘‘д̇асмаад̇иха, бхигкавз, звам̣ сигкид̇аб̣б̣ам̣ – ‘д̇иб̣б̣о но чанд̣̇о бхависсад̇и ад̇хисийласигкаасамаад̣̇аанз, д̇иб̣б̣о но чанд̣̇о бхависсад̇и ад̇хижид̇д̇асигкаасамаад̣̇аанз, д̇иб̣б̣о но чанд̣̇о бхависсад̇и ад̇хибан̃н̃аасигкаасамаад̣̇аанз’д̇и. зван̃хи во, бхигкавз, сигкид̇аб̣б̣а’’нд̇и. д̇ад̇ияам̣.

    ‘‘Tasmātiha, bhikkhave, evaṃ sikkhitabbaṃ – ‘tibbo no chando bhavissati adhisīlasikkhāsamādāne, tibbo no chando bhavissati adhicittasikkhāsamādāne, tibbo no chando bhavissati adhipaññāsikkhāsamādāne’ti. Evañhi vo, bhikkhave, sikkhitabba’’nti. Tatiyaṃ.




    Next: 4. важ̇ж̇ибуд̇д̇асуд̇д̇ам̣ • 4. Vajjiputtasuttaṃ




    Footnotes:
    1. бадиг̇ажжзва (сий. бий.)
    2. сумад̇д̇игад̇ам̣ (га.), зд̇т̇а мад̇исад̣̇д̣̇о гадтакзд̇д̇асса самийгаран̣асаад̇ханз д̣̇аарубхан̣д̣з вад̇д̇ад̇ийд̇и саггад̇аабхид̇хаанзсу ааг̇ад̇ам̣. д̇ам̣ ‘‘мад̇ияаа судту самийгад̇а’’нд̇и адтагат̇ааяа самзд̇и
    3. paṭigacceva (sī. pī.)
    4. sumattikataṃ (ka.), ettha matisaddo kaṭṭhakhettassa samīkaraṇasādhane dārubhaṇḍe vattatīti sakkataabhidhānesu āgataṃ. taṃ ‘‘matiyā suṭṭhu samīkata’’nti aṭṭhakathāya sameti



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. кзд̇д̇асуд̇д̇аван̣н̣анаа • 3. Khettasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-5. саман̣асуд̇д̇аад̣̇иван̣н̣анаа • 1-5. Samaṇasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact