Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya

    ๓. เขตฺตสุตฺตํ

    3. Khettasuttaṃ

    ๘๔. ‘‘ตีณิมานิ, ภิกฺขเว, กสฺสกสฺส คหปติสฺส ปุเพฺพ กรณียานิฯ กตมานิ ตีณิ? อิธ, ภิกฺขเว, กสฺสโก คหปติ ปฎิกเจฺจว 1 เขตฺตํ สุกฎฺฐํ กโรติ สุมติกตํ 2ฯ ปฎิกเจฺจว เขตฺตํ สุกฎฺฐํ กริตฺวา สุมติกตํ กาเลน พีชานิ ปติฎฺฐาเปติฯ กาเลน พีชานิ ปติฎฺฐาเปตฺวา สมเยน อุทกํ อภิเนติปิ อปเนติปิฯ อิมานิ โข, ภิกฺขเว, ตีณิ กสฺสกสฺส คหปติสฺส ปุเพฺพ กรณียานิฯ

    84. ‘‘Tīṇimāni, bhikkhave, kassakassa gahapatissa pubbe karaṇīyāni. Katamāni tīṇi? Idha, bhikkhave, kassako gahapati paṭikacceva 3 khettaṃ sukaṭṭhaṃ karoti sumatikataṃ 4. Paṭikacceva khettaṃ sukaṭṭhaṃ karitvā sumatikataṃ kālena bījāni patiṭṭhāpeti. Kālena bījāni patiṭṭhāpetvā samayena udakaṃ abhinetipi apanetipi. Imāni kho, bhikkhave, tīṇi kassakassa gahapatissa pubbe karaṇīyāni.

    ‘‘เอวเมวํ โข, ภิกฺขเว, ตีณิมานิ ภิกฺขุสฺส ปุเพฺพ กรณียานิฯ กตมานิ ตีณิ? อธิสีลสิกฺขาสมาทานํ, อธิจิตฺตสิกฺขาสมาทานํ, อธิปญฺญาสิกฺขาสมาทานํ – อิมานิ โข, ภิกฺขเว, ตีณิ ภิกฺขุสฺส ปุเพฺพ กรณียานิฯ

    ‘‘Evamevaṃ kho, bhikkhave, tīṇimāni bhikkhussa pubbe karaṇīyāni. Katamāni tīṇi? Adhisīlasikkhāsamādānaṃ, adhicittasikkhāsamādānaṃ, adhipaññāsikkhāsamādānaṃ – imāni kho, bhikkhave, tīṇi bhikkhussa pubbe karaṇīyāni.

    ‘‘ตสฺมาติห, ภิกฺขเว, เอวํ สิกฺขิตพฺพํ – ‘ติโพฺพ โน ฉโนฺท ภวิสฺสติ อธิสีลสิกฺขาสมาทาเน, ติโพฺพ โน ฉโนฺท ภวิสฺสติ อธิจิตฺตสิกฺขาสมาทาเน, ติโพฺพ โน ฉโนฺท ภวิสฺสติ อธิปญฺญาสิกฺขาสมาทาเน’ติฯ เอวญฺหิ โว, ภิกฺขเว, สิกฺขิตพฺพ’’นฺติฯ ตติยํฯ

    ‘‘Tasmātiha, bhikkhave, evaṃ sikkhitabbaṃ – ‘tibbo no chando bhavissati adhisīlasikkhāsamādāne, tibbo no chando bhavissati adhicittasikkhāsamādāne, tibbo no chando bhavissati adhipaññāsikkhāsamādāne’ti. Evañhi vo, bhikkhave, sikkhitabba’’nti. Tatiyaṃ.




    Next: ๔. วชฺชิปุตฺตสุตฺตํ • 4. Vajjiputtasuttaṃ




    Footnotes:
    1. ปฎิคเจฺจว (สี. ปี.)
    2. สุมตฺติกตํ (ก.), เอตฺถ มติสโทฺท กฎฺฐเขตฺตสฺส สมีกรณสาธเน ทารุภเณฺฑ วตฺตตีติ สกฺกตอภิธาเนสุ อาคตํฯ ตํ ‘‘มติยา สุฎฺฐุ สมีกต’’นฺติ อฎฺฐกถาย สเมติ
    3. paṭigacceva (sī. pī.)
    4. sumattikataṃ (ka.), ettha matisaddo kaṭṭhakhettassa samīkaraṇasādhane dārubhaṇḍe vattatīti sakkataabhidhānesu āgataṃ. taṃ ‘‘matiyā suṭṭhu samīkata’’nti aṭṭhakathāya sameti



    Related texts:



    อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๓. เขตฺตสุตฺตวณฺณนา • 3. Khettasuttavaṇṇanā

    ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๕. สมณสุตฺตาทิวณฺณนา • 1-5. Samaṇasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact