| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. киббанисанд̇исуд̇д̇ам̣
9. Khippanisantisuttaṃ
169. ат̇а ко ааяасмаа аананд̣̇о язнааяасмаа саарибуд̇д̇о д̇знубасан̇гами; убасан̇гамид̇ваа ааяасмад̇аа саарибуд̇д̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ 1 вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о ааяасманд̇ам̣ саарибуд̇д̇ам̣ зд̇ад̣̇авожа –
169. Atha kho āyasmā ānando yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ 2 vītisāretvā ekamantaṃ nisīdi. Ekamantaṃ nisinno kho āyasmā ānando āyasmantaṃ sāriputtaṃ etadavoca –
‘‘гид̇д̇аавад̇аа ну ко, аавусо саарибуд̇д̇а, бхигку киббанисанд̇и жа ход̇и, гусалзсу д̇хаммзсу суг̇г̇ахид̇аг̇г̇аахий жа, б̣ахун̃жа г̇ан̣хаад̇и, г̇ахид̇ан̃жасса наббамуссад̇ий’’д̇и? ‘‘ааяасмаа ко аананд̣̇о б̣ахуссуд̇о. бадибхаад̇у ааяасманд̇ам̣язва аананд̣̇а’’нд̇и. ‘‘д̇знахаавусо саарибуд̇д̇а, сун̣аахи, саад̇хугам̣ манаси гарохи; бхаасиссаамий’’д̇и. ‘‘звамаавусо’’д̇и ко ааяасмаа саарибуд̇д̇о ааяасмад̇о аананд̣̇асса бажжассоси. ааяасмаа аананд̣̇о зд̇ад̣̇авожа –
‘‘Kittāvatā nu kho, āvuso sāriputta, bhikkhu khippanisanti ca hoti, kusalesu dhammesu suggahitaggāhī ca, bahuñca gaṇhāti, gahitañcassa nappamussatī’’ti? ‘‘Āyasmā kho ānando bahussuto. Paṭibhātu āyasmantaṃyeva ānanda’’nti. ‘‘Tenahāvuso sāriputta, suṇāhi, sādhukaṃ manasi karohi; bhāsissāmī’’ti. ‘‘Evamāvuso’’ti kho āyasmā sāriputto āyasmato ānandassa paccassosi. Āyasmā ānando etadavoca –
‘‘ид̇хаавусо саарибуд̇д̇а, бхигку ад̇т̇агусало жа ход̇и, д̇хаммагусало жа, б̣яан̃ж̇анагусало жа , нируд̇д̇игусало жа, буб̣б̣аабарагусало жа. зд̇д̇аавад̇аа ко , аавусо саарибуд̇д̇а, бхигку киббанисанд̇и жа ход̇и гусалзсу д̇хаммзсу, суг̇г̇ахид̇аг̇г̇аахий жа, б̣ахун̃жа г̇ан̣хаад̇и, г̇ахид̇ан̃жасса наббамуссад̇ий’’д̇и. ‘‘ажчарияам̣, аавусо! аб̣бхуд̇ам̣, аавусо!! яаава субхаасид̇ам̣ жид̣̇ам̣ ааяасмад̇аа аананд̣̇зна. имзхи жа маяам̣ бан̃жахи д̇хаммзхи саманнааг̇ад̇ам̣ ааяасманд̇ам̣ аананд̣̇ам̣ д̇хаарзма – ‘ааяасмаа аананд̣̇о ад̇т̇агусало д̇хаммагусало б̣яан̃ж̇анагусало нируд̇д̇игусало буб̣б̣аабарагусало’’’д̇и. навамам̣.
‘‘Idhāvuso sāriputta, bhikkhu atthakusalo ca hoti, dhammakusalo ca, byañjanakusalo ca , niruttikusalo ca, pubbāparakusalo ca. Ettāvatā kho , āvuso sāriputta, bhikkhu khippanisanti ca hoti kusalesu dhammesu, suggahitaggāhī ca, bahuñca gaṇhāti, gahitañcassa nappamussatī’’ti. ‘‘Acchariyaṃ, āvuso! Abbhutaṃ, āvuso!! Yāva subhāsitaṃ cidaṃ āyasmatā ānandena. Imehi ca mayaṃ pañcahi dhammehi samannāgataṃ āyasmantaṃ ānandaṃ dhārema – ‘āyasmā ānando atthakusalo dhammakusalo byañjanakusalo niruttikusalo pubbāparakusalo’’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. киббанисанд̇исуд̇д̇аван̣н̣анаа • 9. Khippanisantisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-9. жод̣̇анаасуд̇д̇аад̣̇иван̣н̣анаа • 7-9. Codanāsuttādivaṇṇanā
