| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. кид̇агад̇т̇зраг̇аат̇ааван̣н̣анаа
4. Khitakattheragāthāvaṇṇanā
лахуго вад̇а мз гааяод̇и ааяасмад̇о кид̇агад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о бад̣̇умуд̇д̇арасса бхаг̇авад̇о гаалз яагкасзнаабад̇и худ̇ваа ниб̣б̣ад̇д̇о згад̣̇ивасам̣ яагкасамааг̇амз нисинно сад̇т̇аарам̣ ан̃н̃ад̇арасмим̣ ругкамуулз нисиннам̣ д̣̇исваа убасан̇гамид̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и. д̇асса сад̇т̇аа д̇хаммам̣ д̣̇зсзси. со д̇хаммам̣ суд̇ваа ул̣аарам̣ бийд̇исоманассам̣ бавзд̣̇знд̇о абподзнд̇о удтахид̇ваа сад̇т̇аарам̣ ванд̣̇ид̇ваа бад̣̇агкин̣ам̣ гад̇ваа баггаами. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇и, кид̇агод̇исса наамам̣ ахоси. со вин̃н̃уд̇ам̣ бад̇д̇о махаамог̇г̇аллаанад̇т̇зрасса махид̣̇д̇хигабхаавам̣ суд̇ваа ‘‘ид̣̇д̇химаа бхависсаамий’’д̇и буб̣б̣ахзд̇унаа жод̣̇ияамаано баб̣б̣аж̇ид̇ваа бхаг̇авад̇о санд̇игз гаммадтаанам̣ г̇ахзд̇ваа самат̇авибассанаасу гаммам̣ гаронд̇о нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.17.1-6) –
Lahukovata me kāyoti āyasmato khitakattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto padumuttarassa bhagavato kāle yakkhasenāpati hutvā nibbatto ekadivasaṃ yakkhasamāgame nisinno satthāraṃ aññatarasmiṃ rukkhamūle nisinnaṃ disvā upasaṅkamitvā satthāraṃ vanditvā ekamantaṃ nisīdi. Tassa satthā dhammaṃ desesi. So dhammaṃ sutvā uḷāraṃ pītisomanassaṃ pavedento apphoṭento uṭṭhahitvā satthāraṃ vanditvā padakkhiṇaṃ katvā pakkāmi. So tena puññakammena devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbatti, khitakotissa nāmaṃ ahosi. So viññutaṃ patto mahāmoggallānattherassa mahiddhikabhāvaṃ sutvā ‘‘iddhimā bhavissāmī’’ti pubbahetunā codiyamāno pabbajitvā bhagavato santike kammaṭṭhānaṃ gahetvā samathavipassanāsu kammaṃ karonto nacirasseva chaḷabhiñño ahosi. Tena vuttaṃ apadāne (apa. thera 1.17.1-6) –
‘‘бад̣̇умо наама наамзна, д̣̇вибад̣̇инд̣̇о нараасабхо;
‘‘Padumo nāma nāmena, dvipadindo narāsabho;
баванаа абхинигкамма, д̇хаммам̣ д̣̇зсзд̇и жагкумаа.
Pavanā abhinikkhamma, dhammaṃ deseti cakkhumā.
‘‘яагкаанам̣ самаяо ааси, авид̣̇уурз махзсино;
‘‘Yakkhānaṃ samayo āsi, avidūre mahesino;
язна гижжзна самбад̇д̇аа, аж̇жхаабзгким̣су д̇аавад̣̇з.
Yena kiccena sampattā, ajjhāpekkhiṃsu tāvade.
‘‘б̣уд̣̇д̇хасса г̇ираман̃н̃ааяа, амад̇асса жа д̣̇зсанам̣;
‘‘Buddhassa giramaññāya, amatassa ca desanaṃ;
басаннажид̇д̇о сумано, абподзд̇ваа убадтахим̣.
Pasannacitto sumano, apphoṭetvā upaṭṭhahiṃ.
‘‘сужин̣н̣асса палам̣ басса, убадтаанасса сад̇т̇уно;
‘‘Suciṇṇassa phalaṃ passa, upaṭṭhānassa satthuno;
д̇им̣сагаббасахассзсу, д̣̇уг̇г̇ад̇им̣ нубабаж̇ж̇ахам̣.
Tiṃsakappasahassesu, duggatiṃ nupapajjahaṃ.
