| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. கீ²ரஸுத்தங்
4. Khīrasuttaṃ
127. ஸாவத்தி²யங் விஹரதி…பே॰… ‘‘அனமதக்³கோ³யங், பி⁴க்க²வே, ஸங்ஸாரோ. புப்³பா³ கோடி ந பஞ்ஞாயதி அவிஜ்ஜானீவரணானங் ஸத்தானங் தண்ஹாஸங்யோஜனானங் ஸந்தா⁴வதங் ஸங்ஸரதங். தங் கிங் மஞ்ஞத², பி⁴க்க²வே, கதமங் நு கோ² ப³ஹுதரங், யங் வா வோ இமினா தீ³கே⁴ன அத்³து⁴னா ஸந்தா⁴வதங் ஸங்ஸரதங் மாதுத²ஞ்ஞங் பீதங், யங் வா சதூஸு மஹாஸமுத்³தே³ஸு உத³க’’ந்தி? ‘‘யதா² கோ² மயங் , ப⁴ந்தே, ப⁴க³வதா த⁴ம்மங் தே³ஸிதங் ஆஜானாம, ஏததே³வ, ப⁴ந்தே, ப³ஹுதரங் யங் நோ இமினா தீ³கே⁴ன அத்³து⁴னா ஸந்தா⁴வதங் ஸங்ஸரதங் மாதுத²ஞ்ஞங் பீதங், ந த்வேவ சதூஸு மஹாஸமுத்³தே³ஸு உத³க’’ந்தி.
127. Sāvatthiyaṃ viharati…pe… ‘‘anamataggoyaṃ, bhikkhave, saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Taṃ kiṃ maññatha, bhikkhave, katamaṃ nu kho bahutaraṃ, yaṃ vā vo iminā dīghena addhunā sandhāvataṃ saṃsarataṃ mātuthaññaṃ pītaṃ, yaṃ vā catūsu mahāsamuddesu udaka’’nti? ‘‘Yathā kho mayaṃ , bhante, bhagavatā dhammaṃ desitaṃ ājānāma, etadeva, bhante, bahutaraṃ yaṃ no iminā dīghena addhunā sandhāvataṃ saṃsarataṃ mātuthaññaṃ pītaṃ, na tveva catūsu mahāsamuddesu udaka’’nti.
‘‘ஸாது⁴ ஸாது⁴, பி⁴க்க²வே, ஸாது⁴ கோ² மே தும்ஹே, பி⁴க்க²வே, ஏவங் த⁴ம்மங் தே³ஸிதங் ஆஜானாத². ஏததே³வ, பி⁴க்க²வே, ப³ஹுதரங் யங் வோ இமினா தீ³கே⁴ன அத்³து⁴னா ஸந்தா⁴வதங் ஸங்ஸரதங் மாதுத²ஞ்ஞங் பீதங், ந த்வேவ சதூஸு மஹாஸமுத்³தே³ஸு உத³கங். தங் கிஸ்ஸ ஹேது? அனமதக்³கோ³யங், பி⁴க்க²வே, ஸங்ஸாரோ…பே॰… அலங் விமுச்சிது’’ந்தி. சதுத்த²ங்.
‘‘Sādhu sādhu, bhikkhave, sādhu kho me tumhe, bhikkhave, evaṃ dhammaṃ desitaṃ ājānātha. Etadeva, bhikkhave, bahutaraṃ yaṃ vo iminā dīghena addhunā sandhāvataṃ saṃsarataṃ mātuthaññaṃ pītaṃ, na tveva catūsu mahāsamuddesu udakaṃ. Taṃ kissa hetu? Anamataggoyaṃ, bhikkhave, saṃsāro…pe… alaṃ vimuccitu’’nti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. கீ²ரஸுத்தவண்ணனா • 4. Khīrasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. கீ²ரஸுத்தவண்ணனா • 4. Khīrasuttavaṇṇanā
