Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā)

    ၇. ခေတ္တူပမသုတ္တဝဏ္ဏနာ

    7. Khettūpamasuttavaṇṇanā

    ၃၅၉. ထဒ္ဓန္တိ ကထိနံ လူခံ။ ဦသရန္တိ ဦသဇာတံ။ စတူဟိပိ ဩဃေဟိ အနဘိဘဝနီယတာယ အဟံ ဒီပော။ သဗ္ဗပရိသ္သယေဟိ အနဘိဘဝနီယတာယ အဟံ လေဏော။ သဗ္ဗဒုက္ခပရိတ္တာသနတော တာယနဋ္ဌေန အဟံ တာဏံ။ သဗ္ဗဘယဟိံသနတော အဟံ သရဏန္တိ ယောဇေတဗ္ဗံ။

    359.Thaddhanti kathinaṃ lūkhaṃ. Ūsaranti ūsajātaṃ. Catūhipi oghehi anabhibhavanīyatāya ahaṃ dīpo. Sabbaparissayehi anabhibhavanīyatāya ahaṃ leṇo. Sabbadukkhaparittāsanato tāyanaṭṭhena ahaṃ tāṇaṃ. Sabbabhayahiṃsanato ahaṃ saraṇanti yojetabbaṃ.

    ဥဒကမဏိကောတိ မဟန္တံ ဥဒကဘာဇနံ။ ဗဟိ ဝိသ္သန္ဒနဝသေန ဥဒကံ န ဟရတီတိ အဟာရီ, ပရိတော န ပဂ္ဃရတီတိ အပရိဟာရီ။ သက္ကစ္စမေဝ ဒေသေန္တိ သဒ္ဓမ္မဂာရဝသ္သ သဗ္ဗသတ္တေသု မဟာကရုဏာယ စ ဗုဒ္ဓာနံ သမာနရသတ္တာ။ စတသ္သော ပန ပရိသာ သတ္ထုဂာရဝေန အတ္တနော စ သဒ္ဓာသမ္ပန္နတာယ သဒ္ဒဟိတ္ဝာ ဩကပ္ပေတ္ဝာ သုဏန္တိ, တသ္မာ တာ ဒေသနာဖလေန ယုဇ္ဇန္တိ။ ကိစ္စသိဒ္ဓိယာ သတ္ထု ဒေသနာ တတ္ထ သက္ကစ္စဒေသနာ နာမ ဇာတာ

    Udakamaṇikoti mahantaṃ udakabhājanaṃ. Bahi vissandanavasena udakaṃ na haratīti ahārī, parito na paggharatīti aparihārī. Sakkaccameva desenti saddhammagāravassa sabbasattesu mahākaruṇāya ca buddhānaṃ samānarasattā. Catasso pana parisā satthugāravena attano ca saddhāsampannatāya saddahitvā okappetvā suṇanti, tasmā tā desanāphalena yujjanti. Kiccasiddhiyā satthu desanā tattha sakkaccadesanā nāma jātā.

    ခေတ္တူပမသုတ္တဝဏ္ဏနာ နိဋ္ဌိတာ။

    Khettūpamasuttavaṇṇanā niṭṭhitā.







    Related texts:



    တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ခေတ္တူပမသုတ္တံ • 7. Khettūpamasuttaṃ

    အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ခေတ္တူပမသုတ္တဝဏ္ဏနာ • 7. Khettūpamasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact