| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೪. ಖೀರಸುತ್ತವಣ್ಣನಾ
4. Khīrasuttavaṇṇanā
೧೨೭. ಚತುತ್ಥೇ ಮಾತುಥಞ್ಞನ್ತಿ ಏಕನಾಮಿಕಾಯ ಮನುಸ್ಸಮಾತು ಖೀರಂ। ಇಮೇಸಞ್ಹಿ ಸತ್ತಾನಂ ಗಣ್ಡುಪ್ಪಾದಕಿಪಿಲ್ಲಿಕಾದೀಸು ವಾ ಮಚ್ಛಕಚ್ಛಪಾದೀಸು ವಾ ಪಕ್ಖಿಜಾತೇಸು ವಾ ನಿಬ್ಬತ್ತಕಾಲೇ ಮಾತುಖೀರಮೇವ ನತ್ಥಿ, ಅಜಪಸುಮಹಿಂಸಾದೀಸು ನಿಬ್ಬತ್ತಕಾಲೇ ಖೀರಂ ಅತ್ಥಿ, ತಥಾ ಮನುಸ್ಸೇಸು। ತತ್ಥ ಅಜಾದಿಕಾಲೇ ಚ ಮನುಸ್ಸೇಸು ಚಾಪಿ ‘‘ದೇವೀ ಸುಮನಾ ತಿಸ್ಸಾ’’ತಿ ಏವಂ ನಾನಾನಾಮಿಕಾನಂ ಕುಚ್ಛಿಯಂ ನಿಬ್ಬತ್ತಕಾಲೇ ಅಗ್ಗಹೇತ್ವಾ ತಿಸ್ಸಾತಿ ಏಕನಾಮಿಕಾಯ ಏವ ಮಾತು ಕುಚ್ಛಿಯಂ ನಿಬ್ಬತ್ತಕಾಲೇ ಪೀತಂ ಥಞ್ಞಂ ಚತೂಸು ಮಹಾಸಮುದ್ದೇಸು ಉದಕತೋ ಬಹುತರನ್ತಿ ವೇದಿತಬ್ಬಂ। ಚತುತ್ಥಂ।
127. Catutthe mātuthaññanti ekanāmikāya manussamātu khīraṃ. Imesañhi sattānaṃ gaṇḍuppādakipillikādīsu vā macchakacchapādīsu vā pakkhijātesu vā nibbattakāle mātukhīrameva natthi, ajapasumahiṃsādīsu nibbattakāle khīraṃ atthi, tathā manussesu. Tattha ajādikāle ca manussesu cāpi ‘‘devī sumanā tissā’’ti evaṃ nānānāmikānaṃ kucchiyaṃ nibbattakāle aggahetvā tissāti ekanāmikāya eva mātu kucchiyaṃ nibbattakāle pītaṃ thaññaṃ catūsu mahāsamuddesu udakato bahutaranti veditabbaṃ. Catutthaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೪. ಖೀರಸುತ್ತಂ • 4. Khīrasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೪. ಖೀರಸುತ್ತವಣ್ಣನಾ • 4. Khīrasuttavaṇṇanā
