| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๗. เขตฺตูปมสุตฺตวณฺณนา
7. Khettūpamasuttavaṇṇanā
๓๕๙. ถทฺธนฺติ กถินํ ลูขํฯ อูสรนฺติ อูสชาตํฯ จตูหิปิ โอเฆหิ อนภิภวนียตาย อหํ ทีโปฯ สพฺพปริสฺสเยหิ อนภิภวนียตาย อหํ เลโณฯ สพฺพทุกฺขปริตฺตาสนโต ตายนเฎฺฐน อหํ ตาณํฯ สพฺพภยหิํสนโต อหํ สรณนฺติ โยเชตพฺพํฯ
359.Thaddhanti kathinaṃ lūkhaṃ. Ūsaranti ūsajātaṃ. Catūhipi oghehi anabhibhavanīyatāya ahaṃ dīpo. Sabbaparissayehi anabhibhavanīyatāya ahaṃ leṇo. Sabbadukkhaparittāsanato tāyanaṭṭhena ahaṃ tāṇaṃ. Sabbabhayahiṃsanato ahaṃ saraṇanti yojetabbaṃ.
อุทกมณิโกติ มหนฺตํ อุทกภาชนํฯ พหิ วิสฺสนฺทนวเสน อุทกํ น หรตีติ อหารี, ปริโต น ปคฺฆรตีติ อปริหารีฯ สกฺกจฺจเมว เทเสนฺติ สทฺธมฺมคารวสฺส สพฺพสเตฺตสุ มหากรุณาย จ พุทฺธานํ สมานรสตฺตาฯ จตโสฺส ปน ปริสา สตฺถุคารเวน อตฺตโน จ สทฺธาสมฺปนฺนตาย สทฺทหิตฺวา โอกเปฺปตฺวา สุณนฺติ, ตสฺมา ตา เทสนาผเลน ยุชฺชนฺติฯ กิจฺจสิทฺธิยา สตฺถุ เทสนา ตตฺถ สกฺกจฺจเทสนา นาม ชาตาฯ
Udakamaṇikoti mahantaṃ udakabhājanaṃ. Bahi vissandanavasena udakaṃ na haratīti ahārī, parito na paggharatīti aparihārī. Sakkaccameva desenti saddhammagāravassa sabbasattesu mahākaruṇāya ca buddhānaṃ samānarasattā. Catasso pana parisā satthugāravena attano ca saddhāsampannatāya saddahitvā okappetvā suṇanti, tasmā tā desanāphalena yujjanti. Kiccasiddhiyā satthu desanā tattha sakkaccadesanā nāma jātā.
เขตฺตูปมสุตฺตวณฺณนา นิฎฺฐิตาฯ
Khettūpamasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. เขตฺตูปมสุตฺตํ • 7. Khettūpamasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗. เขตฺตูปมสุตฺตวณฺณนา • 7. Khettūpamasuttavaṇṇanā
