| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. кзд̇д̇уубамасуд̇д̇ам̣
7. Khettūpamasuttaṃ
359. згам̣ самаяам̣ бхаг̇аваа наал̣анд̣̇ааяам̣ вихарад̇и баавааригамб̣аванз. ат̇а ко асиб̣анд̇хагабуд̇д̇о г̇ааман̣и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко асиб̣анд̇хагабуд̇д̇о г̇ааман̣и бхаг̇аванд̇ам̣ зд̇ад̣̇авожа – ‘‘нану, бханд̇з, бхаг̇аваа саб̣б̣абаан̣абхууд̇ахид̇аанугамбий вихарад̇ий’’д̇и? ‘‘звам̣, г̇ааман̣и, д̇ат̇ааг̇ад̇о саб̣б̣абаан̣абхууд̇ахид̇аанугамбий вихарад̇ий’’д̇и. ‘‘ат̇а гин̃жарахи, бханд̇з, бхаг̇аваа згажжаанам̣ саггажжам̣ д̇хаммам̣ д̣̇зсзд̇и, згажжаанам̣ но д̇ат̇аа саггажжам̣ д̇хаммам̣ д̣̇зсзд̇ий’’д̇и? ‘‘д̇зна хи, г̇ааман̣и, д̇ан̃н̃звзд̇т̇а бадибужчиссаами. яат̇аа д̇з камзяяа д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, г̇ааман̣и, ид̇хассу 1 гассагасса г̇ахабад̇ино д̇ийн̣и кзд̇д̇аани – згам̣ кзд̇д̇ам̣ аг̇г̇ам̣, згам̣ кзд̇д̇ам̣ маж̇жхимам̣, згам̣ кзд̇д̇ам̣ хийнам̣ ж̇ан̇г̇алам̣ уусарам̣ баабабхууми. д̇ам̣ гим̣ ман̃н̃аси, г̇ааман̣и, асу гассаго г̇ахабад̇и б̣ийж̇аани бад̇идтаабзд̇угаамо гад̇т̇а батамам̣ бад̇идтаабзяяа, яам̣ ваа ад̣̇ум̣ кзд̇д̇ам̣ аг̇г̇ам̣ , яам̣ ваа ад̣̇ум̣ кзд̇д̇ам̣ маж̇жхимам̣, яам̣ ваа ад̣̇ум̣ кзд̇д̇ам̣ хийнам̣ ж̇ан̇г̇алам̣ уусарам̣ баабабхуумий’’д̇и? ‘‘асу, бханд̇з, гассаго г̇ахабад̇и б̣ийж̇аани бад̇идтаабзд̇угаамо яам̣ ад̣̇ум̣ кзд̇д̇ам̣ аг̇г̇ам̣ д̇ад̇т̇а бад̇идтаабзяяа . д̇ад̇т̇а бад̇идтаабзд̇ваа яам̣ ад̣̇ум̣ кзд̇д̇ам̣ маж̇жхимам̣ д̇ад̇т̇а бад̇идтаабзяяа. д̇ад̇т̇а бад̇идтаабзд̇ваа яам̣ ад̣̇ум̣ кзд̇д̇ам̣ хийнам̣ ж̇ан̇г̇алам̣ уусарам̣ баабабхууми д̇ад̇т̇а бад̇идтаабзяяаби, ноби бад̇идтаабзяяа. д̇ам̣ гисса хзд̇у? анд̇амасо г̇обхад̇д̇амби бхависсад̇ий’’д̇и.
