| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭-੧੦. ਖਿਪ੍ਪਨਿਸਨ੍ਤਿਸੁਤ੍ਤਾਦਿવਣ੍ਣਨਾ
7-10. Khippanisantisuttādivaṇṇanā
੯੭-੧੦੦. ਸਤ੍ਤਮੇ ਖਿਪ੍ਪਨਿਸਨ੍ਤੀਤਿ ਖਿਪ੍ਪਪਞ੍ਞੋ। ਤੇਨਾਹ ‘‘ਖਿਪ੍ਪਨਿਸਾਮਨੋ’’ਤਿਆਦਿ। ਅਨੁਰੂਪਧਮ੍ਮਨ੍ਤਿ ਲੋਕੁਤ੍ਤਰਾਧਿਗਮਸ੍ਸ ਅਨੁਚ੍ਛવਿਕਸਭਾવਂ। ਕਲ੍ਯਾਣਾ ਸੁਨ੍ਦਰਾ ਪਰਿਮਣ੍ਡਲਪਦਬ੍ਯਞ੍ਜਨਾ વਾਚਾ ਅਸ੍ਸਾਤਿ ਕਲ੍ਯਾਣવਾਚੋ। ਤੇਨਾਹ ‘‘ਸੁਨ੍ਦਰવਚਨੋ’’ਤਿ। ਕਲ੍ਯਾਣਂ ਮਧੁਰਂ વਾਕ੍ਕਰਣਂ ਉਦਾਹਾਰਘੋਸੋ ਅਸ੍ਸਾਤਿ ਕਲ੍ਯਾਣવਾਕ੍ਕਰਣੋ। ਗੁਣਪਰਿਪੁਣ੍ਣਭਾવੇਨ ਪੂਰੇ ਪੁਣ੍ਣਭਾવੇ ਭવਾਤਿ ਪੋਰੀ, ਤਾਯ ਪੋਰਿਯਾ। ਤੇਨਾਹ ‘‘ਗੁਣਪਰਿਪੁਣ੍ਣਾਯਾ’’ਤਿ। ਪੁਰੇ ਭવਤ੍ਤਾ ਪੋਰਿਯਾ ਨਾਗਰਿਕਿਤ੍ਥਿਯਾ ਸੁਖੁਮਾਲਤ੍ਤਨੇਨ ਸਦਿਸਾਤਿ ਪੋਰੀ, ਤਾਯ ਪੋਰਿਯਾ। ‘‘ਸੁਖੁਮਾਲਤ੍ਤਨੇਨਾ’’ਤਿ ਇਮਿਨਾ ਤਸ੍ਸਾ વਾਚਾਯ ਮੁਦੁਸਣ੍ਹਭਾવੋ વੁਤ੍ਤੋ। ਅਪਲਿਬੁਦ੍ਧਾਯਾਤਿ ਪਿਤ੍ਤਸੇਮ੍ਹਾਦੀਹਿ ਨ ਪਲਿવੇਠਿਤਾਯ। ਅਦੋਸਾਯਾਤਿ ਸਨ੍ਦਿਦ੍ਧવਿਲਮ੍ਬਿਤਾਦਿਦੋਸਰਹਿਤਾਯ ਅਗਲ਼ਿਤਪਦਬ੍ਯਞ੍ਜਨਾਯਾਤਿ ਅਪਤਿਤਪਦਬ੍ਯਞ੍ਜਨਾਯ ਅવਿਰਹਿਤਪਦਬ੍ਯਞ੍ਜਨਾਯ। ਉਭਯਮੇਤਂ ਅਨੇਲਗਲਾਯਾਤਿ ਇਮਸ੍ਸੇવ ਅਤ੍ਥવਚਨਂ। ਅਨੇਲਗਲਾਯਾਤਿ ਹਿ ਅਨੇਲਾਯ ਚੇવ ਅਗਲਾਯ ਚਾਤਿ ਅਤ੍ਥੋ। ਅਤ੍ਥਂ વਿਞ੍ਞਾਪੇਤੁਂ ਸਮਤ੍ਥਾਯਾਤਿ ਆਦਿਮਜ੍ਝਪਰਿਯੋਸਾਨਂ ਪਾਕਟਂ ਕਤ੍વਾ ਭਾਸਿਤਤ੍ਥਸ੍ਸ વਿਞ੍ਞਾਪਨਸਤ੍ਥਾਯ। ਅਟ੍ਠਮਨવਮਦਸਮਾਨਿ ਉਤ੍ਤਾਨਤ੍ਥਾਨੇવ।
97-100. Sattame khippanisantīti khippapañño. Tenāha ‘‘khippanisāmano’’tiādi. Anurūpadhammanti lokuttarādhigamassa anucchavikasabhāvaṃ. Kalyāṇā sundarā parimaṇḍalapadabyañjanā vācā assāti kalyāṇavāco. Tenāha ‘‘sundaravacano’’ti. Kalyāṇaṃ madhuraṃ vākkaraṇaṃ udāhāraghoso assāti kalyāṇavākkaraṇo. Guṇaparipuṇṇabhāvena pūre puṇṇabhāve bhavāti porī, tāya poriyā. Tenāha ‘‘guṇaparipuṇṇāyā’’ti. Pure bhavattā poriyā nāgarikitthiyā sukhumālattanena sadisāti porī, tāya poriyā. ‘‘Sukhumālattanenā’’ti iminā tassā vācāya mudusaṇhabhāvo vutto. Apalibuddhāyāti pittasemhādīhi na paliveṭhitāya. Adosāyāti sandiddhavilambitādidosarahitāya agaḷitapadabyañjanāyāti apatitapadabyañjanāya avirahitapadabyañjanāya. Ubhayametaṃ anelagalāyāti imasseva atthavacanaṃ. Anelagalāyāti hi anelāya ceva agalāya cāti attho. Atthaṃ viññāpetuṃ samatthāyāti ādimajjhapariyosānaṃ pākaṭaṃ katvā bhāsitatthassa viññāpanasatthāya. Aṭṭhamanavamadasamāni uttānatthāneva.
ਖਿਪ੍ਪਨਿਸਨ੍ਤਿਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Khippanisantisuttādivaṇṇanā niṭṭhitā.
ਅਸੁਰવਗ੍ਗવਣ੍ਣਨਾ ਨਿਟ੍ਠਿਤਾ।
Asuravaggavaṇṇanā niṭṭhitā.
ਦੁਤਿਯਪਣ੍ਣਾਸਕਂ ਨਿਟ੍ਠਿਤਂ।
Dutiyapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੭. ਖਿਪ੍ਪਨਿਸਨ੍ਤਿਸੁਤ੍ਤਂ • 7. Khippanisantisuttaṃ
੮. ਅਤ੍ਤਹਿਤਸੁਤ੍ਤਂ • 8. Attahitasuttaṃ
੯. ਸਿਕ੍ਖਾਪਦਸੁਤ੍ਤਂ • 9. Sikkhāpadasuttaṃ
੧੦. ਪੋਤਲਿਯਸੁਤ੍ਤਂ • 10. Potaliyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੭. ਖਿਪ੍ਪਨਿਸਨ੍ਤਿਸੁਤ੍ਤવਣ੍ਣਨਾ • 7. Khippanisantisuttavaṇṇanā
੮. ਅਤ੍ਤਹਿਤਸੁਤ੍ਤવਣ੍ਣਨਾ • 8. Attahitasuttavaṇṇanā
੧੦. ਪੋਤਲਿਯਸੁਤ੍ਤવਣ੍ਣਨਾ • 10. Potaliyasuttavaṇṇanā