‘‘уунад̇им̣сз габбасад̇з, самалан̇гад̇анаамаго;
‘‘Ūnatiṃse kappasate, samalaṅkatanāmako;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа сависзсам̣ ид̣̇д̇хийсу васийбхаавзна анзгавихид̇ам̣ ид̣̇д̇хивид̇хам̣ бажжанубхонд̇о ид̣̇д̇хибаадихаариязна анусаасанийбаадихаариязна жа сад̇д̇аанам̣ ануг̇г̇ахам̣ гаронд̇о вихарад̇и. со бхигкуухи, ‘‘гат̇ам̣ д̇вам̣, аавусо, ид̣̇д̇хи вал̣ан̃ж̇зсий’’д̇и будто д̇амад̇т̇ам̣ аажигканд̇о –
Arahattaṃ pana patvā savisesaṃ iddhīsu vasībhāvena anekavihitaṃ iddhividhaṃ paccanubhonto iddhipāṭihāriyena anusāsanīpāṭihāriyena ca sattānaṃ anuggahaṃ karonto viharati. So bhikkhūhi, ‘‘kathaṃ tvaṃ, āvuso, iddhi vaḷañjesī’’ti puṭṭho tamatthaṃ ācikkhanto –
104.
104.
‘‘лахуго вад̇а мз гааяо, пудто жа бийд̇исукзна вибулзна;
‘‘Lahuko vata me kāyo, phuṭṭho ca pītisukhena vipulena;
д̇ууламива зрид̇ам̣ маалуд̇зна, билавад̇ийва мз гааяо’’д̇и. –
Tūlamiva eritaṃ mālutena, pilavatīva me kāyo’’ti. –
г̇аат̇ам̣ абхааси. ‘‘уд̣̇аанавасзнаа’’д̇иби вад̣̇анд̇иязва.
Gāthaṃ abhāsi. ‘‘Udānavasenā’’tipi vadantiyeva.
д̇ад̇т̇а лахуго вад̇а мз гааяод̇и нийваран̣аад̣̇ивигкамбханзна жуд̣̇д̣̇асавид̇хзна жид̇д̇абарид̣̇аманзна жад̇урид̣̇д̇хибаад̣̇агабхааванааяа судту жин̣н̣авасийбхаавзна жа мз руубагааяо саллахуго вад̇а, язна д̣̇анд̇хам̣ махаабхууд̇абажжаяамби наама имам̣ гараж̇агааяам̣ жид̇д̇авасзна барин̣аамзмийд̇и ад̇хиббааяо. пудто жа бийд̇исукзна вибулзнаад̇и саб̣б̣ад̇т̇агамзва паранд̇зна махад̇аа ул̣аарзна бийд̇исахид̇зна сукзна пудто жа мз гааяод̇и яож̇анаа. ид̣̇ан̃жа яат̇аа гааяо лахуго ахоси, д̇ам̣ д̣̇ассанад̇т̇ам̣ вуд̇д̇ам̣. сукасан̃н̃оггаманзна хи сад̣̇д̇хим̣язва лахусан̃н̃оггаманам̣ ход̇и. сукасса паран̣ан̃жзд̇т̇а д̇ам̣самудтаанаруубавасзна д̣̇адтаб̣б̣ам̣ гат̇ам̣ бана жад̇уд̇т̇аж̇жхаанасаман̇г̇ино бийд̇исукапаран̣ам̣, самад̇игганд̇абийд̇исукан̃хи д̇анд̇и жз? сажжамзд̇ам̣, ид̣̇ам̣ бана на жад̇уд̇т̇аж̇жхааналагкан̣авасзна вуд̇д̇ам̣, ат̇а ко буб̣б̣абхааг̇авасзна. ‘‘бийд̇исукзнаа’’д̇и бана бийд̇исахид̇асад̣̇исзна сукзна, убзгкаа хи ид̇ха санд̇асабхаавад̇ааяа н̃аан̣ависзсаяог̇ад̇о жа суканд̇и ад̇хиббзд̇ам̣. д̇ат̇аа хи вуд̇д̇ам̣ ‘‘сукасан̃н̃ан̃жа лахусан̃н̃ан̃жа оггамад̇ий’’д̇и (бади. ма. 1.101). баад̣̇агаж̇жхаанаарамман̣зна руубагааяаарамман̣зна ваа ид̣̇д̇хижид̇д̇зна сахаж̇аад̇ам̣ сукасан̃н̃ан̃жа лахусан̃н̃ан̃жа оггамад̇и бависад̇и пусад̇и самбаабун̣аад̇ийд̇и аяамби д̇ад̇т̇а ад̇т̇о. д̇ат̇аа жааха адтагат̇ааяам̣ (бади. ма. адта. 2.3.12) – ‘‘сукасан̃н̃аа наама убзгкаасамбаяуд̇д̇аа сан̃н̃аа. убзгкаа