| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. киббанисанд̇исуд̇д̇аван̣н̣анаа
9. Khippanisantisuttavaṇṇanā
169. навамз киббам̣ нисаамаяад̇и убад̇хаарзд̇ийд̇и киббанисанд̇и. суг̇г̇ахид̇ам̣ гад̇ваа г̇ан̣хаад̇ийд̇и суг̇г̇ахид̇аг̇г̇аахий. ад̇т̇агусалод̇и адтагат̇ааяа чзго. д̇хаммагусалод̇и баал̣ияам̣ чзго. нируд̇д̇игусалод̇и нируд̇д̇иважанзсу чзго. б̣яан̃ж̇анагусалод̇и агкараббабхзд̣̇з чзго. буб̣б̣аабарагусалод̇и ад̇т̇абуб̣б̣аабарам̣, д̇хаммабуб̣б̣аабарам̣, агкарабуб̣б̣аабарам̣, б̣яан̃ж̇анабуб̣б̣аабарам̣, анусанд̇хибуб̣б̣аабаранд̇и имасмим̣ бан̃жавид̇хз буб̣б̣аабарз чзго. д̇ад̇т̇а ад̇т̇абуб̣б̣аабарагусалод̇и хздтаа ад̇т̇зна убари ад̇т̇ам̣ ж̇аанаад̇и, убари ад̇т̇зна хздтаа ад̇т̇ам̣ ж̇аанаад̇и. гат̇ам̣? со хи хздтаа ад̇т̇ам̣ табзд̇ваа убари ад̇т̇з вуд̇д̇з ‘‘хздтаа ад̇т̇о ад̇т̇ий’’д̇и ж̇аанаад̇и. убари ад̇т̇ам̣ табзд̇ваа хздтаа ад̇т̇з вуд̇д̇зби ‘‘убари ад̇т̇о ад̇т̇ий’’д̇и ж̇аанаад̇и. убхад̇о табзд̇ваа маж̇жхз ад̇т̇з вуд̇д̇з ‘‘убхад̇о ад̇т̇о ад̇т̇ий’’д̇и ж̇аанаад̇и. маж̇жхз ад̇т̇ам̣ табзд̇ваа убхад̇обхааг̇зсу ад̇т̇з вуд̇д̇з ‘‘маж̇жхз ад̇т̇о ад̇т̇ий’’д̇и ж̇аанаад̇и. д̇хаммабуб̣б̣аабараад̣̇ийсуби зсзва наяо. анусанд̇хибуб̣б̣аабарз бана сийлам̣ аад̣̇им̣ гад̇ваа аарад̣̇д̇хз суд̇д̇анд̇з мад̇т̇агз часу абхин̃н̃аасу ааг̇ад̇аасу ‘‘яат̇аанусанд̇хим̣ яат̇аанубарижчзд̣̇ам̣ суд̇д̇анд̇о г̇ад̇о’’д̇и ж̇аанаад̇и. д̣̇идтивасзна аарад̣̇д̇хз убари сажжзсу ааг̇ад̇зсуби ‘‘яат̇аанусанд̇хинаа г̇ад̇о’’д̇и ж̇аанаад̇и. галахабхан̣д̣анавасзна аарад̣̇д̇хз убари сааран̣ийяад̇хаммзсу ааг̇ад̇зсуби, д̣̇вад̇д̇им̣сад̇иражчаанагат̇аавасзна аарад̣̇д̇хз убари д̣̇асагат̇аавад̇т̇уусу (а. ни. 10.69; уд̣̇аа.31) ааг̇ад̇зсуби ‘‘яат̇аанусанд̇хинаа г̇ад̇о’’д̇и ж̇аанаад̇ийд̇и.
169. Navame khippaṃ nisāmayati upadhāretīti khippanisanti. Suggahitaṃ katvā gaṇhātīti suggahitaggāhī. Atthakusaloti aṭṭhakathāya cheko. Dhammakusaloti pāḷiyaṃ cheko. Niruttikusaloti niruttivacanesu cheko. Byañjanakusaloti akkharappabhede cheko. Pubbāparakusaloti atthapubbāparaṃ, dhammapubbāparaṃ, akkharapubbāparaṃ, byañjanapubbāparaṃ, anusandhipubbāparanti imasmiṃ pañcavidhe pubbāpare cheko. Tattha atthapubbāparakusaloti heṭṭhā atthena upari atthaṃ jānāti, upari atthena heṭṭhā atthaṃ jānāti. Kathaṃ? So hi heṭṭhā atthaṃ ṭhapetvā upari atthe vutte ‘‘heṭṭhā attho atthī’’ti jānāti. Upari atthaṃ ṭhapetvā heṭṭhā atthe vuttepi ‘‘upari attho atthī’’ti jānāti. Ubhato ṭhapetvā majjhe atthe vutte ‘‘ubhato attho atthī’’ti jānāti. Majjhe atthaṃ ṭhapetvā ubhatobhāgesu atthe vutte ‘‘majjhe attho atthī’’ti jānāti. Dhammapubbāparādīsupi eseva nayo. Anusandhipubbāpare pana sīlaṃ ādiṃ katvā āraddhe suttante matthake chasu abhiññāsu āgatāsu ‘‘yathānusandhiṃ yathānuparicchedaṃ suttanto gato’’ti jānāti. Diṭṭhivasena āraddhe upari saccesu āgatesupi ‘‘yathānusandhinā gato’’ti jānāti. Kalahabhaṇḍanavasena āraddhe upari sāraṇīyadhammesu āgatesupi, dvattiṃsatiracchānakathāvasena āraddhe upari dasakathāvatthūsu (a. ni. 10.69; udā.31) āgatesupi ‘‘yathānusandhinā gato’’ti jānātīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. киббанисанд̇исуд̇д̇ам̣ • 9. Khippanisantisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-9. жод̣̇анаасуд̇д̇аад̣̇иван̣н̣анаа • 7-9. Codanāsuttādivaṇṇanā