359. Ekaṃ samayaṃ bhagavā nāḷandāyaṃ viharati pāvārikambavane. Atha kho asibandhakaputto gāmaṇi yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho asibandhakaputto gāmaṇi bhagavantaṃ etadavoca – ‘‘nanu, bhante, bhagavā sabbapāṇabhūtahitānukampī viharatī’’ti? ‘‘Evaṃ, gāmaṇi, tathāgato sabbapāṇabhūtahitānukampī viharatī’’ti. ‘‘Atha kiñcarahi, bhante, bhagavā ekaccānaṃ sakkaccaṃ dhammaṃ deseti, ekaccānaṃ no tathā sakkaccaṃ dhammaṃ desetī’’ti? ‘‘Tena hi, gāmaṇi, taññevettha paṭipucchissāmi. Yathā te khameyya tathā naṃ byākareyyāsi. Taṃ kiṃ maññasi, gāmaṇi, idhassu 2 kassakassa gahapatino tīṇi khettāni – ekaṃ khettaṃ aggaṃ, ekaṃ khettaṃ majjhimaṃ, ekaṃ khettaṃ hīnaṃ jaṅgalaṃ ūsaraṃ pāpabhūmi. Taṃ kiṃ maññasi, gāmaṇi, asu kassako gahapati bījāni patiṭṭhāpetukāmo kattha paṭhamaṃ patiṭṭhāpeyya, yaṃ vā aduṃ khettaṃ aggaṃ , yaṃ vā aduṃ khettaṃ majjhimaṃ, yaṃ vā aduṃ khettaṃ hīnaṃ jaṅgalaṃ ūsaraṃ pāpabhūmī’’ti? ‘‘Asu, bhante, kassako gahapati bījāni patiṭṭhāpetukāmo yaṃ aduṃ khettaṃ aggaṃ tattha patiṭṭhāpeyya . Tattha patiṭṭhāpetvā yaṃ aduṃ khettaṃ majjhimaṃ tattha patiṭṭhāpeyya. Tattha patiṭṭhāpetvā yaṃ aduṃ khettaṃ hīnaṃ jaṅgalaṃ ūsaraṃ pāpabhūmi tattha patiṭṭhāpeyyapi, nopi patiṭṭhāpeyya. Taṃ kissa hetu? Antamaso gobhattampi bhavissatī’’ti.
‘‘сзяяат̇ааби, г̇ааман̣и, яам̣ ад̣̇ум̣ кзд̇д̇ам̣ аг̇г̇ам̣; звамзва маяхам̣ бхигкубхигкунияо. д̇зсаахам̣ д̇хаммам̣ д̣̇зсзми – аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣, саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзми. д̇ам̣ гисса хзд̇у? зд̇з хи, г̇ааман̣и, мам̣д̣̇ийбаа мам̣лзн̣аа мам̣д̇аан̣аа мам̣саран̣аа вихаранд̇и. сзяяат̇ааби, г̇ааман̣и, яам̣ ад̣̇ум̣ кзд̇д̇ам̣ маж̇жхимам̣; звамзва маяхам̣ убаасагаубаасигааяо. д̇зсам̣ баахам̣ д̇хаммам̣ д̣̇зсзми – аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣, саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзми. д̇ам̣ гисса хзд̇у? зд̇з хи, г̇ааман̣и, мам̣д̣̇ийбаа мам̣лзн̣аа мам̣д̇аан̣аа мам̣саран̣аа вихаранд̇и. сзяяат̇ааби, г̇ааман̣и, яам̣ ад̣̇ум̣ кзд̇д̇ам̣ хийнам̣ ж̇ан̇г̇алам̣ уусарам̣ баабабхууми; звамзва маяхам̣ ан̃н̃ад̇ид̇т̇ияаа саман̣аб̣раахман̣абариб̣б̣ааж̇агаа . д̇зсам̣ баахам̣ д̇хаммам̣ д̣̇зсзми – аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзми. д̇ам̣ гисса хзд̇у? аббзва наама згам̣ бад̣̇амби ааж̇аанзяяум̣ д̇ам̣ нзсам̣ асса д̣̇ийгхарад̇д̇ам̣ хид̇ааяа сукааяаа’’д̇и.
