| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. கீ²ரருக்கோ²பமஸுத்தங்
4. Khīrarukkhopamasuttaṃ
231. ‘‘யஸ்ஸ கஸ்ஸசி, பி⁴க்க²வே, பி⁴க்கு²ஸ்ஸ வா பி⁴க்கு²னியா வா சக்கு²விஞ்ஞெய்யேஸு ரூபேஸு யோ ராகோ³ ஸோ அத்தி², யோ தோ³ஸோ ஸோ அத்தி², யோ மோஹோ ஸோ அத்தி², யோ ராகோ³ ஸோ அப்பஹீனோ, யோ தோ³ஸோ ஸோ அப்பஹீனோ, யோ மோஹோ ஸோ அப்பஹீனோ தஸ்ஸ பரித்தா சேபி சக்கு²விஞ்ஞெய்யா ரூபா சக்கு²ஸ்ஸ ஆபாத²ங் ஆக³ச்ச²ந்தி பரியாதி³யந்தேவஸ்ஸ சித்தங்; கோ பன வாதோ³ அதி⁴மத்தானங்! தங் கிஸ்ஸ ஹேது? யோ, பி⁴க்க²வே, ராகோ³, ஸோ அத்தி², யோ தோ³ஸோ ஸோ அத்தி², யோ மோஹோ ஸோ அத்தி², யோ ராகோ³ ஸோ அப்பஹீனோ, யோ தோ³ஸோ ஸோ அப்பஹீனோ, யோ மோஹோ ஸோ அப்பஹீனோ…பே॰….
231. ‘‘Yassa kassaci, bhikkhave, bhikkhussa vā bhikkhuniyā vā cakkhuviññeyyesu rūpesu yo rāgo so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno tassa parittā cepi cakkhuviññeyyā rūpā cakkhussa āpāthaṃ āgacchanti pariyādiyantevassa cittaṃ; ko pana vādo adhimattānaṃ! Taṃ kissa hetu? Yo, bhikkhave, rāgo, so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno…pe….
‘‘யஸ்ஸ கஸ்ஸசி, பி⁴க்க²வே, பி⁴க்கு²ஸ்ஸ வா பி⁴க்கு²னியா வா ஜிவ்ஹாவிஞ்ஞெய்யேஸு ரஸேஸு யோ ராகோ³ ஸோ அத்தி²…பே॰….
‘‘Yassa kassaci, bhikkhave, bhikkhussa vā bhikkhuniyā vā jivhāviññeyyesu rasesu yo rāgo so atthi…pe….
‘‘யஸ்ஸ கஸ்ஸசி, பி⁴க்க²வே, பி⁴க்கு²ஸ்ஸ வா பி⁴க்கு²னியா வா மனோவிஞ்ஞெய்யேஸு த⁴ம்மேஸு யோ ராகோ³ ஸோ அத்தி², யோ தோ³ஸோ ஸோ அத்தி², யோ மோஹோ ஸோ அத்தி², யோ ராகோ³ ஸோ அப்பஹீனோ, யோ தோ³ஸோ ஸோ அப்பஹீனோ, யோ மோஹோ ஸோ அப்பஹீனோ, தஸ்ஸ பரித்தா சேபி மனோவிஞ்ஞெய்யா த⁴ம்மா மனஸ்ஸ ஆபாத²ங் ஆக³ச்ச²ந்தி பரியாதி³யந்தேவஸ்ஸ சித்தங்; கோ பன வாதோ³ அதி⁴மத்தானங்! தங் கிஸ்ஸ ஹேது? யோ, பி⁴க்க²வே, ராகோ³, ஸோ அத்தி², யோ தோ³ஸோ ஸோ அத்தி², யோ மோஹோ ஸோ அத்தி², யோ ராகோ³ ஸோ அப்பஹீனோ, யோ தோ³ஸோ ஸோ அப்பஹீனோ, யோ மோஹோ ஸோ அப்பஹீனோ.
‘‘Yassa kassaci, bhikkhave, bhikkhussa vā bhikkhuniyā vā manoviññeyyesu dhammesu yo rāgo so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno, tassa parittā cepi manoviññeyyā dhammā manassa āpāthaṃ āgacchanti pariyādiyantevassa cittaṃ; ko pana vādo adhimattānaṃ! Taṃ kissa hetu? Yo, bhikkhave, rāgo, so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno.
‘‘ஸெய்யதா²பி , பி⁴க்க²வே, கீ²ரருக்கோ² அஸ்ஸத்தோ² வா நிக்³ரோதோ⁴ வா பிலக்கோ² வா உது³ம்ப³ரோ வா த³ஹரோ தருணோ கோமாரகோ. தமேனங் புரிஸோ திண்ஹாய குடா²ரியா யதோ யதோ ஆபி⁴ந்தெ³ய்ய 1 ஆக³ச்செ²ய்ய கீ²ர’’ந்தி? ‘‘ஏவங், ப⁴ந்தே’’. ‘‘தங் கிஸ்ஸ ஹேது’’? ‘‘யஞ்ஹி, ப⁴ந்தே, கீ²ரங் தங் அத்தீ²’’தி.
‘‘Seyyathāpi , bhikkhave, khīrarukkho assattho vā nigrodho vā pilakkho vā udumbaro vā daharo taruṇo komārako. Tamenaṃ puriso tiṇhāya kuṭhāriyā yato yato ābhindeyya 2 āgaccheyya khīra’’nti? ‘‘Evaṃ, bhante’’. ‘‘Taṃ kissa hetu’’? ‘‘Yañhi, bhante, khīraṃ taṃ atthī’’ti.
‘‘ஏவமேவ கோ², பி⁴க்க²வே, யஸ்ஸ கஸ்ஸசி பி⁴க்கு²ஸ்ஸ வா பி⁴க்கு²னியா வா சக்கு²விஞ்ஞெய்யேஸு ரூபேஸு யோ ராகோ³ ஸோ அத்தி², யோ தோ³ஸோ ஸோ அத்தி², யோ மோஹோ ஸோ அத்தி², யோ ராகோ³ ஸோ அப்பஹீனோ, யோ தோ³ஸோ ஸோ அப்பஹீனோ, யோ மோஹோ ஸோ அப்பஹீனோ, தஸ்ஸ பரித்தா சேபி சக்கு²விஞ்ஞெய்யா ரூபா சக்கு²ஸ்ஸ ஆபாத²ங் ஆக³ச்ச²ந்தி பரியாதி³யந்தேவஸ்ஸ சித்தங்; கோ பன வாதோ³ அதி⁴மத்தானங்! தங் கிஸ்ஸ ஹேது? யோ, பி⁴க்க²வே, ராகோ³ ஸோ அத்தி², யோ தோ³ஸோ ஸோ அத்தி² , யோ மோஹோ ஸோ அத்தி², யோ ராகோ³ ஸோ அப்பஹீனோ, யோ தோ³ஸோ ஸோ அப்பஹீனோ, யோ மோஹோ ஸோ அப்பஹீனோ…பே॰….
‘‘Evameva kho, bhikkhave, yassa kassaci bhikkhussa vā bhikkhuniyā vā cakkhuviññeyyesu rūpesu yo rāgo so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno, tassa parittā cepi cakkhuviññeyyā rūpā cakkhussa āpāthaṃ āgacchanti pariyādiyantevassa cittaṃ; ko pana vādo adhimattānaṃ! Taṃ kissa hetu? Yo, bhikkhave, rāgo so atthi, yo doso so atthi , yo moho so atthi, yo rāgo so appahīno, yo doso so appahīno, yo moho so appahīno…pe….
‘‘யஸ்ஸ கஸ்ஸசி, பி⁴க்க²வே, பி⁴க்கு²ஸ்ஸ வா பி⁴க்கு²னியா வா ஜிவ்ஹாவிஞ்ஞெய்யேஸு ரஸேஸு யோ ராகோ³ ஸோ அத்தி²…பே॰….
‘‘Yassa kassaci, bhikkhave, bhikkhussa vā bhikkhuniyā vā jivhāviññeyyesu rasesu yo rāgo so atthi…pe….
‘‘யஸ்ஸ கஸ்ஸசி, பி⁴க்க²வே, பி⁴க்கு²ஸ்ஸ வா பி⁴க்கு²னியா வா மனோவிஞ்ஞெய்யேஸு த⁴ம்மேஸு யோ ராகோ³ ஸோ அத்தி², யோ தோ³ஸோ ஸோ அத்தி², யோ மோஹோ ஸோ அத்தி², யோ ராகோ³ ஸோ அப்பஹீனோ, யோ தோ³ஸோ ஸோ அப்பஹீனோ, யோ மோஹோ ஸோ அப்பஹீனோ, தஸ்ஸ பரித்தா சேபி மனோவிஞ்ஞெய்யா த⁴ம்மா மனஸ்ஸ ஆபாத²ங் ஆக³ச்ச²ந்தி பரியாதி³யந்தேவஸ்ஸ சித்தங்; கோ பன வாதோ³ அதி⁴மத்தானங்! தங் கிஸ்ஸ ஹேது? யோ, பி⁴க்க²வே, ராகோ³ ஸோ அத்தி², யோ தோ³ஸோ ஸோ அத்தி², யோ மோஹோ ஸோ அத்தி², யோ ராகோ³ ஸோ அப்பஹீனோ, யோ தோ³ஸோ ஸோ அப்பஹீனோ, யோ மோஹோ ஸோ அப்பஹீனோ.
‘‘Yassa kassaci, bhikkhave, bhikkhussa vā bhikkhuniyā vā manoviññeyyesu dhammesu yo rāgo so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno, tassa parittā cepi manoviññeyyā dhammā manassa āpāthaṃ āgacchanti pariyādiyantevassa cittaṃ; ko pana vādo adhimattānaṃ! Taṃ kissa hetu? Yo, bhikkhave, rāgo so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno.
‘‘யஸ்ஸ கஸ்ஸசி, பி⁴க்க²வே, பி⁴க்கு²ஸ்ஸ வா பி⁴க்கு²னியா வா சக்கு²விஞ்ஞெய்யேஸு ரூபேஸு யோ ராகோ³ ஸோ நத்தி², யோ தோ³ஸோ ஸோ நத்தி², யோ மோஹோ ஸோ நத்தி², யோ ராகோ³ ஸோ பஹீனோ, யோ தோ³ஸோ ஸோ பஹீனோ, யோ மோஹோ ஸோ பஹீனோ, தஸ்ஸ அதி⁴மத்தா சேபி சக்கு²விஞ்ஞெய்யா ரூபா சக்கு²ஸ்ஸ ஆபாத²ங் ஆக³ச்ச²ந்தி நேவஸ்ஸ சித்தங் பரியாதி³யந்தி; கோ பன வாதோ³ பரித்தானங்! தங் கிஸ்ஸ ஹேது? யோ, பி⁴க்க²வே, ராகோ³ ஸோ நத்தி², யோ தோ³ஸோ ஸோ நத்தி², யோ மோஹோ ஸோ நத்தி², யோ ராகோ³ ஸோ பஹீனோ, யோ தோ³ஸோ ஸோ பஹீனோ, யோ மோஹோ ஸோ பஹீனோ…பே॰….
‘‘Yassa kassaci, bhikkhave, bhikkhussa vā bhikkhuniyā vā cakkhuviññeyyesu rūpesu yo rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno, tassa adhimattā cepi cakkhuviññeyyā rūpā cakkhussa āpāthaṃ āgacchanti nevassa cittaṃ pariyādiyanti; ko pana vādo parittānaṃ! Taṃ kissa hetu? Yo, bhikkhave, rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno…pe….
