| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. кийн̣аасавасад̇исаммосабан̃хо
3. Khīṇāsavasatisammosapañho
3. ‘‘бханд̇з нааг̇асзна, ад̇т̇и арахад̇о сад̇исаммосо’’д̇и? ‘‘виг̇ад̇асад̇исаммосаа ко, махаарааж̇а, араханд̇о, над̇т̇и араханд̇аанам̣ сад̇исаммосо’’д̇и. ‘‘аабаж̇ж̇зяяа бана, бханд̇з, арахаа аабад̇д̇и’’нд̇и? ‘‘аама, махаарааж̇аа’’д̇и. ‘‘гисмим̣ вад̇т̇усми’’нд̇и? ‘‘гудигаарз, махаарааж̇а, сан̃жарид̇д̇з, вигаалз гааласан̃н̃ааяа, баваарид̇з аббаваарид̇асан̃н̃ааяа, анад̇ирид̇д̇з ад̇ирид̇д̇асан̃н̃ааяаа’’д̇и.
3. ‘‘Bhante nāgasena, atthi arahato satisammoso’’ti? ‘‘Vigatasatisammosā kho, mahārāja, arahanto, natthi arahantānaṃ satisammoso’’ti. ‘‘Āpajjeyya pana, bhante, arahā āpatti’’nti? ‘‘Āma, mahārājā’’ti. ‘‘Kismiṃ vatthusmi’’nti? ‘‘Kuṭikāre, mahārāja, sañcaritte, vikāle kālasaññāya, pavārite appavāritasaññāya, anatiritte atirittasaññāyā’’ti.
‘‘бханд̇з нааг̇асзна, д̇умхз бхан̣ат̇а ‘яз аабад̇д̇им̣ аабаж̇ж̇анд̇и, д̇з д̣̇вийхи гааран̣зхи аабаж̇ж̇анд̇и анаад̣̇ариязна ваа аж̇аананзна ваа’д̇и. аби ну ко, бханд̇з, арахад̇о анаад̣̇арияам̣ ход̇и, яам̣ арахаа аабад̇д̇им̣ аабаж̇ж̇ад̇ий’’д̇и? ‘‘на хи, махаарааж̇аа’’д̇и.
‘‘Bhante nāgasena, tumhe bhaṇatha ‘ye āpattiṃ āpajjanti, te dvīhi kāraṇehi āpajjanti anādariyena vā ajānanena vā’ti. Api nu kho, bhante, arahato anādariyaṃ hoti, yaṃ arahā āpattiṃ āpajjatī’’ti? ‘‘Na hi, mahārājā’’ti.
‘‘яад̣̇и, бханд̇з нааг̇асзна, арахаа аабад̇д̇им̣ аабаж̇ж̇ад̇и, над̇т̇и жа арахад̇о анаад̣̇арияам̣, д̇зна хи ад̇т̇и арахад̇о сад̇исаммосо’’д̇и? ‘‘над̇т̇и, махаарааж̇а, арахад̇о сад̇исаммосо, аабад̇д̇ин̃жа арахаа аабаж̇ж̇ад̇ий’’д̇и.
‘‘Yadi, bhante nāgasena, arahā āpattiṃ āpajjati, natthi ca arahato anādariyaṃ, tena hi atthi arahato satisammoso’’ti? ‘‘Natthi, mahārāja, arahato satisammoso, āpattiñca arahā āpajjatī’’ti.
‘‘д̇зна хи, бханд̇з, гааран̣зна мам̣ сан̃н̃аабзхи, гим̣ д̇ад̇т̇а гааран̣а’’нд̇и? ‘‘д̣̇взмз, махаарааж̇а, гилзсаа логаваж̇ж̇ам̣ бан̣н̣ад̇д̇иваж̇ж̇ан̃жаад̇и. гад̇амам̣, махаарааж̇а, логаваж̇ж̇ам̣? д̣̇аса агусалагаммабат̇аа, ид̣̇ам̣ вужжад̇и логаваж̇ж̇ам̣. гад̇амам̣ бан̣н̣ад̇д̇иваж̇ж̇ам̣? яам̣ логз ад̇т̇и саман̣аанам̣ ананужчавигам̣ анануломигам̣, г̇ихийнам̣ анаваж̇ж̇ам̣. д̇ад̇т̇а бхаг̇аваа саавагаанам̣ сигкаабад̣̇ам̣ бан̃н̃абзд̇и ‘яааваж̇ийвам̣ анад̇иггаманийяа’нд̇и. вигаалабхож̇анам̣, махаарааж̇а, логасса анаваж̇ж̇ам̣, д̇ам̣ ж̇инасаасанз важ̇ж̇ам̣. бхууд̇аг̇аамавигобанам̣, махаарааж̇а, логасса анаваж̇ж̇ам̣, д̇ам̣ ж̇инасаасанз важ̇ж̇ам̣. уд̣̇агз хассад̇хаммам̣, махаарааж̇а, логасса анаваж̇ж̇ам̣, д̇ам̣ ж̇инасаасанз важ̇ж̇ам̣. ид̇и зваруубаани зваруубаани, махаарааж̇а , ж̇инасаасанз важ̇ж̇аани, ид̣̇ам̣ вужжад̇и бан̣н̣ад̇д̇иваж̇ж̇ам̣.
‘‘Tena hi, bhante, kāraṇena maṃ saññāpehi, kiṃ tattha kāraṇa’’nti? ‘‘Dveme, mahārāja, kilesā lokavajjaṃ paṇṇattivajjañcāti. Katamaṃ, mahārāja, lokavajjaṃ? Dasa akusalakammapathā, idaṃ vuccati lokavajjaṃ. Katamaṃ paṇṇattivajjaṃ? Yaṃ loke atthi samaṇānaṃ ananucchavikaṃ ananulomikaṃ, gihīnaṃ anavajjaṃ. Tattha bhagavā sāvakānaṃ sikkhāpadaṃ paññapeti ‘yāvajīvaṃ anatikkamanīya’nti. Vikālabhojanaṃ, mahārāja, lokassa anavajjaṃ, taṃ jinasāsane vajjaṃ. Bhūtagāmavikopanaṃ, mahārāja, lokassa anavajjaṃ, taṃ jinasāsane vajjaṃ. Udake hassadhammaṃ, mahārāja, lokassa anavajjaṃ, taṃ jinasāsane vajjaṃ. Iti evarūpāni evarūpāni, mahārāja , jinasāsane vajjāni, idaṃ vuccati paṇṇattivajjaṃ.
‘‘логаваж̇ж̇ам̣ абхаб̣б̣о кийн̣аасаво д̇ам̣ аж̇жхаажарид̇ум̣, яам̣ гилзсам̣ бан̣н̣ад̇д̇иваж̇ж̇ам̣, д̇ам̣ аж̇аананд̇о аабаж̇ж̇зяяа. ависаяо, махаарааж̇а, згажжасса арахад̇о саб̣б̣ам̣ ж̇аанид̇ум̣, на хи д̇асса б̣алам̣ ад̇т̇и саб̣б̣ам̣ ж̇аанид̇ум̣. анан̃н̃аад̇ам̣, махаарааж̇а, арахад̇о ид̇т̇ибурисаанам̣ наамамби г̇од̇д̇амби, маг̇г̇оби д̇асса махияаа анан̃н̃аад̇о; вимуд̇д̇им̣ язва, махаарааж̇а, згажжо арахаа ж̇аанзяяа; чал̣абхин̃н̃о арахаа сагависаяам̣ ж̇аанзяяа; саб̣б̣ан̃н̃уу, махаарааж̇а, д̇ат̇ааг̇ад̇ова саб̣б̣ам̣ ж̇аанаад̇ий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Lokavajjaṃ abhabbo khīṇāsavo taṃ ajjhācarituṃ, yaṃ kilesaṃ paṇṇattivajjaṃ, taṃ ajānanto āpajjeyya. Avisayo, mahārāja, ekaccassa arahato sabbaṃ jānituṃ, na hi tassa balaṃ atthi sabbaṃ jānituṃ. Anaññātaṃ, mahārāja, arahato itthipurisānaṃ nāmampi gottampi, maggopi tassa mahiyā anaññāto; vimuttiṃ yeva, mahārāja, ekacco arahā jāneyya; chaḷabhiñño arahā sakavisayaṃ jāneyya; sabbaññū, mahārāja, tathāgatova sabbaṃ jānātī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
кийн̣аасавасад̇исаммосабан̃хо д̇ад̇ияо.
Khīṇāsavasatisammosapañho tatiyo.
