| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๗-๑๐. ขิปฺปนิสนฺติสุตฺตาทิวณฺณนา
7-10. Khippanisantisuttādivaṇṇanā
๙๗-๑๐๐. สตฺตเม ขิปฺปนิสนฺตีติ ขิปฺปปโญฺญฯ เตนาห ‘‘ขิปฺปนิสามโน’’ติอาทิฯ อนุรูปธมฺมนฺติ โลกุตฺตราธิคมสฺส อนุจฺฉวิกสภาวํฯ กลฺยาณา สุนฺทรา ปริมณฺฑลปทพฺยญฺชนา วาจา อสฺสาติ กลฺยาณวาโจฯ เตนาห ‘‘สุนฺทรวจโน’’ติฯ กลฺยาณํ มธุรํ วากฺกรณํ อุทาหารโฆโส อสฺสาติ กลฺยาณวากฺกรโณฯ คุณปริปุณฺณภาเวน ปูเร ปุณฺณภาเว ภวาติ โปรี, ตาย โปริยาฯ เตนาห ‘‘คุณปริปุณฺณายา’’ติฯ ปุเร ภวตฺตา โปริยา นาคริกิตฺถิยา สุขุมาลตฺตเนน สทิสาติ โปรี, ตาย โปริยาฯ ‘‘สุขุมาลตฺตเนนา’’ติ อิมินา ตสฺสา วาจาย มุทุสณฺหภาโว วุโตฺตฯ อปลิพุทฺธายาติ ปิตฺตเสมฺหาทีหิ น ปลิเวฐิตายฯ อโทสายาติ สนฺทิทฺธวิลมฺพิตาทิโทสรหิตาย อคฬิตปทพฺยญฺชนายาติ อปติตปทพฺยญฺชนาย อวิรหิตปทพฺยญฺชนายฯ อุภยเมตํ อเนลคลายาติ อิมเสฺสว อตฺถวจนํฯ อเนลคลายาติ หิ อเนลาย เจว อคลาย จาติ อโตฺถฯ อตฺถํ วิญฺญาเปตุํ สมตฺถายาติ อาทิมชฺฌปริโยสานํ ปากฎํ กตฺวา ภาสิตตฺถสฺส วิญฺญาปนสตฺถายฯ อฎฺฐมนวมทสมานิ อุตฺตานตฺถาเนวฯ
97-100. Sattame khippanisantīti khippapañño. Tenāha ‘‘khippanisāmano’’tiādi. Anurūpadhammanti lokuttarādhigamassa anucchavikasabhāvaṃ. Kalyāṇā sundarā parimaṇḍalapadabyañjanā vācā assāti kalyāṇavāco. Tenāha ‘‘sundaravacano’’ti. Kalyāṇaṃ madhuraṃ vākkaraṇaṃ udāhāraghoso assāti kalyāṇavākkaraṇo. Guṇaparipuṇṇabhāvena pūre puṇṇabhāve bhavāti porī, tāya poriyā. Tenāha ‘‘guṇaparipuṇṇāyā’’ti. Pure bhavattā poriyā nāgarikitthiyā sukhumālattanena sadisāti porī, tāya poriyā. ‘‘Sukhumālattanenā’’ti iminā tassā vācāya mudusaṇhabhāvo vutto. Apalibuddhāyāti pittasemhādīhi na paliveṭhitāya. Adosāyāti sandiddhavilambitādidosarahitāya agaḷitapadabyañjanāyāti apatitapadabyañjanāya avirahitapadabyañjanāya. Ubhayametaṃ anelagalāyāti imasseva atthavacanaṃ. Anelagalāyāti hi anelāya ceva agalāya cāti attho. Atthaṃ viññāpetuṃ samatthāyāti ādimajjhapariyosānaṃ pākaṭaṃ katvā bhāsitatthassa viññāpanasatthāya. Aṭṭhamanavamadasamāni uttānatthāneva.
ขิปฺปนิสนฺติสุตฺตาทิวณฺณนา นิฎฺฐิตาฯ
Khippanisantisuttādivaṇṇanā niṭṭhitā.
อสุรวคฺควณฺณนา นิฎฺฐิตาฯ
Asuravaggavaṇṇanā niṭṭhitā.
ทุติยปณฺณาสกํ นิฎฺฐิตํฯ
Dutiyapaṇṇāsakaṃ niṭṭhitaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๗. ขิปฺปนิสนฺติสุตฺตํ • 7. Khippanisantisuttaṃ
๘. อตฺตหิตสุตฺตํ • 8. Attahitasuttaṃ
๙. สิกฺขาปทสุตฺตํ • 9. Sikkhāpadasuttaṃ
๑๐. โปตลิยสุตฺตํ • 10. Potaliyasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๗. ขิปฺปนิสนฺติสุตฺตวณฺณนา • 7. Khippanisantisuttavaṇṇanā
๘. อตฺตหิตสุตฺตวณฺณนา • 8. Attahitasuttavaṇṇanā
๑๐. โปตลิยสุตฺตวณฺณนา • 10. Potaliyasuttavaṇṇanā
