| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
кзд̇д̇адтагат̇ааван̣н̣анаа
Khettaṭṭhakathāvaṇṇanā
104. кзд̇д̇адтагат̇ааяам̣ сад̇д̇а д̇хан̃н̃аанийд̇и сааливийхияаваган̇г̇угуд̣̇руусаварагаг̇од̇хумаанам̣ васзна сад̇д̇а д̇хан̃н̃аани . нирумбхид̇ваа ваад̇иаад̣̇ийсу ‘‘г̇ан̣ханд̇ассаа’’д̇и бажжзгам̣ яож̇зд̇аб̣б̣ам̣. д̇ад̇т̇а нирумбхид̇ваа г̇ахан̣ам̣ наама вийхисийсам̣ ажчинд̣̇ид̇ваа яат̇аатид̇амзва хад̇т̇зна г̇ахзд̇ваа аагад̣дхид̇ваа б̣ийж̇амад̇д̇ассзва г̇ахан̣ам̣. згамзганд̇и згамзгам̣ вийхисийсам̣. уббаадзд̇ваа ваад̇и муг̇г̇амаасаад̣̇ийни уд̣̇д̇харид̇ваа ваа. яасмим̣ б̣ийж̇з ваад̇иаад̣̇и нирумбхид̇ваа г̇ахан̣аад̣̇ийсу яат̇ааггамам̣ яож̇зд̇аб̣б̣ам̣. саалисийсаад̣̇ийни нирумбхид̇ваа г̇ан̣ханд̇асса яасмим̣ б̣ийж̇з вад̇т̇у буурад̇и, згамзгам̣ хад̇т̇знзва чинд̣̇ид̇ваа г̇ан̣ханд̇асса яасмим̣ сийсз вад̇т̇у буурад̇и, асид̇зна лааяид̇ваа г̇ан̣ханд̇асса яассам̣ мудтияам̣ вад̇т̇у буурад̇и, б̣ахууни згад̇о уббаадзд̇ваа г̇ан̣ханд̇асса яасмим̣ муг̇г̇амаасаад̣̇ипалз вад̇т̇у буурад̇ийд̇и звамзд̇т̇а яат̇ааггамо взд̣̇ид̇аб̣б̣о. ‘‘д̇асмим̣ б̣анд̇ханаа можид̇амад̇д̇з’’д̇и важанад̇о д̇асмим̣ б̣ийж̇аад̣̇имхи б̣анд̇ханаа можид̇з сад̇и д̇ад̇о анабанийд̇зби баарааж̇игамзваад̇и д̣̇адтаб̣б̣ам̣. ажчиж̇ж̇амаанод̇и ажчинно худ̇ваа тид̇о. ж̇адид̇аанийд̇и чинд̣̇ид̇аани ажчиннзхи сад̣̇д̇хим̣ ж̇адид̇аани хонд̇ийд̇и ад̇т̇о. сабхусанд̇и балааласахид̇ам̣. абхусанд̇и балааларахид̇ам̣.
104. Khettaṭṭhakathāyaṃ satta dhaññānīti sālivīhiyavakaṅgukudrūsavarakagodhumānaṃ vasena satta dhaññāni . Nirumbhitvā vātiādīsu ‘‘gaṇhantassā’’ti paccekaṃ yojetabbaṃ. Tattha nirumbhitvā gahaṇaṃ nāma vīhisīsaṃ acchinditvā yathāṭhitameva hatthena gahetvā ākaḍḍhitvā bījamattasseva gahaṇaṃ. Ekamekanti ekamekaṃ vīhisīsaṃ. Uppāṭetvā vāti muggamāsādīni uddharitvā vā. Yasmiṃ bīje vātiādi nirumbhitvā gahaṇādīsu yathākkamaṃ yojetabbaṃ. Sālisīsādīni nirumbhitvā gaṇhantassa yasmiṃ bīje vatthu pūrati, ekamekaṃ hattheneva chinditvā gaṇhantassa yasmiṃ sīse vatthu pūrati, asitena lāyitvā gaṇhantassa yassaṃ muṭṭhiyaṃ vatthu pūrati, bahūni ekato uppāṭetvā gaṇhantassa yasmiṃ muggamāsādiphale vatthu pūratīti evamettha yathākkamo veditabbo. ‘‘Tasmiṃ bandhanā mocitamatte’’ti vacanato tasmiṃ bījādimhi bandhanā mocite sati tato anapanītepi pārājikamevāti daṭṭhabbaṃ. Acchijjamānoti acchinno hutvā ṭhito. Jaṭitānīti chinditāni acchinnehi saddhiṃ jaṭitāni hontīti attho. Sabhusanti palālasahitaṃ. Abhusanti palālarahitaṃ.
