| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. кзд̇д̇уубамасуд̇д̇аван̣н̣анаа
7. Khettūpamasuttavaṇṇanā
359. сад̇д̇амз ж̇ан̇г̇аланд̇и т̇ад̣̇д̇хам̣ на муд̣̇у. уусаранд̇и сан̃ж̇аад̇алон̣ам̣. баабабхуумийд̇и лаамагабхуумибхааг̇ам̣. мам̣д̣̇ийбаад̇иаад̣̇ийсу ахам̣ д̣̇ийбо бад̇идтаа зд̇зсанд̇и мам̣д̣̇ийбаа. ахам̣ лзн̣о аллийяанадтаанам̣ зд̇зсанд̇и мам̣лзн̣аа. ахам̣ д̇аан̣ам̣ рагкаа зд̇зсанд̇и мам̣д̇аан̣аа. ахам̣ саран̣ам̣ бхаяанаасанам̣ зд̇зсанд̇и мам̣саран̣аа. вихаранд̇ийд̇и мам̣ звам̣ гад̇ваа вихаранд̇и.
359. Sattame jaṅgalanti thaddhaṃ na mudu. Ūsaranti sañjātaloṇaṃ. Pāpabhūmīti lāmakabhūmibhāgaṃ. Maṃdīpātiādīsu ahaṃ dīpo patiṭṭhā etesanti maṃdīpā. Ahaṃ leṇo allīyanaṭṭhānaṃ etesanti maṃleṇā. Ahaṃ tāṇaṃ rakkhā etesanti maṃtāṇā. Ahaṃ saraṇaṃ bhayanāsanaṃ etesanti maṃsaraṇā. Viharantīti maṃ evaṃ katvā viharanti.
г̇обхад̇д̇амбийд̇и д̇хан̃н̃апаласса абхаавзна лааяид̇ваа галаабагалаабам̣ б̣анд̇хид̇ваа табид̇ам̣ г̇имхагаалз г̇уннамби каад̣̇анам̣ бхависсад̇ийд̇и ад̇т̇о. уд̣̇агаман̣игод̇и гужчияам̣ ман̣игамзкалааяа звам̣ лад̣̇д̇ханаамо бхааж̇анависзсо. ахаарий абарихаарийд̇и уд̣̇агам̣ на харад̇и на барихарад̇и, на барияаад̣̇ияад̇ийд̇и ад̇т̇о. ид̇и имасмим̣ суд̇д̇з саггажжад̇хаммад̣̇зсанаава гат̇ид̇аа. б̣уд̣̇д̇хаанан̃хи асаггажжад̇хаммад̣̇зсанаа наама над̇т̇и. сийхасамаанавуд̇д̇ино хи б̣уд̣̇д̇хаа, яат̇аа сийхо бабхиннаваравааран̣ассаби сасаб̣ил̣аараад̣̇ийнамби г̇ахан̣ад̇т̇ааяа згасад̣̇исамзва взг̇ам̣ гарод̇и, звам̣ б̣уд̣̇д̇хааби згасса д̣̇зсзнд̇ааби д̣̇виннам̣ б̣ахуунам̣ бхигкубарисааяа бхигкуниубаасагаубаасигаабарисааяаби д̇ид̇т̇ияаанамби д̣̇зсзнд̇аа саггажжамзва д̣̇зсзнд̇и. жад̇ассо бана барисаа сад̣̇д̣̇ахид̇ваа огаббзд̇ваа сун̣анд̇ийд̇и д̇аасам̣ д̣̇зсанаа саггажжад̣̇зсанаа наама ж̇аад̇аа.
Gobhattampīti dhaññaphalassa abhāvena lāyitvā kalāpakalāpaṃ bandhitvā ṭhapitaṃ gimhakāle gunnampi khādanaṃ bhavissatīti attho. Udakamaṇikoti kucchiyaṃ maṇikamekhalāya evaṃ laddhanāmo bhājanaviseso. Ahārī aparihārīti udakaṃ na harati na pariharati, na pariyādiyatīti attho. Iti imasmiṃ sutte sakkaccadhammadesanāva kathitā. Buddhānañhi asakkaccadhammadesanā nāma natthi. Sīhasamānavuttino hi buddhā, yathā sīho pabhinnavaravāraṇassapi sasabiḷārādīnampi gahaṇatthāya ekasadisameva vegaṃ karoti, evaṃ buddhāpi ekassa desentāpi dvinnaṃ bahūnaṃ bhikkhuparisāya bhikkhuniupāsakaupāsikāparisāyapi titthiyānampi desentā sakkaccameva desenti. Catasso pana parisā saddahitvā okappetvā suṇantīti tāsaṃ desanā sakkaccadesanā nāma jātā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. кзд̇д̇уубамасуд̇д̇ам̣ • 7. Khettūpamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. кзд̇д̇уубамасуд̇д̇аван̣н̣анаа • 7. Khettūpamasuttavaṇṇanā
