| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
7. ඛෙත්‌තූපමසුත්‌තවණ්‌ණනා
7. Khettūpamasuttavaṇṇanā
359. ථද්‌ධන්‌ති කථිනං ලූඛං. ඌසරන්‌ති ඌසජාතං. චතූහිපි ඔඝෙහි අනභිභවනීයතාය අහං දීපො. සබ්‌බපරිස්‌සයෙහි අනභිභවනීයතාය අහං ලෙණො. සබ්‌බදුක්‌ඛපරිත්‌තාසනතො තායනට්‌ඨෙන අහං තාණං. සබ්‌බභයහිංසනතො අහං සරණන්‌ති යොජෙතබ්‌බං.
359.Thaddhanti kathinaṃ lūkhaṃ. Ūsaranti ūsajātaṃ. Catūhipi oghehi anabhibhavanīyatāya ahaṃ dīpo. Sabbaparissayehi anabhibhavanīyatāya ahaṃ leṇo. Sabbadukkhaparittāsanato tāyanaṭṭhena ahaṃ tāṇaṃ. Sabbabhayahiṃsanato ahaṃ saraṇanti yojetabbaṃ.
උදකමණිකොති මහන්‌තං උදකභාජනං. බහි විස්‌සන්‌දනවසෙන උදකං න හරතීති අහාරී, පරිතො න පග්‌ඝරතීති අපරිහාරී. සක්‌කච්‌චමෙව දෙසෙන්‌ති සද්‌ධම්‌මගාරවස්‌ස සබ්‌බසත්‌තෙසු මහාකරුණාය ච බුද්‌ධානං සමානරසත්‌තා. චතස්‌සො පන පරිසා සත්‌ථුගාරවෙන අත්‌තනො ච සද්‌ධාසම්‌පන්‌නතාය සද්‌දහිත්‌වා ඔකප්‌පෙත්‌වා සුණන්‌ති, තස්‌මා තා දෙසනාඵලෙන යුජ්‌ජන්‌ති. කිච්‌චසිද්‌ධියා සත්‌ථු දෙසනා තත්‌ථ සක්‌කච්‌චදෙසනා නාම ජාතා.
Udakamaṇikoti mahantaṃ udakabhājanaṃ. Bahi vissandanavasena udakaṃ na haratīti ahārī, parito na paggharatīti aparihārī. Sakkaccameva desenti saddhammagāravassa sabbasattesu mahākaruṇāya ca buddhānaṃ samānarasattā. Catasso pana parisā satthugāravena attano ca saddhāsampannatāya saddahitvā okappetvā suṇanti, tasmā tā desanāphalena yujjanti. Kiccasiddhiyā satthu desanā tattha sakkaccadesanā nāma jātā.
ඛෙත්‌තූපමසුත්‌තවණ්‌ණනා නිට්‌ඨිතා.
Khettūpamasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 7. ඛෙත්‌තූපමසුත්‌තං • 7. Khettūpamasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 7. ඛෙත්‌තූපමසුත්‌තවණ්‌ණනා • 7. Khettūpamasuttavaṇṇanā
