| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7-10. киббанисанд̇исуд̇д̇аад̣̇иван̣н̣анаа
7-10. Khippanisantisuttādivaṇṇanā
97-100. сад̇д̇амз киббанисанд̇ийд̇и киббабан̃н̃о. д̇знааха ‘‘киббанисаамано’’д̇иаад̣̇и. ануруубад̇хамманд̇и логуд̇д̇араад̇хиг̇амасса анужчавигасабхаавам̣. галяаан̣аа сунд̣̇араа бариман̣д̣алабад̣̇аб̣яан̃ж̇анаа ваажаа ассаад̇и галяаан̣аваажо. д̇знааха ‘‘сунд̣̇араважано’’д̇и. галяаан̣ам̣ мад̇хурам̣ вааггаран̣ам̣ уд̣̇аахаарагхосо ассаад̇и галяаан̣авааггаран̣о. г̇ун̣абарибун̣н̣абхаавзна буурз бун̣н̣абхаавз бхаваад̇и борий, д̇ааяа борияаа. д̇знааха ‘‘г̇ун̣абарибун̣н̣ааяаа’’д̇и. бурз бхавад̇д̇аа борияаа нааг̇аригид̇т̇ияаа сукумаалад̇д̇анзна сад̣̇исаад̇и борий, д̇ааяа борияаа. ‘‘сукумаалад̇д̇анзнаа’’д̇и иминаа д̇ассаа ваажааяа муд̣̇усан̣хабхааво вуд̇д̇о. абалиб̣уд̣̇д̇хааяаад̇и бид̇д̇асзмхаад̣̇ийхи на баливзтид̇ааяа. ад̣̇осааяаад̇и санд̣̇ид̣̇д̇хавиламб̣ид̇аад̣̇ид̣̇осарахид̇ааяа аг̇ал̣ид̇абад̣̇аб̣яан̃ж̇анааяаад̇и абад̇ид̇абад̣̇аб̣яан̃ж̇анааяа авирахид̇абад̣̇аб̣яан̃ж̇анааяа. убхаяамзд̇ам̣ анзлаг̇алааяаад̇и имассзва ад̇т̇аважанам̣. анзлаг̇алааяаад̇и хи анзлааяа жзва аг̇алааяа жаад̇и ад̇т̇о. ад̇т̇ам̣ вин̃н̃аабзд̇ум̣ самад̇т̇ааяаад̇и аад̣̇имаж̇жхабарияосаанам̣ баагадам̣ гад̇ваа бхаасид̇ад̇т̇асса вин̃н̃аабанасад̇т̇ааяа. адтаманавамад̣̇асамаани уд̇д̇аанад̇т̇аанзва.
97-100. Sattame khippanisantīti khippapañño. Tenāha ‘‘khippanisāmano’’tiādi. Anurūpadhammanti lokuttarādhigamassa anucchavikasabhāvaṃ. Kalyāṇā sundarā parimaṇḍalapadabyañjanā vācā assāti kalyāṇavāco. Tenāha ‘‘sundaravacano’’ti. Kalyāṇaṃ madhuraṃ vākkaraṇaṃ udāhāraghoso assāti kalyāṇavākkaraṇo. Guṇaparipuṇṇabhāvena pūre puṇṇabhāve bhavāti porī, tāya poriyā. Tenāha ‘‘guṇaparipuṇṇāyā’’ti. Pure bhavattā poriyā nāgarikitthiyā sukhumālattanena sadisāti porī, tāya poriyā. ‘‘Sukhumālattanenā’’ti iminā tassā vācāya mudusaṇhabhāvo vutto. Apalibuddhāyāti pittasemhādīhi na paliveṭhitāya. Adosāyāti sandiddhavilambitādidosarahitāya agaḷitapadabyañjanāyāti apatitapadabyañjanāya avirahitapadabyañjanāya. Ubhayametaṃ anelagalāyāti imasseva atthavacanaṃ. Anelagalāyāti hi anelāya ceva agalāya cāti attho. Atthaṃ viññāpetuṃ samatthāyāti ādimajjhapariyosānaṃ pākaṭaṃ katvā bhāsitatthassa viññāpanasatthāya. Aṭṭhamanavamadasamāni uttānatthāneva.
киббанисанд̇исуд̇д̇аад̣̇иван̣н̣анаа нидтид̇аа.
Khippanisantisuttādivaṇṇanā niṭṭhitā.
асураваг̇г̇аван̣н̣анаа нидтид̇аа.
Asuravaggavaṇṇanā niṭṭhitā.
д̣̇уд̇ияабан̣н̣аасагам̣ нидтид̇ам̣.
Dutiyapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
7. киббанисанд̇исуд̇д̇ам̣ • 7. Khippanisantisuttaṃ
8. ад̇д̇ахид̇асуд̇д̇ам̣ • 8. Attahitasuttaṃ
9. сигкаабад̣̇асуд̇д̇ам̣ • 9. Sikkhāpadasuttaṃ
10. бод̇алияасуд̇д̇ам̣ • 10. Potaliyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
7. киббанисанд̇исуд̇д̇аван̣н̣анаа • 7. Khippanisantisuttavaṇṇanā
8. ад̇д̇ахид̇асуд̇д̇аван̣н̣анаа • 8. Attahitasuttavaṇṇanā
10. бод̇алияасуд̇д̇аван̣н̣анаа • 10. Potaliyasuttavaṇṇanā