‘‘Seyyathāpi, gāmaṇi, yaṃ aduṃ khettaṃ aggaṃ; evameva mayhaṃ bhikkhubhikkhuniyo. Tesāhaṃ dhammaṃ desemi – ādikalyāṇaṃ majjhekalyāṇaṃ pariyosānakalyāṇaṃ, sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsemi. Taṃ kissa hetu? Ete hi, gāmaṇi, maṃdīpā maṃleṇā maṃtāṇā maṃsaraṇā viharanti. Seyyathāpi, gāmaṇi, yaṃ aduṃ khettaṃ majjhimaṃ; evameva mayhaṃ upāsakaupāsikāyo. Tesaṃ pāhaṃ dhammaṃ desemi – ādikalyāṇaṃ majjhekalyāṇaṃ pariyosānakalyāṇaṃ, sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsemi. Taṃ kissa hetu? Ete hi, gāmaṇi, maṃdīpā maṃleṇā maṃtāṇā maṃsaraṇā viharanti. Seyyathāpi, gāmaṇi, yaṃ aduṃ khettaṃ hīnaṃ jaṅgalaṃ ūsaraṃ pāpabhūmi; evameva mayhaṃ aññatitthiyā samaṇabrāhmaṇaparibbājakā . Tesaṃ pāhaṃ dhammaṃ desemi – ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāsemi. Taṃ kissa hetu? Appeva nāma ekaṃ padampi ājāneyyuṃ taṃ nesaṃ assa dīgharattaṃ hitāya sukhāyā’’ti.
‘‘сзяяат̇ааби, г̇ааман̣и, бурисасса д̇аяо уд̣̇агаман̣игаа – зго уд̣̇агаман̣иго ажчид̣̇д̣̇о ахаарий абарихаарий, зго уд̣̇агаман̣иго ажчид̣̇д̣̇о хаарий барихаарий, зго уд̣̇агаман̣иго чид̣̇д̣̇о хаарий барихаарий. д̇ам̣ гим̣ ман̃н̃аси, г̇ааман̣и, асу бурисо уд̣̇агам̣ нигкибид̇угаамо гад̇т̇а батамам̣ нигкибзяяа, яо ваа со уд̣̇агаман̣иго ажчид̣̇д̣̇о ахаарий абарихаарий, яо ваа со уд̣̇агаман̣иго ажчид̣̇д̣̇о хаарий барихаарий, яо ваа со уд̣̇агаман̣иго чид̣̇д̣̇о хаарий барихаарий’’д̇и? ‘‘асу, бханд̇з, бурисо уд̣̇агам̣ нигкибид̇угаамо, яо со уд̣̇агаман̣иго ажчид̣̇д̣̇о ахаарий абарихаарий д̇ад̇т̇а нигкибзяяа, д̇ад̇т̇а нигкибид̇ваа, яо со уд̣̇агаман̣иго ажчид̣̇д̣̇о хаарий барихаарий д̇ад̇т̇а нигкибзяяа, д̇ад̇т̇а нигкибид̇ваа, яо со уд̣̇агаман̣иго чид̣̇д̣̇о хаарий барихаарий д̇ад̇т̇а нигкибзяяаби, ноби нигкибзяяа. д̇ам̣ гисса хзд̇у? анд̇амасо бхан̣д̣ад̇хованамби бхависсад̇ий’’д̇и.
‘‘Seyyathāpi, gāmaṇi, purisassa tayo udakamaṇikā – eko udakamaṇiko acchiddo ahārī aparihārī, eko udakamaṇiko acchiddo hārī parihārī, eko udakamaṇiko chiddo hārī parihārī. Taṃ kiṃ maññasi, gāmaṇi, asu puriso udakaṃ nikkhipitukāmo kattha paṭhamaṃ nikkhipeyya, yo vā so udakamaṇiko acchiddo ahārī aparihārī, yo vā so udakamaṇiko acchiddo hārī parihārī, yo vā so udakamaṇiko chiddo hārī parihārī’’ti? ‘‘Asu, bhante, puriso udakaṃ nikkhipitukāmo, yo so udakamaṇiko acchiddo ahārī aparihārī tattha nikkhipeyya, tattha nikkhipitvā, yo so udakamaṇiko acchiddo hārī parihārī tattha nikkhipeyya, tattha nikkhipitvā, yo so udakamaṇiko chiddo hārī parihārī tattha nikkhipeyyapi, nopi nikkhipeyya. Taṃ kissa hetu? Antamaso bhaṇḍadhovanampi bhavissatī’’ti.