хи санд̇ам̣ суканд̇и вуд̇д̇ам̣ сааязва сан̃н̃аа нийваран̣зхи жзва вид̇аггаад̣̇ибажжанийгзхи жа вимуд̇д̇ад̇д̇аа лахусан̃н̃аад̇иби взд̣̇ид̇аб̣б̣аа. д̇ам̣ огганд̇асса банасса гараж̇агааяоби д̇уулабижу вияа саллахуго ход̇и. со звам̣ ваад̇агкид̇д̇ад̇уулабижуно вияа саллахугзна д̣̇иссамаанзна гааязна б̣рахмалогам̣ г̇ажчад̇ий’’д̇и. д̇знааха ‘‘д̇ууламива зрид̇ам̣ маалуд̇зна, билавад̇ийва мз гааяо’’д̇и. д̇ассад̇т̇о – яад̣̇аахам̣ б̣рахмалогам̣ ан̃н̃ам̣ ваа ид̣̇д̇хияаа г̇анд̇угаамо хоми, д̇ад̣̇аа маалуд̇зна вааяунаа зрид̇ам̣ жид̇д̇ам̣ д̇уулабижу вияа аагаасам̣ лан̇гханд̇оязва мз гааяо ход̇ийд̇и.
Tattha lahuko vata me kāyoti nīvaraṇādivikkhambhanena cuddasavidhena cittaparidamanena caturiddhipādakabhāvanāya suṭṭhu ciṇṇavasībhāvena ca me rūpakāyo sallahuko vata, yena dandhaṃ mahābhūtapaccayampi nāma imaṃ karajakāyaṃ cittavasena pariṇāmemīti adhippāyo. Phuṭṭho ca pītisukhenavipulenāti sabbatthakameva pharantena mahatā uḷārena pītisahitena sukhena phuṭṭho ca me kāyoti yojanā. Idañca yathā kāyo lahuko ahosi, taṃ dassanatthaṃ vuttaṃ. Sukhasaññokkamanena hi saddhiṃyeva lahusaññokkamanaṃ hoti. Sukhassa pharaṇañcettha taṃsamuṭṭhānarūpavasena daṭṭhabbaṃ kathaṃ pana catutthajjhānasamaṅgino pītisukhapharaṇaṃ, samatikkantapītisukhañhi tanti ce? Saccametaṃ, idaṃ pana na catutthajjhānalakkhaṇavasena vuttaṃ, atha kho pubbabhāgavasena. ‘‘Pītisukhenā’’ti pana pītisahitasadisena sukhena, upekkhā hi idha santasabhāvatāya ñāṇavisesayogato ca sukhanti adhippetaṃ. Tathā hi vuttaṃ ‘‘sukhasaññañca lahusaññañca okkamatī’’ti (paṭi. ma. 1.101). Pādakajjhānārammaṇena rūpakāyārammaṇena vā iddhicittena sahajātaṃ sukhasaññañca lahusaññañca okkamati pavisati phusati sampāpuṇātīti ayampi tattha attho. Tathā cāha aṭṭhakathāyaṃ (paṭi. ma. aṭṭha. 2.3.12) – ‘‘sukhasaññā nāma upekkhāsampayuttā saññā. Upekkhā hi santaṃ sukhanti vuttaṃ sāyeva saññā nīvaraṇehi ceva vitakkādipaccanīkehi ca vimuttattā lahusaññātipi veditabbā. Taṃ okkantassa panassa karajakāyopi tūlapicu viya sallahuko hoti. So evaṃ vātakkhittatūlapicuno viya sallahukena dissamānena kāyena brahmalokaṃ gacchatī’’ti. Tenāha ‘‘tūlamiva eritaṃ mālutena, pilavatīva me kāyo’’ti. Tassattho – yadāhaṃ brahmalokaṃ aññaṃ vā iddhiyā gantukāmo homi, tadā mālutena vāyunā eritaṃ cittaṃ tūlapicu viya ākāsaṃ laṅghantoyeva me kāyo hotīti.
кид̇агад̇т̇зраг̇аат̇ааван̣н̣анаа нидтид̇аа.
Khitakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. кид̇агад̇т̇зраг̇аат̇аа • 4. Khitakattheragāthā
