| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. кийн̣аасавабхаавабан̃хо
2. Khīṇāsavabhāvapañho
2. ‘‘бханд̇з нааг̇асзна, д̇умхз бхан̣ат̇а ‘яо г̇ихий арахад̇д̇ам̣ бад̇д̇о, д̣̇вз ваасса г̇ад̇ияо бхаванд̇и анан̃н̃аа, д̇асмим̣ язва д̣̇ивасз баб̣б̣аж̇ад̇и ваа бариниб̣б̣ааяад̇и ваа. на со д̣̇ивасо саггаа ад̇иггамзд̇у’нд̇и. сажз со, бханд̇з нааг̇асзна, д̇асмим̣ д̣̇ивасз аажарияам̣ ваа убаж̇жхааяам̣ ваа бад̇д̇ажийварам̣ ваа на лабхзт̇а, аби ну ко со арахаа саяам̣ ваа баб̣б̣аж̇зяяа д̣̇ивасам̣ ваа ад̇иггамзяяа, ан̃н̃о гожи арахаа ид̣̇д̇химаа ааг̇анд̇ваа д̇ам̣ баб̣б̣ааж̇зяяа ваа бариниб̣б̣ааязяяа ваа’’д̇и? ‘‘на со, махаарааж̇а, арахаа саяам̣ баб̣б̣аж̇зяяа, саяам̣ баб̣б̣аж̇анд̇о т̇зяяам̣ аабаж̇ж̇ад̇и, на жа д̣̇ивасам̣ ад̇иггамзяяа, ан̃н̃асса араханд̇асса ааг̇аманам̣ бхавзяяа ваа на ваа бхавзяяа, д̇асмим̣ язва д̣̇ивасз бариниб̣б̣ааязяяаа’’д̇и. ‘‘д̇зна хи, бханд̇з нааг̇асзна, арахад̇д̇асса санд̇абхааво виж̇ахид̇о ход̇и, язна ад̇хиг̇ад̇асса ж̇ийвид̇ахааро бхавад̇ий’’д̇и.
2. ‘‘Bhante nāgasena, tumhe bhaṇatha ‘yo gihī arahattaṃ patto, dve vāssa gatiyo bhavanti anaññā, tasmiṃ yeva divase pabbajati vā parinibbāyati vā. Na so divaso sakkā atikkametu’nti. Sace so, bhante nāgasena, tasmiṃ divase ācariyaṃ vā upajjhāyaṃ vā pattacīvaraṃ vā na labhetha, api nu kho so arahā sayaṃ vā pabbajeyya divasaṃ vā atikkameyya, añño koci arahā iddhimā āgantvā taṃ pabbājeyya vā parinibbāyeyya vā’’ti? ‘‘Na so, mahārāja, arahā sayaṃ pabbajeyya, sayaṃ pabbajanto theyyaṃ āpajjati, na ca divasaṃ atikkameyya, aññassa arahantassa āgamanaṃ bhaveyya vā na vā bhaveyya, tasmiṃ yeva divase parinibbāyeyyā’’ti. ‘‘Tena hi, bhante nāgasena, arahattassa santabhāvo vijahito hoti, yena adhigatassa jīvitahāro bhavatī’’ti.
‘‘висамам̣, махаарааж̇а, г̇ихилин̇г̇ам̣, висамз лин̇г̇з лин̇г̇ад̣̇уб̣б̣алад̇ааяа арахад̇д̇ам̣ бад̇д̇о г̇ихий д̇асмим̣ язва д̣̇ивасз баб̣б̣аж̇ад̇и ваа бариниб̣б̣ааяад̇и ваа. нзсо, махаарааж̇а, д̣̇осо арахад̇д̇асса, г̇ихилин̇г̇ассзвзсо д̣̇осо яад̣̇ид̣̇ам̣ лин̇г̇ад̣̇уб̣б̣алад̇аа.
‘‘Visamaṃ, mahārāja, gihiliṅgaṃ, visame liṅge liṅgadubbalatāya arahattaṃ patto gihī tasmiṃ yeva divase pabbajati vā parinibbāyati vā. Neso, mahārāja, doso arahattassa, gihiliṅgasseveso doso yadidaṃ liṅgadubbalatā.
