| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༧. ཁིཔྤནིསནྟིསུཏྟཝཎྞནཱ
7. Khippanisantisuttavaṇṇanā
༩༧. སཏྟམེ ཁིཔྤནིསནྟཱིཏི ཁིཔྤནིསཱམནོ སཱིགྷཾ ཛཱནིཏུཾ སམཏྠོ། སུཏཱནཉྩ དྷམྨཱནནྟི སུཏཔྤགུཎཱནཾ ཏནྟིདྷམྨཱནཾ། ཨཏྠཱུཔཔརིཀྑཱིཏི ཨཏྠཾ ཨུཔཔརིཀྑཀོ། ཨཏྠམཉྙཱཡ དྷམྨམཉྙཱཡཱཏི ཨཊྛཀཐཉྩ པཱལི༹ཉྩ ཛཱནིཏྭཱ། དྷམྨཱནུདྷམྨཔྤཊིཔནྣོ ཧོཏཱིཏི ནཝལོཀུཏྟརདྷམྨཱནཾ ཨནུརཱུཔདྷམྨབྷཱུཏཾ སསཱིལཀཾ པུབྦབྷཱགཔྤཊིཔདཾ པཊིཔནྣོ ཧོཏི། ནོ ཙ ཀལྱཱཎཝཱཙོཏི ན སུནྡརཝཙནོ། ན ཀལྱཱཎཝཱཀྐརཎོཏི ན སུནྡརཝཙནགྷོསོ ཧོཏི། པོརིཡཱཏིཨཱདཱིཧི སདྡྷིཾ ནོ-ཀཱརོ ཡོཛེཏབྦོཡེཝ། གུཎཔརིཔུཎྞཱཡ ཨཔལིབུདྡྷཱཡ ཨདོསཱཡ ཨགལི༹ཏཔདབྱཉྫནཱཡ ཨཏྠཾ ཝིཉྙཱཔེཏུཾ སམཏྠཱཡ ཝཱཙཱཡ སམནྣཱགཏོ ན ཧོཏཱིཏི ཨཏྠོ། ཨིམིནཱ ཨུཔཱཡེན སབྦཏྠ ཨཏྠོ ཝེདིཏབྦོ།
97. Sattame khippanisantīti khippanisāmano sīghaṃ jānituṃ samattho. Sutānañca dhammānanti sutappaguṇānaṃ tantidhammānaṃ. Atthūpaparikkhīti atthaṃ upaparikkhako. Atthamaññāya dhammamaññāyāti aṭṭhakathañca pāḷiñca jānitvā. Dhammānudhammappaṭipanno hotīti navalokuttaradhammānaṃ anurūpadhammabhūtaṃ sasīlakaṃ pubbabhāgappaṭipadaṃ paṭipanno hoti. No ca kalyāṇavācoti na sundaravacano. Na kalyāṇavākkaraṇoti na sundaravacanaghoso hoti. Poriyātiādīhi saddhiṃ no-kāro yojetabboyeva. Guṇaparipuṇṇāya apalibuddhāya adosāya agaḷitapadabyañjanāya atthaṃ viññāpetuṃ samatthāya vācāya samannāgato na hotīti attho. Iminā upāyena sabbattha attho veditabbo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༧. ཁིཔྤནིསནྟིསུཏྟཾ • 7. Khippanisantisuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༧-༡༠. ཁིཔྤནིསནྟིསུཏྟཱདིཝཎྞནཱ • 7-10. Khippanisantisuttādivaṇṇanā
