| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৭. খেত্তূপমসুত্তৰণ্ণনা
7. Khettūpamasuttavaṇṇanā
৩৫৯. থদ্ধন্তি কথিনং লূখং। ঊসরন্তি ঊসজাতং। চতূহিপি ওঘেহি অনভিভৰনীযতায অহং দীপো। সব্বপরিস্সযেহি অনভিভৰনীযতায অহং লেণো। সব্বদুক্খপরিত্তাসনতো তাযনট্ঠেন অহং তাণং। সব্বভযহিংসনতো অহং সরণন্তি যোজেতব্বং।
359.Thaddhanti kathinaṃ lūkhaṃ. Ūsaranti ūsajātaṃ. Catūhipi oghehi anabhibhavanīyatāya ahaṃ dīpo. Sabbaparissayehi anabhibhavanīyatāya ahaṃ leṇo. Sabbadukkhaparittāsanato tāyanaṭṭhena ahaṃ tāṇaṃ. Sabbabhayahiṃsanato ahaṃ saraṇanti yojetabbaṃ.
উদকমণিকোতি মহন্তং উদকভাজনং। বহি ৰিস্সন্দনৰসেন উদকং ন হরতীতি অহারী, পরিতো ন পগ্ঘরতীতি অপরিহারী। সক্কচ্চমেৰ দেসেন্তি সদ্ধম্মগারৰস্স সব্বসত্তেসু মহাকরুণায চ বুদ্ধানং সমানরসত্তা। চতস্সো পন পরিসা সত্থুগারৰেন অত্তনো চ সদ্ধাসম্পন্নতায সদ্দহিত্ৰা ওকপ্পেত্ৰা সুণন্তি, তস্মা তা দেসনাফলেন যুজ্জন্তি। কিচ্চসিদ্ধিযা সত্থু দেসনা তত্থ সক্কচ্চদেসনা নাম জাতা।
Udakamaṇikoti mahantaṃ udakabhājanaṃ. Bahi vissandanavasena udakaṃ na haratīti ahārī, parito na paggharatīti aparihārī. Sakkaccameva desenti saddhammagāravassa sabbasattesu mahākaruṇāya ca buddhānaṃ samānarasattā. Catasso pana parisā satthugāravena attano ca saddhāsampannatāya saddahitvā okappetvā suṇanti, tasmā tā desanāphalena yujjanti. Kiccasiddhiyā satthu desanā tattha sakkaccadesanā nāma jātā.
খেত্তূপমসুত্তৰণ্ণনা নিট্ঠিতা।
Khettūpamasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. খেত্তূপমসুত্তং • 7. Khettūpamasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. খেত্তূপমসুত্তৰণ্ণনা • 7. Khettūpamasuttavaṇṇanā