кийлзнаад̇и каан̣угзна. зд̇т̇а жа кийласан̇гаманаад̣̇ийсу убхаяам̣ самбхавад̇и сахабаяог̇о д̇хуранигкзбо жа. яад̣̇аа хи барасса кзд̇д̇аад̣̇ийсу згад̣̇зсам̣ кийласан̇гаманаад̣̇ивасзна ад̇д̇ано санд̇агам̣ гарод̇и, д̇ад̣̇аа сад̇иби батамад̇арам̣ саамигаанам̣ д̇хуранигкзбз кийласан̇гаманаад̣̇исахабаяог̇ам̣ винаа на ход̇ийд̇и сахабаяог̇знзва баарааж̇игам̣. д̇знзва маад̇игаадтагат̇ааяам̣ (ган̇каа. адта. д̣̇уд̇ияабаарааж̇игаван̣н̣анаа) вуд̇д̇ам̣ ‘‘таанаажааванавасзна кийлаад̣̇ийни сан̇гаамзд̇ваа кзд̇д̇аад̣̇иг̇г̇ахан̣авасзна жа сахабаяог̇о взд̣̇ид̇аб̣б̣о’’д̇и. яад̣̇аа бана асад̇и д̇хуранигкзбз кийласан̇гаманаад̣̇имад̇д̇ам̣ гад̇ам̣, д̇ад̣̇аа винаа д̇хуранигкзбзна на ход̇ийд̇и д̇хуранигкзбзнзва баарааж̇игам̣. д̇знзвзд̇т̇а ‘‘д̇ан̃жа ко саамигаанам̣ д̇хуранигкзбзнаа’’д̇и вуд̇д̇ам̣. звам̣ саб̣б̣ад̇т̇аад̇и яат̇аавуд̇д̇амад̇т̇ам̣ раж̇ж̇усан̇гаманаад̣̇ийсуби ад̇ид̣̇исад̇и.
Khīlenāti khāṇukena. Ettha ca khīlasaṅkamanādīsu ubhayaṃ sambhavati sahapayogo dhuranikkhepo ca. Yadā hi parassa khettādīsu ekadesaṃ khīlasaṅkamanādivasena attano santakaṃ karoti, tadā satipi paṭhamataraṃ sāmikānaṃ dhuranikkhepe khīlasaṅkamanādisahapayogaṃ vinā na hotīti sahapayogeneva pārājikaṃ. Teneva mātikāṭṭhakathāyaṃ (kaṅkhā. aṭṭha. dutiyapārājikavaṇṇanā) vuttaṃ ‘‘ṭhānācāvanavasena khīlādīni saṅkāmetvā khettādiggahaṇavasena ca sahapayogo veditabbo’’ti. Yadā pana asati dhuranikkhepe khīlasaṅkamanādimattaṃ kataṃ, tadā vinā dhuranikkhepena na hotīti dhuranikkhepeneva pārājikaṃ. Tenevettha ‘‘tañca kho sāmikānaṃ dhuranikkhepenā’’ti vuttaṃ. Evaṃ sabbatthāti yathāvuttamatthaṃ rajjusaṅkamanādīsupi atidisati.
яадтинд̇и маанад̣̇ан̣д̣ам̣. згасмим̣ анааг̇ад̇з т̇уллажжаяам̣, д̇асмим̣ ааг̇ад̇з баарааж̇иганд̇и зд̇т̇а сажз д̣̇аарууни никан̣ид̇ваа д̇ад̇д̇агзнзва г̇ан̣хид̇угаамо ход̇и, авасаанз д̣̇аарумхи баарааж̇игам̣. сажз д̇ад̇т̇а саакааяоби гад̇ваа г̇ахзд̇угаамо ход̇и, авасаанасаакааяа баарааж̇иганд̇и взд̣̇ид̇аб̣б̣ам̣. д̇ад̇д̇агзна асаггонд̇од̇и д̣̇аарууни никан̣ид̇ваа вад̇им̣ гаад̇ум̣ асаггонд̇о. кзд̇д̇амарияаад̣̇анд̇и вуд̇д̇амзвад̇т̇ам̣ вибхаавзд̇ум̣ ‘‘гзд̣̇аарабаал̣и’’нд̇и вуд̇д̇ам̣. вид̇т̇ад̇ам̣ гарод̇ийд̇и буб̣б̣з виж̇ж̇амаанамзва марияаад̣̇ам̣ вид̇т̇ин̣н̣ам̣ гарод̇и. агад̇ам̣ ваа бана бад̇идтабзд̇ийд̇и буб̣б̣з агад̇ам̣ ваа марияаад̣̇ам̣ табзд̇и.
Yaṭṭhinti mānadaṇḍaṃ. Ekasmiṃ anāgate thullaccayaṃ, tasmiṃ āgate pārājikanti ettha sace dārūni nikhaṇitvā tattakeneva gaṇhitukāmo hoti, avasāne dārumhi pārājikaṃ. Sace tattha sākhāyopi katvā gahetukāmo hoti, avasānasākhāya pārājikanti veditabbaṃ. Tattakena asakkontoti dārūni nikhaṇitvā vatiṃ kātuṃ asakkonto. Khettamariyādanti vuttamevatthaṃ vibhāvetuṃ ‘‘kedārapāḷi’’nti vuttaṃ. Vitthataṃ karotīti pubbe vijjamānameva mariyādaṃ vitthiṇṇaṃ karoti. Akataṃ vā pana patiṭṭhapetīti pubbe akataṃ vā mariyādaṃ ṭhapeti.
кзд̇д̇адтагат̇ааван̣н̣анаа нидтид̇аа.
Khettaṭṭhakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / кзд̇д̇адтагат̇ааван̣н̣анаа • Khettaṭṭhakathāvaṇṇanā