‘‘யஸ்ஸ கஸ்ஸசி, பி⁴க்க²வே, பி⁴க்கு²ஸ்ஸ வா பி⁴க்கு²னியா வா ஜிவ்ஹாவிஞ்ஞெய்யேஸு ரஸேஸு…பே॰… மனோவிஞ்ஞெய்யேஸு த⁴ம்மேஸு யோ ராகோ³ ஸோ நத்தி², யோ தோ³ஸோ ஸோ நத்தி², யோ மோஹோ ஸோ நத்தி², யோ ராகோ³ ஸோ பஹீனோ, யோ தோ³ஸோ ஸோ பஹீனோ, யோ மோஹோ ஸோ பஹீனோ, தஸ்ஸ அதி⁴மத்தா சேபி மனோவிஞ்ஞெய்யா த⁴ம்மா மனஸ்ஸ ஆபாத²ங் ஆக³ச்ச²ந்தி நேவஸ்ஸ சித்தங் பரியாதி³யந்தி; கோ பன வாதோ³ பரித்தானங்! தங் கிஸ்ஸ ஹேது? யோ, பி⁴க்க²வே, ராகோ³ ஸோ நத்தி², யோ தோ³ஸோ ஸோ நத்தி², யோ மோஹோ ஸோ நத்தி², யோ ராகோ³ ஸோ பஹீனோ, யோ தோ³ஸோ ஸோ பஹீனோ, யோ மோஹோ ஸோ பஹீனோ. ஸெய்யதா²பி , பி⁴க்க²வே, கீ²ரருக்கோ² அஸ்ஸத்தோ² வா நிக்³ரோதோ⁴ வா பிலக்கோ² வா உது³ம்ப³ரோ வா ஸுக்கோ² கோலாபோ தேரோவஸ்ஸிகோ. தமேனங் புரிஸோ திண்ஹாய குடா²ரியா யதோ யதோ ஆபி⁴ந்தெ³ய்ய ஆக³ச்செ²ய்ய கீ²ர’’ந்தி? ‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘யஞ்ஹி, ப⁴ந்தே, கீ²ரங் தங் நத்தீ²’’தி.
‘‘Yassa kassaci, bhikkhave, bhikkhussa vā bhikkhuniyā vā jivhāviññeyyesu rasesu…pe… manoviññeyyesu dhammesu yo rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno, tassa adhimattā cepi manoviññeyyā dhammā manassa āpāthaṃ āgacchanti nevassa cittaṃ pariyādiyanti; ko pana vādo parittānaṃ! Taṃ kissa hetu? Yo, bhikkhave, rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno. Seyyathāpi , bhikkhave, khīrarukkho assattho vā nigrodho vā pilakkho vā udumbaro vā sukkho kolāpo terovassiko. Tamenaṃ puriso tiṇhāya kuṭhāriyā yato yato ābhindeyya āgaccheyya khīra’’nti? ‘‘No hetaṃ, bhante’’. ‘‘Taṃ kissa hetu’’? ‘‘Yañhi, bhante, khīraṃ taṃ natthī’’ti.
