| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੪. ਖੀਰਰੁਕ੍ਖੋਪਮਸੁਤ੍ਤਂ
4. Khīrarukkhopamasuttaṃ
੨੩੧. ‘‘ਯਸ੍ਸ ਕਸ੍ਸਚਿ, ਭਿਕ੍ਖવੇ, ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਚਕ੍ਖੁવਿਞ੍ਞੇਯ੍ਯੇਸੁ ਰੂਪੇਸੁ ਯੋ ਰਾਗੋ ਸੋ ਅਤ੍ਥਿ, ਯੋ ਦੋਸੋ ਸੋ ਅਤ੍ਥਿ, ਯੋ ਮੋਹੋ ਸੋ ਅਤ੍ਥਿ, ਯੋ ਰਾਗੋ ਸੋ ਅਪ੍ਪਹੀਨੋ, ਯੋ ਦੋਸੋ ਸੋ ਅਪ੍ਪਹੀਨੋ, ਯੋ ਮੋਹੋ ਸੋ ਅਪ੍ਪਹੀਨੋ ਤਸ੍ਸ ਪਰਿਤ੍ਤਾ ਚੇਪਿ ਚਕ੍ਖੁવਿਞ੍ਞੇਯ੍ਯਾ ਰੂਪਾ ਚਕ੍ਖੁਸ੍ਸ ਆਪਾਥਂ ਆਗਚ੍ਛਨ੍ਤਿ ਪਰਿਯਾਦਿਯਨ੍ਤੇવਸ੍ਸ ਚਿਤ੍ਤਂ; ਕੋ ਪਨ વਾਦੋ ਅਧਿਮਤ੍ਤਾਨਂ! ਤਂ ਕਿਸ੍ਸ ਹੇਤੁ? ਯੋ, ਭਿਕ੍ਖવੇ, ਰਾਗੋ, ਸੋ ਅਤ੍ਥਿ, ਯੋ ਦੋਸੋ ਸੋ ਅਤ੍ਥਿ, ਯੋ ਮੋਹੋ ਸੋ ਅਤ੍ਥਿ, ਯੋ ਰਾਗੋ ਸੋ ਅਪ੍ਪਹੀਨੋ, ਯੋ ਦੋਸੋ ਸੋ ਅਪ੍ਪਹੀਨੋ, ਯੋ ਮੋਹੋ ਸੋ ਅਪ੍ਪਹੀਨੋ…ਪੇ॰…।
231. ‘‘Yassa kassaci, bhikkhave, bhikkhussa vā bhikkhuniyā vā cakkhuviññeyyesu rūpesu yo rāgo so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno tassa parittā cepi cakkhuviññeyyā rūpā cakkhussa āpāthaṃ āgacchanti pariyādiyantevassa cittaṃ; ko pana vādo adhimattānaṃ! Taṃ kissa hetu? Yo, bhikkhave, rāgo, so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno…pe….
‘‘ਯਸ੍ਸ ਕਸ੍ਸਚਿ, ਭਿਕ੍ਖવੇ, ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਜਿવ੍ਹਾવਿਞ੍ਞੇਯ੍ਯੇਸੁ ਰਸੇਸੁ ਯੋ ਰਾਗੋ ਸੋ ਅਤ੍ਥਿ…ਪੇ॰…।
‘‘Yassa kassaci, bhikkhave, bhikkhussa vā bhikkhuniyā vā jivhāviññeyyesu rasesu yo rāgo so atthi…pe….