‘‘яат̇аа, махаарааж̇а, бхож̇анам̣ саб̣б̣асад̇д̇аанам̣ ааяубаалагам̣ ж̇ийвид̇арагкагам̣ висамагодтасса манд̣̇ад̣̇уб̣б̣алаг̇ахан̣игасса авибаагзна ж̇ийвид̇ам̣ харад̇и. нзсо, махаарааж̇а, д̣̇осо бхож̇анасса, годтассзвзсо д̣̇осо яад̣̇ид̣̇ам̣ аг̇г̇ид̣̇уб̣б̣алад̇аа. звамзва ко, махаарааж̇а, висамз лин̇г̇з лин̇г̇ад̣̇уб̣б̣алад̇ааяа арахад̇д̇ам̣ бад̇д̇о г̇ихий д̇асмим̣ язва д̣̇ивасз баб̣б̣аж̇ад̇и ваа бариниб̣б̣ааяад̇и ваа. нзсо, махаарааж̇а, д̣̇осо арахад̇д̇асса, г̇ихилин̇г̇ассзвзсо д̣̇осо яад̣̇ид̣̇ам̣ лин̇г̇ад̣̇уб̣б̣алад̇аа.
‘‘Yathā, mahārāja, bhojanaṃ sabbasattānaṃ āyupālakaṃ jīvitarakkhakaṃ visamakoṭṭhassa mandadubbalagahaṇikassa avipākena jīvitaṃ harati. Neso, mahārāja, doso bhojanassa, koṭṭhasseveso doso yadidaṃ aggidubbalatā. Evameva kho, mahārāja, visame liṅge liṅgadubbalatāya arahattaṃ patto gihī tasmiṃ yeva divase pabbajati vā parinibbāyati vā. Neso, mahārāja, doso arahattassa, gihiliṅgasseveso doso yadidaṃ liṅgadubbalatā.
‘‘яат̇аа ваа бана, махаарааж̇а, барид̇д̇ам̣ д̇ин̣асалаагам̣ убари г̇аругз баасаан̣з табид̇з д̣̇уб̣б̣алад̇ааяа бхиж̇ж̇ид̇ваа бад̇ад̇и. звамзва ко, махаарааж̇а, арахад̇д̇ам̣ бад̇д̇о г̇ихий д̇зна лин̇г̇зна арахад̇д̇ам̣ д̇хаарзд̇ум̣ асаггонд̇о д̇асмим̣ язва д̣̇ивасз баб̣б̣аж̇ад̇и ваа бариниб̣б̣ааяад̇и ваа.
‘‘Yathā vā pana, mahārāja, parittaṃ tiṇasalākaṃ upari garuke pāsāṇe ṭhapite dubbalatāya bhijjitvā patati. Evameva kho, mahārāja, arahattaṃ patto gihī tena liṅgena arahattaṃ dhāretuṃ asakkonto tasmiṃ yeva divase pabbajati vā parinibbāyati vā.
‘‘яат̇аа ваа бана, махаарааж̇а, бурисо аб̣ало д̣̇уб̣б̣ало нихийнаж̇ажжо барид̇д̇абун̃н̃о махад̇имахаараж̇ж̇ам̣ лабхид̇ваа кан̣зна барибад̇ад̇и барид̇хам̣сад̇и осаггад̇и, на саггод̇и иссарияам̣ д̇хаарзд̇ум̣, звамзва ко, махаарааж̇а, арахад̇д̇ам̣ бад̇д̇о г̇ихий д̇зна лин̇г̇зна арахад̇д̇ам̣ д̇хаарзд̇ум̣ на саггод̇и , д̇зна гааран̣зна д̇асмим̣ язва д̣̇ивасз баб̣б̣аж̇ад̇и ваа бариниб̣б̣ааяад̇и ваа’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Yathā vā pana, mahārāja, puriso abalo dubbalo nihīnajacco parittapuñño mahatimahārajjaṃ labhitvā khaṇena paripatati paridhaṃsati osakkati, na sakkoti issariyaṃ dhāretuṃ, evameva kho, mahārāja, arahattaṃ patto gihī tena liṅgena arahattaṃ dhāretuṃ na sakkoti , tena kāraṇena tasmiṃ yeva divase pabbajati vā parinibbāyati vā’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
кийн̣аасавабхаавабан̃хо д̣̇уд̇ияо.
Khīṇāsavabhāvapañho dutiyo.
