| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. கி²ப்பனிஸந்திஸுத்தவண்ணனா
7. Khippanisantisuttavaṇṇanā
97. ஸத்தமே கி²ப்பனிஸந்தீதி கி²ப்பனிஸாமனோ ஸீக⁴ங் ஜானிதுங் ஸமத்தோ². ஸுதானஞ்ச த⁴ம்மானந்தி ஸுதப்பகு³ணானங் தந்தித⁴ம்மானங். அத்தூ²பபரிக்கீ²தி அத்த²ங் உபபரிக்க²கோ. அத்த²மஞ்ஞாய த⁴ம்மமஞ்ஞாயாதி அட்ட²கத²ஞ்ச பாளிஞ்ச ஜானித்வா. த⁴ம்மானுத⁴ம்மப்படிபன்னோ ஹோதீதி நவலோகுத்தரத⁴ம்மானங் அனுரூபத⁴ம்மபூ⁴தங் ஸஸீலகங் புப்³ப³பா⁴க³ப்படிபத³ங் படிபன்னோ ஹோதி. நோ ச கல்யாணவாசோதி ந ஸுந்த³ரவசனோ. ந கல்யாணவாக்கரணோதி ந ஸுந்த³ரவசனகோ⁴ஸோ ஹோதி. போரியாதிஆதீ³ஹி ஸத்³தி⁴ங் நோ-காரோ யோஜேதப்³போ³யேவ. கு³ணபரிபுண்ணாய அபலிபு³த்³தா⁴ய அதோ³ஸாய அக³ளிதபத³ப்³யஞ்ஜனாய அத்த²ங் விஞ்ஞாபேதுங் ஸமத்தா²ய வாசாய ஸமன்னாக³தோ ந ஹோதீதி அத்தோ². இமினா உபாயேன ஸப்³ப³த்த² அத்தோ² வேதி³தப்³போ³.
97. Sattame khippanisantīti khippanisāmano sīghaṃ jānituṃ samattho. Sutānañca dhammānanti sutappaguṇānaṃ tantidhammānaṃ. Atthūpaparikkhīti atthaṃ upaparikkhako. Atthamaññāya dhammamaññāyāti aṭṭhakathañca pāḷiñca jānitvā. Dhammānudhammappaṭipanno hotīti navalokuttaradhammānaṃ anurūpadhammabhūtaṃ sasīlakaṃ pubbabhāgappaṭipadaṃ paṭipanno hoti. No ca kalyāṇavācoti na sundaravacano. Na kalyāṇavākkaraṇoti na sundaravacanaghoso hoti. Poriyātiādīhi saddhiṃ no-kāro yojetabboyeva. Guṇaparipuṇṇāya apalibuddhāya adosāya agaḷitapadabyañjanāya atthaṃ viññāpetuṃ samatthāya vācāya samannāgato na hotīti attho. Iminā upāyena sabbattha attho veditabbo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. கி²ப்பனிஸந்திஸுத்தங் • 7. Khippanisantisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7-10. கி²ப்பனிஸந்திஸுத்தாதி³வண்ணனா • 7-10. Khippanisantisuttādivaṇṇanā