‘‘сзяяат̇ааби, г̇ааман̣и, яо со уд̣̇агаман̣иго ажчид̣̇д̣̇о ахаарий абарихаарий; звамзва маяхам̣ бхигкубхигкунияо. д̇зсаахам̣ д̇хаммам̣ д̣̇зсзми – аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ , гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзми. д̇ам̣ гисса хзд̇у? зд̇з хи, г̇ааман̣и, мам̣д̣̇ийбаа мам̣лзн̣аа мам̣д̇аан̣аа мам̣саран̣аа вихаранд̇и. сзяяат̇ааби, г̇ааман̣и, яо со уд̣̇агаман̣иго ажчид̣̇д̣̇о хаарий барихаарий; звамзва маяхам̣ убаасагаубаасигааяо. д̇зсаахам̣ д̇хаммам̣ д̣̇зсзми – аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзми. д̇ам̣ гисса хзд̇у? зд̇з хи, г̇ааман̣и, мам̣д̣̇ийбаа мам̣лзн̣аа мам̣д̇аан̣аа мам̣саран̣аа вихаранд̇и. сзяяат̇ааби, г̇ааман̣и, яо со уд̣̇агаман̣иго чид̣̇д̣̇о хаарий барихаарий; звамзва маяхам̣ ан̃н̃ад̇ид̇т̇ияаа саман̣аб̣раахман̣абариб̣б̣ааж̇агаа. д̇зсаахам̣ д̇хаммам̣ д̣̇зсзми – аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзми. д̇ам̣ гисса хзд̇у? аббзва наама згам̣ бад̣̇амби ааж̇аанзяяум̣, д̇ам̣ нзсам̣ асса д̣̇ийгхарад̇д̇ам̣ хид̇ааяа сукааяаа’’д̇и. звам̣ вуд̇д̇з, асиб̣анд̇хагабуд̇д̇о г̇ааман̣и бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з…бз… аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. сад̇д̇амам̣.
‘‘Seyyathāpi, gāmaṇi, yo so udakamaṇiko acchiddo ahārī aparihārī; evameva mayhaṃ bhikkhubhikkhuniyo. Tesāhaṃ dhammaṃ desemi – ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ , kevalaparipuṇṇaṃ parisuddhaṃ brahmacariyaṃ pakāsemi. Taṃ kissa hetu? Ete hi, gāmaṇi, maṃdīpā maṃleṇā maṃtāṇā maṃsaraṇā viharanti. Seyyathāpi, gāmaṇi, yo so udakamaṇiko acchiddo hārī parihārī; evameva mayhaṃ upāsakaupāsikāyo. Tesāhaṃ dhammaṃ desemi – ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāsemi. Taṃ kissa hetu? Ete hi, gāmaṇi, maṃdīpā maṃleṇā maṃtāṇā maṃsaraṇā viharanti. Seyyathāpi, gāmaṇi, yo so udakamaṇiko chiddo hārī parihārī; evameva mayhaṃ aññatitthiyā samaṇabrāhmaṇaparibbājakā. Tesāhaṃ dhammaṃ desemi – ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsemi. Taṃ kissa hetu? Appeva nāma ekaṃ padampi ājāneyyuṃ, taṃ nesaṃ assa dīgharattaṃ hitāya sukhāyā’’ti. Evaṃ vutte, asibandhakaputto gāmaṇi bhagavantaṃ etadavoca – ‘‘abhikkantaṃ, bhante…pe… ajjatagge pāṇupetaṃ saraṇaṃ gata’’nti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. кзд̇д̇уубамасуд̇д̇аван̣н̣анаа • 7. Khettūpamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. кзд̇д̇уубамасуд̇д̇аван̣н̣анаа • 7. Khettūpamasuttavaṇṇanā
