| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਖਿਪ੍ਪਨਿਸਨ੍ਤਿਸੁਤ੍ਤવਣ੍ਣਨਾ
7. Khippanisantisuttavaṇṇanā
੯੭. ਸਤ੍ਤਮੇ ਖਿਪ੍ਪਨਿਸਨ੍ਤੀਤਿ ਖਿਪ੍ਪਨਿਸਾਮਨੋ ਸੀਘਂ ਜਾਨਿਤੁਂ ਸਮਤ੍ਥੋ। ਸੁਤਾਨਞ੍ਚ ਧਮ੍ਮਾਨਨ੍ਤਿ ਸੁਤਪ੍ਪਗੁਣਾਨਂ ਤਨ੍ਤਿਧਮ੍ਮਾਨਂ। ਅਤ੍ਥੂਪਪਰਿਕ੍ਖੀਤਿ ਅਤ੍ਥਂ ਉਪਪਰਿਕ੍ਖਕੋ। ਅਤ੍ਥਮਞ੍ਞਾਯ ਧਮ੍ਮਮਞ੍ਞਾਯਾਤਿ ਅਟ੍ਠਕਥਞ੍ਚ ਪਾਲ਼ਿਞ੍ਚ ਜਾਨਿਤ੍વਾ। ਧਮ੍ਮਾਨੁਧਮ੍ਮਪ੍ਪਟਿਪਨ੍ਨੋ ਹੋਤੀਤਿ ਨવਲੋਕੁਤ੍ਤਰਧਮ੍ਮਾਨਂ ਅਨੁਰੂਪਧਮ੍ਮਭੂਤਂ ਸਸੀਲਕਂ ਪੁਬ੍ਬਭਾਗਪ੍ਪਟਿਪਦਂ ਪਟਿਪਨ੍ਨੋ ਹੋਤਿ। ਨੋ ਚ ਕਲ੍ਯਾਣવਾਚੋਤਿ ਨ ਸੁਨ੍ਦਰવਚਨੋ। ਨ ਕਲ੍ਯਾਣવਾਕ੍ਕਰਣੋਤਿ ਨ ਸੁਨ੍ਦਰવਚਨਘੋਸੋ ਹੋਤਿ। ਪੋਰਿਯਾਤਿਆਦੀਹਿ ਸਦ੍ਧਿਂ ਨੋ-ਕਾਰੋ ਯੋਜੇਤਬ੍ਬੋਯੇવ। ਗੁਣਪਰਿਪੁਣ੍ਣਾਯ ਅਪਲਿਬੁਦ੍ਧਾਯ ਅਦੋਸਾਯ ਅਗਲ਼ਿਤਪਦਬ੍ਯਞ੍ਜਨਾਯ ਅਤ੍ਥਂ વਿਞ੍ਞਾਪੇਤੁਂ ਸਮਤ੍ਥਾਯ વਾਚਾਯ ਸਮਨ੍ਨਾਗਤੋ ਨ ਹੋਤੀਤਿ ਅਤ੍ਥੋ। ਇਮਿਨਾ ਉਪਾਯੇਨ ਸਬ੍ਬਤ੍ਥ ਅਤ੍ਥੋ વੇਦਿਤਬ੍ਬੋ।
97. Sattame khippanisantīti khippanisāmano sīghaṃ jānituṃ samattho. Sutānañca dhammānanti sutappaguṇānaṃ tantidhammānaṃ. Atthūpaparikkhīti atthaṃ upaparikkhako. Atthamaññāya dhammamaññāyāti aṭṭhakathañca pāḷiñca jānitvā. Dhammānudhammappaṭipanno hotīti navalokuttaradhammānaṃ anurūpadhammabhūtaṃ sasīlakaṃ pubbabhāgappaṭipadaṃ paṭipanno hoti. No ca kalyāṇavācoti na sundaravacano. Na kalyāṇavākkaraṇoti na sundaravacanaghoso hoti. Poriyātiādīhi saddhiṃ no-kāro yojetabboyeva. Guṇaparipuṇṇāya apalibuddhāya adosāya agaḷitapadabyañjanāya atthaṃ viññāpetuṃ samatthāya vācāya samannāgato na hotīti attho. Iminā upāyena sabbattha attho veditabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਖਿਪ੍ਪਨਿਸਨ੍ਤਿਸੁਤ੍ਤਂ • 7. Khippanisantisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੧੦. ਖਿਪ੍ਪਨਿਸਨ੍ਤਿਸੁਤ੍ਤਾਦਿવਣ੍ਣਨਾ • 7-10. Khippanisantisuttādivaṇṇanā