‘‘ஏவமேவ கோ², பி⁴க்க²வே, யஸ்ஸ கஸ்ஸசி பி⁴க்கு²ஸ்ஸ வா பி⁴க்கு²னியா வா சக்கு²விஞ்ஞெய்யேஸு ரூபேஸு யோ ராகோ³ ஸோ நத்தி², யோ தோ³ஸோ ஸோ நத்தி², யோ மோஹோ ஸோ நத்தி², யோ ராகோ³ ஸோ பஹீனோ, யோ தோ³ஸோ ஸோ பஹீனோ, யோ மோஹோ ஸோ பஹீனோ, தஸ்ஸ அதி⁴மத்தா சேபி சக்கு²விஞ்ஞெய்யா ரூபா சக்கு²ஸ்ஸ ஆபாத²ங் ஆக³ச்ச²ந்தி நேவஸ்ஸ சித்தங் பரியாதி³யந்தி; கோ பன வாதோ³ பரித்தானங்! தங் கிஸ்ஸ ஹேது? யோ, பி⁴க்க²வே, ராகோ³ ஸோ நத்தி², யோ தோ³ஸோ ஸோ நத்தி², யோ மோஹோ ஸோ நத்தி², யோ ராகோ³ ஸோ பஹீனோ, யோ தோ³ஸோ ஸோ பஹீனோ, யோ மோஹோ ஸோ பஹீனோ…பே॰….
‘‘Evameva kho, bhikkhave, yassa kassaci bhikkhussa vā bhikkhuniyā vā cakkhuviññeyyesu rūpesu yo rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno, tassa adhimattā cepi cakkhuviññeyyā rūpā cakkhussa āpāthaṃ āgacchanti nevassa cittaṃ pariyādiyanti; ko pana vādo parittānaṃ! Taṃ kissa hetu? Yo, bhikkhave, rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno…pe….
‘‘யஸ்ஸ கஸ்ஸசி, பி⁴க்க²வே, பி⁴க்கு²ஸ்ஸ வா பி⁴க்கு²னியா வா ஜிவ்ஹாவிஞ்ஞெய்யேஸு ரஸேஸு…பே॰….
‘‘Yassa kassaci, bhikkhave, bhikkhussa vā bhikkhuniyā vā jivhāviññeyyesu rasesu…pe….
‘‘யஸ்ஸ கஸ்ஸசி, பி⁴க்க²வே, பி⁴க்கு²ஸ்ஸ வா பி⁴க்கு²னியா வா மனோவிஞ்ஞெய்யேஸு த⁴ம்மேஸு யோ ராகோ³ ஸோ நத்தி², யோ தோ³ஸோ ஸோ நத்தி², யோ மோஹோ ஸோ நத்தி², யோ ராகோ³ ஸோ பஹீனோ, யோ தோ³ஸோ ஸோ பஹீனோ, யோ மோஹோ ஸோ பஹீனோ, தஸ்ஸ அதி⁴மத்தா சேபி மனோவிஞ்ஞெய்யா த⁴ம்மா மனஸ்ஸ ஆபாத²ங் ஆக³ச்ச²ந்தி, நேவஸ்ஸ சித்தங் பரியாதி³யந்தி; கோ பன வாதோ³ பரித்தானங்! தங் கிஸ்ஸ ஹேது? யோ, பி⁴க்க²வே, ராகோ³ ஸோ நத்தி² , யோ தோ³ஸோ ஸோ நத்தி², யோ மோஹோ ஸோ நத்தி², யோ ராகோ³ ஸோ பஹீனோ, யோ தோ³ஸோ ஸோ பஹீனோ, யோ மோஹோ ஸோ பஹீனோ’’தி. சதுத்த²ங்.
‘‘Yassa kassaci, bhikkhave, bhikkhussa vā bhikkhuniyā vā manoviññeyyesu dhammesu yo rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno, tassa adhimattā cepi manoviññeyyā dhammā manassa āpāthaṃ āgacchanti, nevassa cittaṃ pariyādiyanti; ko pana vādo parittānaṃ! Taṃ kissa hetu? Yo, bhikkhave, rāgo so natthi , yo doso so natthi, yo moho so natthi, yo rāgo so pahīno, yo doso so pahīno, yo moho so pahīno’’ti. Catutthaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-6. கீ²ரருக்கோ²பமஸுத்தாதி³வண்ணனா • 4-6. Khīrarukkhopamasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-6. கீ²ரருக்கோ²பமஸுத்தாதி³வண்ணனா • 4-6. Khīrarukkhopamasuttādivaṇṇanā
