| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
кзд̇д̇адтагат̇ааван̣н̣анаа
Khettaṭṭhakathāvaṇṇanā
104. кзд̇д̇адтагат̇ааяам̣ нирумбхид̇ваа ваад̇иаад̣̇ийсу г̇ан̣ханд̇ассаад̇и бажжзгам̣ яож̇зд̇аб̣б̣ам̣, д̇ад̇т̇а нирумбхид̇ваа г̇ахан̣ам̣ наама вийхисийсам̣ ажчинд̣̇ид̇ваа яат̇аатид̇амзва хад̇т̇зна г̇ахзд̇ваа аагад̣дхид̇ваа б̣ийж̇амад̇д̇ассзва г̇ахан̣ам̣. згамзганд̇и згам̣ вийхисийсам̣. яасмим̣ б̣ийж̇з ваад̇иаад̣̇и нирумбхид̇ваа г̇ахан̣аад̣̇ийсу яат̇ааггамам̣ яож̇зд̇аб̣б̣ам̣. ‘‘д̇асмим̣ б̣анд̇ханаа можид̇амад̇д̇з’’д̇и важанад̇о д̇асмим̣ б̣ийж̇аад̣̇имхи б̣анд̇ханаа муд̇д̇з сад̇и д̇ад̇о анабанийд̇зби таананд̇арасса абхааваа баарааж̇игамзва. яасса бана сийсаад̣̇игасса санд̇араад̣̇инаа саха сам̣сиб̣б̣анам̣ ваа згааб̣ад̣̇д̇хад̇аа ваа ход̇и, д̇асса б̣анд̇ханаа можид̇з т̇уллажжаяам̣, ид̇арадтаанад̇о можид̇з баарааж̇иганд̇и г̇ахзд̇аб̣б̣ам̣, д̇знааха вийхинаал̣анд̇иаад̣̇и. сабхусанд̇и балааласахид̇ам̣. кийлзнаад̇и каан̣угзна. зд̇т̇а жа кийласан̇гаманаад̣̇ийсу сахабаяог̇о д̇хуранигкзбо жаад̇и убхаяам̣ самбхавад̇и. кийласан̇гаманаад̣̇и зд̇т̇а сахабаяог̇о. д̇асмин̃жа гад̇з яад̣̇и саамигаа д̇хурам̣ на нигкибанд̇и буна г̇ан̣хид̇угаамаава хонд̇и, на д̇аава авахааро, ‘‘кийлам̣ сан̇гаамзд̇ваа кзд̇д̇аад̣̇им̣ асуго рааж̇аваллабхо бхигку г̇ан̣хид̇угаамо’’д̇и н̃ад̇ваа д̇асса б̣алам̣ гагкал̣аад̣̇ибхааван̃жа ниссааяа кийласан̇гаманаад̣̇игирияаанидтаанад̇о батамамзва саамигаа д̇хурам̣ нигкибанд̇и, на авахааро зд̇асса баяог̇анидтаанад̇о бурзд̇арамзва д̇хурасса нигкид̇д̇ад̇д̇аа. яад̣̇аа бана кийласан̇гаманаад̣̇ибаяог̇знзва д̇хуранигкзбо ход̇и, д̇ад̣̇ааязва авахааро, д̇знзвзд̇т̇а ‘‘д̇ан̃жа ко саамигаанам̣ д̇хуранигкзбзнаа’’д̇и вуд̇д̇ам̣. кийлаад̣̇ийнам̣ сан̇гамид̇абхаавам̣ аж̇аанид̇ваа саамигаанам̣ самбадижчанамбзд̇т̇а д̇хуранигкзбод̇и взд̣̇ид̇аб̣б̣о. звам̣ саб̣б̣ад̇т̇аад̇и яат̇аавуд̇д̇амад̇т̇ам̣ раж̇ж̇усан̇гаманаад̣̇ийсуби ад̇ид̣̇исад̇и. яадтинд̇и маанад̣̇ан̣д̣ам̣. згасмим̣ анааг̇ад̇з т̇уллажжаяам̣, д̇асмим̣ ааг̇ад̇з баарааж̇иганд̇и сажз д̣̇аарууни никан̣ид̇ваа д̇ад̇д̇агзнзва г̇ан̣хид̇угаамо ход̇и, авасаанз д̣̇аарумхи баарааж̇игам̣. сажз д̇ад̇т̇а ган̣дагасаакаад̣̇ийхи баад̣̇аанам̣ анд̇арам̣ бадижчаад̣̇зд̇ваа гассажи аббавзсаарахам̣ гад̇ваа г̇ахзд̇угаамо ход̇и, авасаанасаакааяа баарааж̇игам̣, д̇знааха ‘‘саакаабариваарзнзва ад̇д̇ано гаад̇ум̣ саггод̇ий’’д̇и, д̣̇аарууни жа никан̣ид̇ваа саакаабаривааран̃жа гад̇ваа зва ад̇д̇ано санд̇агам̣ гаад̇ум̣ саггод̇ийд̇и ад̇т̇о. кзд̇д̇амарияаад̣̇анд̇и вуд̇д̇амзвад̇т̇ам̣ вибхаавзд̇ум̣ ‘‘гзд̣̇аарабаал̣и’’нд̇и вуд̇д̇ам̣. ид̣̇ан̃жа кийласан̇гаманаад̣̇инаа г̇ахан̣ам̣ аараамаад̣̇ийсуби лаб̣бхад̇зва.
