| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༧-༡༠. ཁིཔྤནིསནྟིསུཏྟཱདིཝཎྞནཱ
7-10. Khippanisantisuttādivaṇṇanā
༩༧-༡༠༠. སཏྟམེ ཁིཔྤནིསནྟཱིཏི ཁིཔྤཔཉྙོ། ཏེནཱཧ ‘‘ཁིཔྤནིསཱམནོ’’ཏིཨཱདི། ཨནུརཱུཔདྷམྨནྟི ལོཀུཏྟརཱདྷིགམསྶ ཨནུཙྪཝིཀསབྷཱཝཾ། ཀལྱཱཎཱ སུནྡརཱ པརིམཎྜལཔདབྱཉྫནཱ ཝཱཙཱ ཨསྶཱཏི ཀལྱཱཎཝཱཙོ། ཏེནཱཧ ‘‘སུནྡརཝཙནོ’’ཏི། ཀལྱཱཎཾ མདྷུརཾ ཝཱཀྐརཎཾ ཨུདཱཧཱརགྷོསོ ཨསྶཱཏི ཀལྱཱཎཝཱཀྐརཎོ། གུཎཔརིཔུཎྞབྷཱཝེན པཱུརེ པུཎྞབྷཱཝེ བྷཝཱཏི པོརཱི, ཏཱཡ པོརིཡཱ། ཏེནཱཧ ‘‘གུཎཔརིཔུཎྞཱཡཱ’’ཏི། པུརེ བྷཝཏྟཱ པོརིཡཱ ནཱགརིཀིཏྠིཡཱ སུཁུམཱལཏྟནེན སདིསཱཏི པོརཱི, ཏཱཡ པོརིཡཱ། ‘‘སུཁུམཱལཏྟནེནཱ’’ཏི ཨིམིནཱ ཏསྶཱ ཝཱཙཱཡ མུདུསཎྷབྷཱཝོ ཝུཏྟོ། ཨཔལིབུདྡྷཱཡཱཏི པིཏྟསེམྷཱདཱིཧི ན པལིཝེཋིཏཱཡ། ཨདོསཱཡཱཏི སནྡིདྡྷཝིལམྦིཏཱདིདོསརཧིཏཱཡ ཨགལི༹ཏཔདབྱཉྫནཱཡཱཏི ཨཔཏིཏཔདབྱཉྫནཱཡ ཨཝིརཧིཏཔདབྱཉྫནཱཡ། ཨུབྷཡམེཏཾ ཨནེལགལཱཡཱཏི ཨིམསྶེཝ ཨཏྠཝཙནཾ། ཨནེལགལཱཡཱཏི ཧི ཨནེལཱཡ ཙེཝ ཨགལཱཡ ཙཱཏི ཨཏྠོ། ཨཏྠཾ ཝིཉྙཱཔེཏུཾ སམཏྠཱཡཱཏི ཨཱདིམཛ྄ཛྷཔརིཡོསཱནཾ པཱཀཊཾ ཀཏྭཱ བྷཱསིཏཏྠསྶ ཝིཉྙཱཔནསཏྠཱཡ། ཨཊྛམནཝམདསམཱནི ཨུཏྟཱནཏྠཱནེཝ།
97-100. Sattame khippanisantīti khippapañño. Tenāha ‘‘khippanisāmano’’tiādi. Anurūpadhammanti lokuttarādhigamassa anucchavikasabhāvaṃ. Kalyāṇā sundarā parimaṇḍalapadabyañjanā vācā assāti kalyāṇavāco. Tenāha ‘‘sundaravacano’’ti. Kalyāṇaṃ madhuraṃ vākkaraṇaṃ udāhāraghoso assāti kalyāṇavākkaraṇo. Guṇaparipuṇṇabhāvena pūre puṇṇabhāve bhavāti porī, tāya poriyā. Tenāha ‘‘guṇaparipuṇṇāyā’’ti. Pure bhavattā poriyā nāgarikitthiyā sukhumālattanena sadisāti porī, tāya poriyā. ‘‘Sukhumālattanenā’’ti iminā tassā vācāya mudusaṇhabhāvo vutto. Apalibuddhāyāti pittasemhādīhi na paliveṭhitāya. Adosāyāti sandiddhavilambitādidosarahitāya agaḷitapadabyañjanāyāti apatitapadabyañjanāya avirahitapadabyañjanāya. Ubhayametaṃ anelagalāyāti imasseva atthavacanaṃ. Anelagalāyāti hi anelāya ceva agalāya cāti attho. Atthaṃ viññāpetuṃ samatthāyāti ādimajjhapariyosānaṃ pākaṭaṃ katvā bhāsitatthassa viññāpanasatthāya. Aṭṭhamanavamadasamāni uttānatthāneva.
ཁིཔྤནིསནྟིསུཏྟཱདིཝཎྞནཱ ནིཊྛིཏཱ།
Khippanisantisuttādivaṇṇanā niṭṭhitā.
ཨསུརཝགྒཝཎྞནཱ ནིཊྛིཏཱ།
Asuravaggavaṇṇanā niṭṭhitā.
དུཏིཡཔཎྞཱསཀཾ ནིཊྛིཏཾ།
Dutiyapaṇṇāsakaṃ niṭṭhitaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya
༧. ཁིཔྤནིསནྟིསུཏྟཾ • 7. Khippanisantisuttaṃ
༨. ཨཏྟཧིཏསུཏྟཾ • 8. Attahitasuttaṃ
༩. སིཀྑཱཔདསུཏྟཾ • 9. Sikkhāpadasuttaṃ
༡༠. པོཏལིཡསུཏྟཾ • 10. Potaliyasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā)
༧. ཁིཔྤནིསནྟིསུཏྟཝཎྞནཱ • 7. Khippanisantisuttavaṇṇanā
༨. ཨཏྟཧིཏསུཏྟཝཎྞནཱ • 8. Attahitasuttavaṇṇanā
༡༠. པོཏལིཡསུཏྟཝཎྞནཱ • 10. Potaliyasuttavaṇṇanā
