| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
४-६. खीररुक्खोपमसुत्तादिवण्णना
4-6. Khīrarukkhopamasuttādivaṇṇanā
२३१-२३३. चतुत्थे अप्पहीनट्ठेन अत्थि, तेनेवाह सो अप्पहीनोति। परित्ताति, पब्बतमत्तम्पि रूपं अनिट्ठं अरजनीयं परित्तं नाम होति, एवरूपापिस्स रूपा चित्तं परियादियन्तीति दस्सेति। को पन वादो अधिमत्तानन्ति इट्ठारम्मणं पनस्स रजनीयं वत्थु चित्तं परियादियतीति एत्थ का कथा? एत्थ च नखपिट्ठिपमाणम्पि मणिमुत्तादि रजनीयं वत्थु अधिमत्तारम्मणमेवाति वेदितब्बं। दहरोतिआदीनि तीणिपि अञ्ञमञ्ञवेवचनानेव। आभिन्देय्याति पहरेय्य पदालेय्य वा। पञ्चमे तदुभयन्ति तं उभयं। छट्ठं उत्तानमेव।
231-233. Catutthe appahīnaṭṭhena atthi, tenevāha so appahīnoti. Parittāti, pabbatamattampi rūpaṃ aniṭṭhaṃ arajanīyaṃ parittaṃ nāma hoti, evarūpāpissa rūpā cittaṃ pariyādiyantīti dasseti. Ko pana vādo adhimattānanti iṭṭhārammaṇaṃ panassa rajanīyaṃ vatthu cittaṃ pariyādiyatīti ettha kā kathā? Ettha ca nakhapiṭṭhipamāṇampi maṇimuttādi rajanīyaṃ vatthu adhimattārammaṇamevāti veditabbaṃ. Daharotiādīni tīṇipi aññamaññavevacanāneva. Ābhindeyyāti pahareyya padāleyya vā. Pañcame tadubhayanti taṃ ubhayaṃ. Chaṭṭhaṃ uttānameva.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya
४. खीररुक्खोपमसुत्तं • 4. Khīrarukkhopamasuttaṃ
५. कोट्ठिकसुत्तं • 5. Koṭṭhikasuttaṃ
६. कामभूसुत्तं • 6. Kāmabhūsuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ४-६. खीररुक्खोपमसुत्तादिवण्णना • 4-6. Khīrarukkhopamasuttādivaṇṇanā
