Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya

    ༣. ཁེཏྟསུཏྟཾ

    3. Khettasuttaṃ

    ༨༤. ‘‘ཏཱིཎིམཱནི, བྷིཀྑཝེ, ཀསྶཀསྶ གཧཔཏིསྶ པུབྦེ ཀརཎཱིཡཱནི། ཀཏམཱནི ཏཱིཎི? ཨིདྷ, བྷིཀྑཝེ, ཀསྶཀོ གཧཔཏི པཊིཀཙྩེཝ 1 ཁེཏྟཾ སུཀཊྛཾ ཀརོཏི སུམཏིཀཏཾ 2། པཊིཀཙྩེཝ ཁེཏྟཾ སུཀཊྛཾ ཀརིཏྭཱ སུམཏིཀཏཾ ཀཱལེན བཱིཛཱནི པཏིཊྛཱཔེཏི། ཀཱལེན བཱིཛཱནི པཏིཊྛཱཔེཏྭཱ སམཡེན ཨུདཀཾ ཨབྷིནེཏིཔི ཨཔནེཏིཔི། ཨིམཱནི ཁོ, བྷིཀྑཝེ, ཏཱིཎི ཀསྶཀསྶ གཧཔཏིསྶ པུབྦེ ཀརཎཱིཡཱནི།

    84. ‘‘Tīṇimāni, bhikkhave, kassakassa gahapatissa pubbe karaṇīyāni. Katamāni tīṇi? Idha, bhikkhave, kassako gahapati paṭikacceva 3 khettaṃ sukaṭṭhaṃ karoti sumatikataṃ 4. Paṭikacceva khettaṃ sukaṭṭhaṃ karitvā sumatikataṃ kālena bījāni patiṭṭhāpeti. Kālena bījāni patiṭṭhāpetvā samayena udakaṃ abhinetipi apanetipi. Imāni kho, bhikkhave, tīṇi kassakassa gahapatissa pubbe karaṇīyāni.

    ‘‘ཨེཝམེཝཾ ཁོ, བྷིཀྑཝེ, ཏཱིཎིམཱནི བྷིཀྑུསྶ པུབྦེ ཀརཎཱིཡཱནི། ཀཏམཱནི ཏཱིཎི? ཨདྷིསཱིལསིཀྑཱསམཱདཱནཾ, ཨདྷིཙིཏྟསིཀྑཱསམཱདཱནཾ, ཨདྷིཔཉྙཱསིཀྑཱསམཱདཱནཾ – ཨིམཱནི ཁོ, བྷིཀྑཝེ, ཏཱིཎི བྷིཀྑུསྶ པུབྦེ ཀརཎཱིཡཱནི།

    ‘‘Evamevaṃ kho, bhikkhave, tīṇimāni bhikkhussa pubbe karaṇīyāni. Katamāni tīṇi? Adhisīlasikkhāsamādānaṃ, adhicittasikkhāsamādānaṃ, adhipaññāsikkhāsamādānaṃ – imāni kho, bhikkhave, tīṇi bhikkhussa pubbe karaṇīyāni.

    ‘‘ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘ཏིབྦོ ནོ ཚནྡོ བྷཝིསྶཏི ཨདྷིསཱིལསིཀྑཱསམཱདཱནེ, ཏིབྦོ ནོ ཚནྡོ བྷཝིསྶཏི ཨདྷིཙིཏྟསིཀྑཱསམཱདཱནེ, ཏིབྦོ ནོ ཚནྡོ བྷཝིསྶཏི ཨདྷིཔཉྙཱསིཀྑཱསམཱདཱནེ’ཏི། ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི། ཏཏིཡཾ།

    ‘‘Tasmātiha, bhikkhave, evaṃ sikkhitabbaṃ – ‘tibbo no chando bhavissati adhisīlasikkhāsamādāne, tibbo no chando bhavissati adhicittasikkhāsamādāne, tibbo no chando bhavissati adhipaññāsikkhāsamādāne’ti. Evañhi vo, bhikkhave, sikkhitabba’’nti. Tatiyaṃ.




    Next: ༤. ཝཛྫིཔུཏྟསུཏྟཾ • 4. Vajjiputtasuttaṃ




    Footnotes:
    1. པཊིགཙྩེཝ (སཱི॰ པཱི॰)
    2. སུམཏྟིཀཏཾ (ཀ॰), ཨེཏྠ མཏིསདྡོ ཀཊྛཁེཏྟསྶ སམཱིཀརཎསཱདྷནེ དཱརུབྷཎྜེ ཝཏྟཏཱིཏི སཀྐཏཨབྷིདྷཱནེསུ ཨཱགཏཾ། ཏཾ ‘‘མཏིཡཱ སུཊྛུ སམཱིཀཏ’’ནྟི ཨཊྛཀཐཱཡ སམེཏི
    3. paṭigacceva (sī. pī.)
    4. sumattikataṃ (ka.), ettha matisaddo kaṭṭhakhettassa samīkaraṇasādhane dārubhaṇḍe vattatīti sakkataabhidhānesu āgataṃ. taṃ ‘‘matiyā suṭṭhu samīkata’’nti aṭṭhakathāya sameti



    Related texts:



    ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༣. ཁེཏྟསུཏྟཝཎྞནཱ • 3. Khettasuttavaṇṇanā

    ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༥. སམཎསུཏྟཱདིཝཎྞནཱ • 1-5. Samaṇasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact