| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. кзд̇д̇асуд̇д̇аван̣н̣анаа
4. Khettasuttavaṇṇanā
34. жад̇уд̇т̇з на махабпалам̣ ход̇ийд̇и д̇хан̃н̃апалзна махабпалам̣ на ход̇и. на махассаад̣̇анд̇и яамбисса палам̣ ход̇и, д̇асса ассаад̣̇о на махаа ход̇и манд̣̇ассаад̣̇ам̣ на мад̇хурам̣. на паад̇исзяяанд̇и сзяяаабисса на ход̇и вуд̣дхи, д̇асса маханд̇ам̣ вийхит̇амбхасаннивзсам̣ на ход̇ийд̇и ад̇т̇о. уннааманиннаамийд̇и т̇аланиннавасзна висамад̇алам̣. д̇ад̇т̇а т̇алз уд̣̇агам̣ на сан̣таад̇и, ниннз ад̇иб̣аху д̇идтад̇и. баасаан̣асагкариганд̇и бад̇т̇арид̇ваа тид̇абидтибаасаан̣зхи жа куд̣̇д̣̇агабаасаан̣зхи жа сагкараахи жа саманнааг̇ад̇ам̣. уусаранд̇и уб̣бхинналон̣ам̣. на жа г̇амбхийрасид̇анд̇и т̇ад̣̇д̇хабхуумид̇ааяа г̇амбхийраануг̇ад̇ам̣, нан̇г̇аламаг̇г̇ам̣ гад̇ваа гасид̇ум̣ на саггаа ход̇и, уд̇д̇аананан̇г̇аламаг̇г̇амзва ход̇и. на ааяасамбаннанд̇и на уд̣̇агааг̇аманасамбаннам̣. на абааяасамбаннанд̇и бажчаабхааг̇з уд̣̇аганиг̇г̇аманамаг̇г̇асамбаннам̣ на ход̇и. на маад̇игаасамбаннанд̇и на куд̣̇д̣̇агамаханд̇ийхи уд̣̇агамаад̇игаахи самбаннам̣ ход̇и . на марияаад̣̇асамбаннанд̇и на гзд̣̇аарамарияаад̣̇аахи самбаннам̣. на махабпаланд̇иаад̣̇ийни саб̣б̣аани вибаагапалавасзнзва взд̣̇ид̇аб̣б̣аани.
34. Catutthe na mahapphalaṃ hotīti dhaññaphalena mahapphalaṃ na hoti. Na mahassādanti yampissa phalaṃ hoti, tassa assādo na mahā hoti mandassādaṃ na madhuraṃ. Na phātiseyyanti seyyāpissa na hoti vuḍḍhi, tassa mahantaṃ vīhithambhasannivesaṃ na hotīti attho. Unnāmaninnāmīti thalaninnavasena visamatalaṃ. Tattha thale udakaṃ na saṇṭhāti, ninne atibahu tiṭṭhati. Pāsāṇasakkharikanti pattharitvā ṭhitapiṭṭhipāsāṇehi ca khuddakapāsāṇehi ca sakkharāhi ca samannāgataṃ. Ūsaranti ubbhinnaloṇaṃ. Na ca gambhīrasitanti thaddhabhūmitāya gambhīrānugataṃ, naṅgalamaggaṃ katvā kasituṃ na sakkā hoti, uttānanaṅgalamaggameva hoti. Na āyasampannanti na udakāgamanasampannaṃ. Na apāyasampannanti pacchābhāge udakaniggamanamaggasampannaṃ na hoti. Na mātikāsampannanti na khuddakamahantīhi udakamātikāhi sampannaṃ hoti . Na mariyādasampannanti na kedāramariyādāhi sampannaṃ. Na mahapphalantiādīni sabbāni vipākaphalavaseneva veditabbāni.
самбаннзд̇и барибун̣н̣з самбад̇д̇ияуд̇д̇з. бавуд̇д̇аа б̣ийж̇асамбад̣̇аад̇и самбаннам̣ б̣ийж̇ам̣ робид̇ам̣. д̣̇звз самбаад̣̇аяанд̇амхийд̇и д̣̇звз саммаа вассанд̇з. анийд̇исамбад̣̇аа ход̇ийд̇и гийдагимиаад̣̇ибаан̣агаийд̇ияаа абхааво згаа самбад̣̇аа ход̇и. вируул̣хийд̇и вад̣дхи д̣̇уд̇ияаа самбад̣̇аа ход̇и. взбулланд̇и вибулабхааво д̇ад̇ияаа самбад̣̇аа ход̇и. паланд̇и барибун̣н̣апалам̣ жад̇уд̇т̇ий самбад̣̇аа ход̇и. самбаннасийлзсууд̇и барибун̣н̣асийлзсу. бхож̇анасамбад̣̇аад̇и самбаннам̣ вивид̇хабхож̇анам̣. самбад̣̇аананд̇и д̇ивид̇хам̣ гусаласамбад̣̇ам̣. убанзд̇ийд̇и саа бхож̇анасамбад̣̇аа убанаяад̇и. гасмаа? самбаннан̃хисса д̇ам̣ гад̇ам̣, яасмаасса д̇ам̣ гад̇агаммам̣ самбаннам̣ барибун̣н̣анд̇и ад̇т̇о. самбаннад̇т̇ууд̇хаад̇и самбанно ад̇т̇у ид̇ха. виж̇ж̇аажаран̣асамбаннод̇и д̇ийхи виж̇ж̇аахи жа бан̃жад̣̇асахи жаран̣ад̇хаммзхи жа саманнааг̇ад̇о. лад̣̇д̇хаад̇и зваруубо буг̇г̇ало жид̇д̇асса самбад̣̇ам̣ авзгаллабарибун̣н̣абхаавам̣ лабхид̇ваа. гарод̇и гаммасамбад̣̇анд̇и барибун̣н̣агаммам̣ гарод̇и. лабхад̇и жад̇т̇асамбад̣̇анд̇и ад̇т̇ан̃жа барибун̣н̣ам̣ лабхад̇и. д̣̇идтисамбад̣̇анд̇и вибассанаад̣̇идтим̣. маг̇г̇асамбад̣̇анд̇и сод̇аабад̇д̇имаг̇г̇ам̣. яаад̇и самбаннамаанасод̇и барибун̣н̣ажид̇д̇о худ̇ваа арахад̇д̇ам̣ яаад̇и. саа ход̇и саб̣б̣асамбад̣̇аад̇и саа саб̣б̣ад̣̇угкзхи вимуд̇д̇и саб̣б̣асамбад̣̇аа наама ход̇ийд̇и.
Sampanneti paripuṇṇe sampattiyutte. Pavuttā bījasampadāti sampannaṃ bījaṃ ropitaṃ. Devesampādayantamhīti deve sammā vassante. Anītisampadā hotīti kīṭakimiādipāṇakaītiyā abhāvo ekā sampadā hoti. Virūḷhīti vaḍḍhi dutiyā sampadā hoti. Vepullanti vipulabhāvo tatiyā sampadā hoti. Phalanti paripuṇṇaphalaṃ catutthī sampadā hoti. Sampannasīlesūti paripuṇṇasīlesu. Bhojanasampadāti sampannaṃ vividhabhojanaṃ. Sampadānanti tividhaṃ kusalasampadaṃ. Upanetīti sā bhojanasampadā upanayati. Kasmā? Sampannañhissa taṃ kataṃ, yasmāssa taṃ katakammaṃ sampannaṃ paripuṇṇanti attho. Sampannatthūdhāti sampanno atthu idha. Vijjācaraṇasampannoti tīhi vijjāhi ca pañcadasahi caraṇadhammehi ca samannāgato. Laddhāti evarūpo puggalo cittassa sampadaṃ avekallaparipuṇṇabhāvaṃ labhitvā. Karoti kammasampadanti paripuṇṇakammaṃ karoti. Labhati catthasampadanti atthañca paripuṇṇaṃ labhati. Diṭṭhisampadanti vipassanādiṭṭhiṃ. Maggasampadanti sotāpattimaggaṃ. Yāti sampannamānasoti paripuṇṇacitto hutvā arahattaṃ yāti. Sā hoti sabbasampadāti sā sabbadukkhehi vimutti sabbasampadā nāma hotīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. кзд̇д̇асуд̇д̇ам̣ • 4. Khettasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. батамад̣̇аанасуд̇д̇аад̣̇иван̣н̣анаа • 1-4. Paṭhamadānasuttādivaṇṇanā
