| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. கெ²த்தூபமஸுத்தவண்ணனா
7. Khettūpamasuttavaṇṇanā
359. ஸத்தமே ஜங்க³லந்தி த²த்³த⁴ங் ந முது³. ஊஸரந்தி ஸஞ்ஜாதலோணங். பாபபூ⁴மீதி லாமகபூ⁴மிபா⁴க³ங். மங்தீ³பாதிஆதீ³ஸு அஹங் தீ³போ பதிட்டா² ஏதேஸந்தி மங்தீ³பா. அஹங் லேணோ அல்லீயனட்டா²னங் ஏதேஸந்தி மங்லேணா. அஹங் தாணங் ரக்கா² ஏதேஸந்தி மங்தாணா. அஹங் ஸரணங் ப⁴யனாஸனங் ஏதேஸந்தி மங்ஸரணா. விஹரந்தீதி மங் ஏவங் கத்வா விஹரந்தி.
359. Sattame jaṅgalanti thaddhaṃ na mudu. Ūsaranti sañjātaloṇaṃ. Pāpabhūmīti lāmakabhūmibhāgaṃ. Maṃdīpātiādīsu ahaṃ dīpo patiṭṭhā etesanti maṃdīpā. Ahaṃ leṇo allīyanaṭṭhānaṃ etesanti maṃleṇā. Ahaṃ tāṇaṃ rakkhā etesanti maṃtāṇā. Ahaṃ saraṇaṃ bhayanāsanaṃ etesanti maṃsaraṇā. Viharantīti maṃ evaṃ katvā viharanti.
கோ³ப⁴த்தம்பீதி த⁴ஞ்ஞப²லஸ்ஸ அபா⁴வேன லாயித்வா கலாபகலாபங் ப³ந்தி⁴த்வா ட²பிதங் கி³ம்ஹகாலே கு³ன்னம்பி கா²த³னங் ப⁴விஸ்ஸதீதி அத்தோ². உத³கமணிகோதி குச்சி²யங் மணிகமேக²லாய ஏவங் லத்³த⁴னாமோ பா⁴ஜனவிஸேஸோ. அஹாரீ அபரிஹாரீதி உத³கங் ந ஹரதி ந பரிஹரதி, ந பரியாதி³யதீதி அத்தோ². இதி இமஸ்மிங் ஸுத்தே ஸக்கச்சத⁴ம்மதே³ஸனாவ கதி²தா. பு³த்³தா⁴னஞ்ஹி அஸக்கச்சத⁴ம்மதே³ஸனா நாம நத்தி². ஸீஹஸமானவுத்தினோ ஹி பு³த்³தா⁴, யதா² ஸீஹோ பபி⁴ன்னவரவாரணஸ்ஸபி ஸஸபி³ளாராதீ³னம்பி க³ஹணத்தா²ய ஏகஸதி³ஸமேவ வேக³ங் கரோதி, ஏவங் பு³த்³தா⁴பி ஏகஸ்ஸ தே³ஸெந்தாபி த்³வின்னங் ப³ஹூனங் பி⁴க்கு²பரிஸாய பி⁴க்கு²னிஉபாஸகஉபாஸிகாபரிஸாயபி தித்தி²யானம்பி தே³ஸெந்தா ஸக்கச்சமேவ தே³ஸெந்தி. சதஸ்ஸோ பன பரிஸா ஸத்³த³ஹித்வா ஓகப்பெத்வா ஸுணந்தீதி தாஸங் தே³ஸனா ஸக்கச்சதே³ஸனா நாம ஜாதா.
Gobhattampīti dhaññaphalassa abhāvena lāyitvā kalāpakalāpaṃ bandhitvā ṭhapitaṃ gimhakāle gunnampi khādanaṃ bhavissatīti attho. Udakamaṇikoti kucchiyaṃ maṇikamekhalāya evaṃ laddhanāmo bhājanaviseso. Ahārī aparihārīti udakaṃ na harati na pariharati, na pariyādiyatīti attho. Iti imasmiṃ sutte sakkaccadhammadesanāva kathitā. Buddhānañhi asakkaccadhammadesanā nāma natthi. Sīhasamānavuttino hi buddhā, yathā sīho pabhinnavaravāraṇassapi sasabiḷārādīnampi gahaṇatthāya ekasadisameva vegaṃ karoti, evaṃ buddhāpi ekassa desentāpi dvinnaṃ bahūnaṃ bhikkhuparisāya bhikkhuniupāsakaupāsikāparisāyapi titthiyānampi desentā sakkaccameva desenti. Catasso pana parisā saddahitvā okappetvā suṇantīti tāsaṃ desanā sakkaccadesanā nāma jātā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. கெ²த்தூபமஸுத்தங் • 7. Khettūpamasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. கெ²த்தூபமஸுத்தவண்ணனா • 7. Khettūpamasuttavaṇṇanā