‘‘ਯਸ੍ਸ ਕਸ੍ਸਚਿ, ਭਿਕ੍ਖવੇ, ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਮਨੋવਿਞ੍ਞੇਯ੍ਯੇਸੁ ਧਮ੍ਮੇਸੁ ਯੋ ਰਾਗੋ ਸੋ ਅਤ੍ਥਿ, ਯੋ ਦੋਸੋ ਸੋ ਅਤ੍ਥਿ, ਯੋ ਮੋਹੋ ਸੋ ਅਤ੍ਥਿ, ਯੋ ਰਾਗੋ ਸੋ ਅਪ੍ਪਹੀਨੋ, ਯੋ ਦੋਸੋ ਸੋ ਅਪ੍ਪਹੀਨੋ, ਯੋ ਮੋਹੋ ਸੋ ਅਪ੍ਪਹੀਨੋ, ਤਸ੍ਸ ਪਰਿਤ੍ਤਾ ਚੇਪਿ ਮਨੋવਿਞ੍ਞੇਯ੍ਯਾ ਧਮ੍ਮਾ ਮਨਸ੍ਸ ਆਪਾਥਂ ਆਗਚ੍ਛਨ੍ਤਿ ਪਰਿਯਾਦਿਯਨ੍ਤੇવਸ੍ਸ ਚਿਤ੍ਤਂ; ਕੋ ਪਨ વਾਦੋ ਅਧਿਮਤ੍ਤਾਨਂ! ਤਂ ਕਿਸ੍ਸ ਹੇਤੁ? ਯੋ, ਭਿਕ੍ਖવੇ, ਰਾਗੋ, ਸੋ ਅਤ੍ਥਿ, ਯੋ ਦੋਸੋ ਸੋ ਅਤ੍ਥਿ, ਯੋ ਮੋਹੋ ਸੋ ਅਤ੍ਥਿ, ਯੋ ਰਾਗੋ ਸੋ ਅਪ੍ਪਹੀਨੋ, ਯੋ ਦੋਸੋ ਸੋ ਅਪ੍ਪਹੀਨੋ, ਯੋ ਮੋਹੋ ਸੋ ਅਪ੍ਪਹੀਨੋ।
‘‘Yassa kassaci, bhikkhave, bhikkhussa vā bhikkhuniyā vā manoviññeyyesu dhammesu yo rāgo so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno, tassa parittā cepi manoviññeyyā dhammā manassa āpāthaṃ āgacchanti pariyādiyantevassa cittaṃ; ko pana vādo adhimattānaṃ! Taṃ kissa hetu? Yo, bhikkhave, rāgo, so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno.
‘‘ਸੇਯ੍ਯਥਾਪਿ , ਭਿਕ੍ਖવੇ, ਖੀਰਰੁਕ੍ਖੋ ਅਸ੍ਸਤ੍ਥੋ વਾ ਨਿਗ੍ਰੋਧੋ વਾ ਪਿਲਕ੍ਖੋ વਾ ਉਦੁਮ੍ਬਰੋ વਾ ਦਹਰੋ ਤਰੁਣੋ ਕੋਮਾਰਕੋ। ਤਮੇਨਂ ਪੁਰਿਸੋ ਤਿਣ੍ਹਾਯ ਕੁਠਾਰਿਯਾ ਯਤੋ ਯਤੋ ਆਭਿਨ੍ਦੇਯ੍ਯ 1 ਆਗਚ੍ਛੇਯ੍ਯ ਖੀਰ’’ਨ੍ਤਿ? ‘‘ਏવਂ, ਭਨ੍ਤੇ’’। ‘‘ਤਂ ਕਿਸ੍ਸ ਹੇਤੁ’’? ‘‘ਯਞ੍ਹਿ, ਭਨ੍ਤੇ, ਖੀਰਂ ਤਂ ਅਤ੍ਥੀ’’ਤਿ।
‘‘Seyyathāpi , bhikkhave, khīrarukkho assattho vā nigrodho vā pilakkho vā udumbaro vā daharo taruṇo komārako. Tamenaṃ puriso tiṇhāya kuṭhāriyā yato yato ābhindeyya 2 āgaccheyya khīra’’nti? ‘‘Evaṃ, bhante’’. ‘‘Taṃ kissa hetu’’? ‘‘Yañhi, bhante, khīraṃ taṃ atthī’’ti.
‘‘ਏવਮੇવ ਖੋ, ਭਿਕ੍ਖવੇ, ਯਸ੍ਸ ਕਸ੍ਸਚਿ ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਚਕ੍ਖੁવਿਞ੍ਞੇਯ੍ਯੇਸੁ ਰੂਪੇਸੁ ਯੋ ਰਾਗੋ ਸੋ ਅਤ੍ਥਿ, ਯੋ ਦੋਸੋ ਸੋ ਅਤ੍ਥਿ, ਯੋ ਮੋਹੋ ਸੋ ਅਤ੍ਥਿ, ਯੋ ਰਾਗੋ ਸੋ ਅਪ੍ਪਹੀਨੋ, ਯੋ ਦੋਸੋ ਸੋ ਅਪ੍ਪਹੀਨੋ, ਯੋ ਮੋਹੋ ਸੋ ਅਪ੍ਪਹੀਨੋ, ਤਸ੍ਸ ਪਰਿਤ੍ਤਾ ਚੇਪਿ ਚਕ੍ਖੁવਿਞ੍ਞੇਯ੍ਯਾ ਰੂਪਾ ਚਕ੍ਖੁਸ੍ਸ ਆਪਾਥਂ ਆਗਚ੍ਛਨ੍ਤਿ ਪਰਿਯਾਦਿਯਨ੍ਤੇવਸ੍ਸ ਚਿਤ੍ਤਂ; ਕੋ ਪਨ વਾਦੋ ਅਧਿਮਤ੍ਤਾਨਂ! ਤਂ ਕਿਸ੍ਸ ਹੇਤੁ? ਯੋ, ਭਿਕ੍ਖવੇ, ਰਾਗੋ ਸੋ ਅਤ੍ਥਿ, ਯੋ ਦੋਸੋ ਸੋ ਅਤ੍ਥਿ , ਯੋ ਮੋਹੋ ਸੋ ਅਤ੍ਥਿ, ਯੋ ਰਾਗੋ ਸੋ ਅਪ੍ਪਹੀਨੋ, ਯੋ ਦੋਸੋ ਸੋ ਅਪ੍ਪਹੀਨੋ, ਯੋ ਮੋਹੋ ਸੋ ਅਪ੍ਪਹੀਨੋ…ਪੇ॰…।
‘‘Evameva kho, bhikkhave, yassa kassaci bhikkhussa vā bhikkhuniyā vā cakkhuviññeyyesu rūpesu yo rāgo so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno, tassa parittā cepi cakkhuviññeyyā rūpā cakkhussa āpāthaṃ āgacchanti pariyādiyantevassa cittaṃ; ko pana vādo adhimattānaṃ! Taṃ kissa hetu? Yo, bhikkhave, rāgo so atthi, yo doso so atthi , yo moho so atthi, yo rāgo so appahīno, yo doso so appahīno, yo moho so appahīno…pe….
‘‘ਯਸ੍ਸ ਕਸ੍ਸਚਿ, ਭਿਕ੍ਖવੇ, ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਜਿવ੍ਹਾવਿਞ੍ਞੇਯ੍ਯੇਸੁ ਰਸੇਸੁ ਯੋ ਰਾਗੋ ਸੋ ਅਤ੍ਥਿ…ਪੇ॰…।
‘‘Yassa kassaci, bhikkhave, bhikkhussa vā bhikkhuniyā vā jivhāviññeyyesu rasesu yo rāgo so atthi…pe….
‘‘ਯਸ੍ਸ ਕਸ੍ਸਚਿ, ਭਿਕ੍ਖવੇ, ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਮਨੋવਿਞ੍ਞੇਯ੍ਯੇਸੁ ਧਮ੍ਮੇਸੁ ਯੋ ਰਾਗੋ ਸੋ ਅਤ੍ਥਿ, ਯੋ ਦੋਸੋ ਸੋ ਅਤ੍ਥਿ, ਯੋ ਮੋਹੋ ਸੋ ਅਤ੍ਥਿ, ਯੋ ਰਾਗੋ ਸੋ ਅਪ੍ਪਹੀਨੋ, ਯੋ ਦੋਸੋ ਸੋ ਅਪ੍ਪਹੀਨੋ, ਯੋ ਮੋਹੋ ਸੋ ਅਪ੍ਪਹੀਨੋ, ਤਸ੍ਸ ਪਰਿਤ੍ਤਾ ਚੇਪਿ ਮਨੋવਿਞ੍ਞੇਯ੍ਯਾ ਧਮ੍ਮਾ ਮਨਸ੍ਸ ਆਪਾਥਂ ਆਗਚ੍ਛਨ੍ਤਿ ਪਰਿਯਾਦਿਯਨ੍ਤੇવਸ੍ਸ ਚਿਤ੍ਤਂ; ਕੋ ਪਨ વਾਦੋ ਅਧਿਮਤ੍ਤਾਨਂ! ਤਂ ਕਿਸ੍ਸ ਹੇਤੁ? ਯੋ, ਭਿਕ੍ਖવੇ, ਰਾਗੋ ਸੋ ਅਤ੍ਥਿ, ਯੋ ਦੋਸੋ ਸੋ ਅਤ੍ਥਿ, ਯੋ ਮੋਹੋ ਸੋ ਅਤ੍ਥਿ, ਯੋ ਰਾਗੋ ਸੋ ਅਪ੍ਪਹੀਨੋ, ਯੋ ਦੋਸੋ ਸੋ ਅਪ੍ਪਹੀਨੋ, ਯੋ ਮੋਹੋ ਸੋ ਅਪ੍ਪਹੀਨੋ।
‘‘Yassa kassaci, bhikkhave, bhikkhussa vā bhikkhuniyā vā manoviññeyyesu dhammesu yo rāgo so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno, tassa parittā cepi manoviññeyyā dhammā manassa āpāthaṃ āgacchanti pariyādiyantevassa cittaṃ; ko pana vādo adhimattānaṃ! Taṃ kissa hetu? Yo, bhikkhave, rāgo so atthi, yo doso so atthi, yo moho so atthi, yo rāgo so appahīno, yo doso so appahīno, yo moho so appahīno.
‘‘ਯਸ੍ਸ ਕਸ੍ਸਚਿ, ਭਿਕ੍ਖવੇ, ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਚਕ੍ਖੁવਿਞ੍ਞੇਯ੍ਯੇਸੁ ਰੂਪੇਸੁ ਯੋ ਰਾਗੋ ਸੋ ਨਤ੍ਥਿ, ਯੋ ਦੋਸੋ ਸੋ ਨਤ੍ਥਿ, ਯੋ ਮੋਹੋ ਸੋ ਨਤ੍ਥਿ, ਯੋ ਰਾਗੋ ਸੋ ਪਹੀਨੋ, ਯੋ ਦੋਸੋ ਸੋ ਪਹੀਨੋ, ਯੋ ਮੋਹੋ ਸੋ ਪਹੀਨੋ, ਤਸ੍ਸ ਅਧਿਮਤ੍ਤਾ ਚੇਪਿ ਚਕ੍ਖੁવਿਞ੍ਞੇਯ੍ਯਾ ਰੂਪਾ ਚਕ੍ਖੁਸ੍ਸ ਆਪਾਥਂ ਆਗਚ੍ਛਨ੍ਤਿ ਨੇવਸ੍ਸ ਚਿਤ੍ਤਂ ਪਰਿਯਾਦਿਯਨ੍ਤਿ; ਕੋ ਪਨ વਾਦੋ ਪਰਿਤ੍ਤਾਨਂ! ਤਂ ਕਿਸ੍ਸ ਹੇਤੁ? ਯੋ, ਭਿਕ੍ਖવੇ, ਰਾਗੋ ਸੋ ਨਤ੍ਥਿ, ਯੋ ਦੋਸੋ ਸੋ ਨਤ੍ਥਿ, ਯੋ ਮੋਹੋ ਸੋ ਨਤ੍ਥਿ, ਯੋ ਰਾਗੋ ਸੋ ਪਹੀਨੋ, ਯੋ ਦੋਸੋ ਸੋ ਪਹੀਨੋ, ਯੋ ਮੋਹੋ ਸੋ ਪਹੀਨੋ…ਪੇ॰…।
‘‘Yassa kassaci, bhikkhave, bhikkhussa vā bhikkhuniyā vā cakkhuviññeyyesu rūpesu yo rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno, tassa adhimattā cepi cakkhuviññeyyā rūpā cakkhussa āpāthaṃ āgacchanti nevassa cittaṃ pariyādiyanti; ko pana vādo parittānaṃ! Taṃ kissa hetu? Yo, bhikkhave, rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno…pe….
‘‘ਯਸ੍ਸ ਕਸ੍ਸਚਿ, ਭਿਕ੍ਖવੇ, ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਜਿવ੍ਹਾવਿਞ੍ਞੇਯ੍ਯੇਸੁ ਰਸੇਸੁ…ਪੇ॰… ਮਨੋવਿਞ੍ਞੇਯ੍ਯੇਸੁ ਧਮ੍ਮੇਸੁ ਯੋ ਰਾਗੋ ਸੋ ਨਤ੍ਥਿ, ਯੋ ਦੋਸੋ ਸੋ ਨਤ੍ਥਿ, ਯੋ ਮੋਹੋ ਸੋ ਨਤ੍ਥਿ, ਯੋ ਰਾਗੋ ਸੋ ਪਹੀਨੋ, ਯੋ ਦੋਸੋ ਸੋ ਪਹੀਨੋ, ਯੋ ਮੋਹੋ ਸੋ ਪਹੀਨੋ, ਤਸ੍ਸ ਅਧਿਮਤ੍ਤਾ ਚੇਪਿ ਮਨੋવਿਞ੍ਞੇਯ੍ਯਾ ਧਮ੍ਮਾ ਮਨਸ੍ਸ ਆਪਾਥਂ ਆਗਚ੍ਛਨ੍ਤਿ ਨੇવਸ੍ਸ ਚਿਤ੍ਤਂ ਪਰਿਯਾਦਿਯਨ੍ਤਿ; ਕੋ ਪਨ વਾਦੋ ਪਰਿਤ੍ਤਾਨਂ! ਤਂ ਕਿਸ੍ਸ ਹੇਤੁ? ਯੋ, ਭਿਕ੍ਖવੇ, ਰਾਗੋ ਸੋ ਨਤ੍ਥਿ, ਯੋ ਦੋਸੋ ਸੋ ਨਤ੍ਥਿ, ਯੋ ਮੋਹੋ ਸੋ ਨਤ੍ਥਿ, ਯੋ ਰਾਗੋ ਸੋ ਪਹੀਨੋ, ਯੋ ਦੋਸੋ ਸੋ ਪਹੀਨੋ, ਯੋ ਮੋਹੋ ਸੋ ਪਹੀਨੋ। ਸੇਯ੍ਯਥਾਪਿ , ਭਿਕ੍ਖવੇ, ਖੀਰਰੁਕ੍ਖੋ ਅਸ੍ਸਤ੍ਥੋ વਾ ਨਿਗ੍ਰੋਧੋ વਾ ਪਿਲਕ੍ਖੋ વਾ ਉਦੁਮ੍ਬਰੋ વਾ ਸੁਕ੍ਖੋ ਕੋਲਾਪੋ ਤੇਰੋવਸ੍ਸਿਕੋ। ਤਮੇਨਂ ਪੁਰਿਸੋ ਤਿਣ੍ਹਾਯ ਕੁਠਾਰਿਯਾ ਯਤੋ ਯਤੋ ਆਭਿਨ੍ਦੇਯ੍ਯ ਆਗਚ੍ਛੇਯ੍ਯ ਖੀਰ’’ਨ੍ਤਿ? ‘‘ਨੋ ਹੇਤਂ, ਭਨ੍ਤੇ’’। ‘‘ਤਂ ਕਿਸ੍ਸ ਹੇਤੁ’’? ‘‘ਯਞ੍ਹਿ, ਭਨ੍ਤੇ, ਖੀਰਂ ਤਂ ਨਤ੍ਥੀ’’ਤਿ।
‘‘Yassa kassaci, bhikkhave, bhikkhussa vā bhikkhuniyā vā jivhāviññeyyesu rasesu…pe… manoviññeyyesu dhammesu yo rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno, tassa adhimattā cepi manoviññeyyā dhammā manassa āpāthaṃ āgacchanti nevassa cittaṃ pariyādiyanti; ko pana vādo parittānaṃ! Taṃ kissa hetu? Yo, bhikkhave, rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno. Seyyathāpi , bhikkhave, khīrarukkho assattho vā nigrodho vā pilakkho vā udumbaro vā sukkho kolāpo terovassiko. Tamenaṃ puriso tiṇhāya kuṭhāriyā yato yato ābhindeyya āgaccheyya khīra’’nti? ‘‘No hetaṃ, bhante’’. ‘‘Taṃ kissa hetu’’? ‘‘Yañhi, bhante, khīraṃ taṃ natthī’’ti.
‘‘ਏવਮੇવ ਖੋ, ਭਿਕ੍ਖવੇ, ਯਸ੍ਸ ਕਸ੍ਸਚਿ ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਚਕ੍ਖੁવਿਞ੍ਞੇਯ੍ਯੇਸੁ ਰੂਪੇਸੁ ਯੋ ਰਾਗੋ ਸੋ ਨਤ੍ਥਿ, ਯੋ ਦੋਸੋ ਸੋ ਨਤ੍ਥਿ, ਯੋ ਮੋਹੋ ਸੋ ਨਤ੍ਥਿ, ਯੋ ਰਾਗੋ ਸੋ ਪਹੀਨੋ, ਯੋ ਦੋਸੋ ਸੋ ਪਹੀਨੋ, ਯੋ ਮੋਹੋ ਸੋ ਪਹੀਨੋ, ਤਸ੍ਸ ਅਧਿਮਤ੍ਤਾ ਚੇਪਿ ਚਕ੍ਖੁવਿਞ੍ਞੇਯ੍ਯਾ ਰੂਪਾ ਚਕ੍ਖੁਸ੍ਸ ਆਪਾਥਂ ਆਗਚ੍ਛਨ੍ਤਿ ਨੇવਸ੍ਸ ਚਿਤ੍ਤਂ ਪਰਿਯਾਦਿਯਨ੍ਤਿ; ਕੋ ਪਨ વਾਦੋ ਪਰਿਤ੍ਤਾਨਂ! ਤਂ ਕਿਸ੍ਸ ਹੇਤੁ? ਯੋ, ਭਿਕ੍ਖવੇ, ਰਾਗੋ ਸੋ ਨਤ੍ਥਿ, ਯੋ ਦੋਸੋ ਸੋ ਨਤ੍ਥਿ, ਯੋ ਮੋਹੋ ਸੋ ਨਤ੍ਥਿ, ਯੋ ਰਾਗੋ ਸੋ ਪਹੀਨੋ, ਯੋ ਦੋਸੋ ਸੋ ਪਹੀਨੋ, ਯੋ ਮੋਹੋ ਸੋ ਪਹੀਨੋ…ਪੇ॰…।
‘‘Evameva kho, bhikkhave, yassa kassaci bhikkhussa vā bhikkhuniyā vā cakkhuviññeyyesu rūpesu yo rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno, tassa adhimattā cepi cakkhuviññeyyā rūpā cakkhussa āpāthaṃ āgacchanti nevassa cittaṃ pariyādiyanti; ko pana vādo parittānaṃ! Taṃ kissa hetu? Yo, bhikkhave, rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno…pe….
‘‘ਯਸ੍ਸ ਕਸ੍ਸਚਿ, ਭਿਕ੍ਖવੇ, ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਜਿવ੍ਹਾવਿਞ੍ਞੇਯ੍ਯੇਸੁ ਰਸੇਸੁ…ਪੇ॰…।
‘‘Yassa kassaci, bhikkhave, bhikkhussa vā bhikkhuniyā vā jivhāviññeyyesu rasesu…pe….
‘‘ਯਸ੍ਸ ਕਸ੍ਸਚਿ, ਭਿਕ੍ਖવੇ, ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਮਨੋવਿਞ੍ਞੇਯ੍ਯੇਸੁ ਧਮ੍ਮੇਸੁ ਯੋ ਰਾਗੋ ਸੋ ਨਤ੍ਥਿ, ਯੋ ਦੋਸੋ ਸੋ ਨਤ੍ਥਿ, ਯੋ ਮੋਹੋ ਸੋ ਨਤ੍ਥਿ, ਯੋ ਰਾਗੋ ਸੋ ਪਹੀਨੋ, ਯੋ ਦੋਸੋ ਸੋ ਪਹੀਨੋ, ਯੋ ਮੋਹੋ ਸੋ ਪਹੀਨੋ, ਤਸ੍ਸ ਅਧਿਮਤ੍ਤਾ ਚੇਪਿ ਮਨੋવਿਞ੍ਞੇਯ੍ਯਾ ਧਮ੍ਮਾ ਮਨਸ੍ਸ ਆਪਾਥਂ ਆਗਚ੍ਛਨ੍ਤਿ, ਨੇવਸ੍ਸ ਚਿਤ੍ਤਂ ਪਰਿਯਾਦਿਯਨ੍ਤਿ; ਕੋ ਪਨ વਾਦੋ ਪਰਿਤ੍ਤਾਨਂ! ਤਂ ਕਿਸ੍ਸ ਹੇਤੁ? ਯੋ, ਭਿਕ੍ਖવੇ, ਰਾਗੋ ਸੋ ਨਤ੍ਥਿ , ਯੋ ਦੋਸੋ ਸੋ ਨਤ੍ਥਿ, ਯੋ ਮੋਹੋ ਸੋ ਨਤ੍ਥਿ, ਯੋ ਰਾਗੋ ਸੋ ਪਹੀਨੋ, ਯੋ ਦੋਸੋ ਸੋ ਪਹੀਨੋ, ਯੋ ਮੋਹੋ ਸੋ ਪਹੀਨੋ’’ਤਿ। ਚਤੁਤ੍ਥਂ।
‘‘Yassa kassaci, bhikkhave, bhikkhussa vā bhikkhuniyā vā manoviññeyyesu dhammesu yo rāgo so natthi, yo doso so natthi, yo moho so natthi, yo rāgo so pahīno, yo doso so pahīno, yo moho so pahīno, tassa adhimattā cepi manoviññeyyā dhammā manassa āpāthaṃ āgacchanti, nevassa cittaṃ pariyādiyanti; ko pana vādo parittānaṃ! Taṃ kissa hetu? Yo, bhikkhave, rāgo so natthi , yo doso so natthi, yo moho so natthi, yo rāgo so pahīno, yo doso so pahīno, yo moho so pahīno’’ti. Catutthaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪-੬. ਖੀਰਰੁਕ੍ਖੋਪਮਸੁਤ੍ਤਾਦਿવਣ੍ਣਨਾ • 4-6. Khīrarukkhopamasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪-੬. ਖੀਰਰੁਕ੍ਖੋਪਮਸੁਤ੍ਤਾਦਿવਣ੍ਣਨਾ • 4-6. Khīrarukkhopamasuttādivaṇṇanā
