| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౪-౬. ఖీరరుక్ఖోపమసుత్తాదివణ్ణనా
4-6. Khīrarukkhopamasuttādivaṇṇanā
౨౩౧-౨౩౩. అప్పహీనట్ఠేనాతి మగ్గేన అసముగ్ఘాటితభావేన. అత్థీతి విజ్జతి. సతి పచ్చయే విజ్జమానకిచ్చకరణతో పరియుట్ఠానం అప్పకం మూసికావిసం వియ పరిత్తం నామ హోతి అప్పానుభావత్తా. ఏవరూపాపీతి అప్పకాపి. అస్సాతి అప్పహీనకిలేసస్స. అధిమత్తానన్తి ఇట్ఠానం రజనీయానం, వత్థువసేన పరిత్తకమ్పి ఇట్ఠారమ్మణం అధిమత్తమేవ. తేనాహ ‘‘నఖపిట్ఠిప్పమాణమ్పీ’’తిఆది. దహరోతిఆదీని తీణిపి పదాని. ఆభిన్దేయ్యాతి భిన్దేయ్య. తం ఉభయన్తి తం చక్ఖురూపన్తి ఉభయమ్పి ఆయతనం.
231-233.Appahīnaṭṭhenāti maggena asamugghāṭitabhāvena. Atthīti vijjati. Sati paccaye vijjamānakiccakaraṇato pariyuṭṭhānaṃ appakaṃ mūsikāvisaṃ viya parittaṃ nāma hoti appānubhāvattā. Evarūpāpīti appakāpi. Assāti appahīnakilesassa. Adhimattānanti iṭṭhānaṃ rajanīyānaṃ, vatthuvasena parittakampi iṭṭhārammaṇaṃ adhimattameva. Tenāha ‘‘nakhapiṭṭhippamāṇampī’’tiādi. Daharotiādīni tīṇipi padāni. Ābhindeyyāti bhindeyya. Taṃ ubhayanti taṃ cakkhurūpanti ubhayampi āyatanaṃ.
ఖీరరుక్ఖోపమసుత్తాదివణ్ణనా నిట్ఠితా.
Khīrarukkhopamasuttādivaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya
౪. ఖీరరుక్ఖోపమసుత్తం • 4. Khīrarukkhopamasuttaṃ
౫. కోట్ఠికసుత్తం • 5. Koṭṭhikasuttaṃ
౬. కామభూసుత్తం • 6. Kāmabhūsuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౪-౬. ఖీరరుక్ఖోపమసుత్తాదివణ్ణనా • 4-6. Khīrarukkhopamasuttādivaṇṇanā