104. Khettaṭṭhakathāyaṃ nirumbhitvā vātiādīsu gaṇhantassāti paccekaṃ yojetabbaṃ, tattha nirumbhitvā gahaṇaṃ nāma vīhisīsaṃ acchinditvā yathāṭhitameva hatthena gahetvā ākaḍḍhitvā bījamattasseva gahaṇaṃ. Ekamekanti ekaṃ vīhisīsaṃ. Yasmiṃ bīje vātiādi nirumbhitvā gahaṇādīsu yathākkamaṃ yojetabbaṃ. ‘‘Tasmiṃ bandhanā mocitamatte’’ti vacanato tasmiṃ bījādimhi bandhanā mutte sati tato anapanītepi ṭhānantarassa abhāvā pārājikameva. Yassa pana sīsādikassa santarādinā saha saṃsibbanaṃ vā ekābaddhatā vā hoti, tassa bandhanā mocite thullaccayaṃ, itaraṭṭhānato mocite pārājikanti gahetabbaṃ, tenāha vīhināḷantiādi. Sabhusanti palālasahitaṃ. Khīlenāti khāṇukena. Ettha ca khīlasaṅkamanādīsu sahapayogo dhuranikkhepo cāti ubhayaṃ sambhavati. Khīlasaṅkamanādi ettha sahapayogo. Tasmiñca kate yadi sāmikā dhuraṃ na nikkhipanti puna gaṇhitukāmāva honti, na tāva avahāro, ‘‘khīlaṃ saṅkāmetvā khettādiṃ asuko rājavallabho bhikkhu gaṇhitukāmo’’ti ñatvā tassa balaṃ kakkhaḷādibhāvañca nissāya khīlasaṅkamanādikiriyāniṭṭhānato paṭhamameva sāmikā dhuraṃ nikkhipanti, na avahāro etassa payoganiṭṭhānato puretarameva dhurassa nikkhittattā. Yadā pana khīlasaṅkamanādipayogeneva dhuranikkhepo hoti, tadāyeva avahāro, tenevettha ‘‘tañca kho sāmikānaṃ dhuranikkhepenā’’ti vuttaṃ. Khīlādīnaṃ saṅkamitabhāvaṃ ajānitvā sāmikānaṃ sampaṭicchanampettha dhuranikkhepoti veditabbo. Evaṃ sabbatthāti yathāvuttamatthaṃ rajjusaṅkamanādīsupi atidisati. Yaṭṭhinti mānadaṇḍaṃ. Ekasmiṃ anāgate thullaccayaṃ, tasmiṃ āgate pārājikanti sace dārūni nikhaṇitvā tattakeneva gaṇhitukāmo hoti, avasāne dārumhi pārājikaṃ. Sace tattha kaṇṭakasākhādīhi pādānaṃ antaraṃ paṭicchādetvā kassaci appavesārahaṃ katvā gahetukāmo hoti, avasānasākhāya pārājikaṃ, tenāha ‘‘sākhāparivāreneva attano kātuṃ sakkotī’’ti, dārūni ca nikhaṇitvā sākhāparivārañca katvā eva attano santakaṃ kātuṃ sakkotīti attho. Khettamariyādanti vuttamevatthaṃ vibhāvetuṃ ‘‘kedārapāḷi’’nti vuttaṃ. Idañca khīlasaṅkamanādinā gahaṇaṃ ārāmādīsupi labbhateva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / кзд̇д̇адтагат̇ааван̣н̣анаа • Khettaṭṭhakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
