| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. โขมทายกเตฺถรอปทานํ
10. Khomadāyakattheraapadānaṃ
๑๘๔.
184.
‘‘นคเร พนฺธุมติยา, อโหสิํ วาณิโช ตทา;
‘‘Nagare bandhumatiyā, ahosiṃ vāṇijo tadā;
เตเนว ทารํ โปเสมิ, โรเปมิ พีชสมฺปทํฯ
Teneva dāraṃ posemi, ropemi bījasampadaṃ.
๑๘๕.
185.
‘‘รถิยํ ปฎิปนฺนสฺส, วิปสฺสิสฺส มเหสิโน;
‘‘Rathiyaṃ paṭipannassa, vipassissa mahesino;
เอกํ โขมํ มยา ทินฺนํ, กุสลตฺถาย สตฺถุโนฯ
Ekaṃ khomaṃ mayā dinnaṃ, kusalatthāya satthuno.
๑๘๖.
186.
‘‘เอกนวุติโต กเปฺป, ยํ โขมมททิํ ตทา;
‘‘Ekanavutito kappe, yaṃ khomamadadiṃ tadā;
ทุคฺคติํ นาภิชานามิ, โขมทานสฺสิทํ ผลํฯ
Duggatiṃ nābhijānāmi, khomadānassidaṃ phalaṃ.
๑๘๗.
187.
สตฺตรตนสมฺปโนฺน, จตุทีปมฺหิ อิสฺสโรฯ
Sattaratanasampanno, catudīpamhi issaro.
๑๘๘.
188.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา โขมทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā khomadāyako thero imā gāthāyo abhāsitthāti.
โขมทายกเตฺถรสฺสาปทานํ ทสมํฯ
Khomadāyakattherassāpadānaṃ dasamaṃ.
ตสฺสุทฺทานํ –
Tassuddānaṃ –
สุสูติ อุปวาโน จ, สรโณ สีลคาหโก;
Susūti upavāno ca, saraṇo sīlagāhako;
อนฺนสํสาวโก โขมทายี จ, ทเสว ตติเย คเณ;
Annasaṃsāvako khomadāyī ca, daseva tatiye gaṇe;
อญฺชลี โขมทายี จ, ทเสว ตติเย คเณ;
Añjalī khomadāyī ca, daseva tatiye gaṇe;
ปญฺจาลีสีติสตํ วุตฺตา, คาถาโย สพฺพปิณฺฑิตาฯ
Pañcālīsītisataṃ vuttā, gāthāyo sabbapiṇḍitā.
สุภูติวโคฺค ตติโยฯ
Subhūtivaggo tatiyo.
จตุตฺถภาณวารํฯ
Catutthabhāṇavāraṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑๐. โขมทายกเตฺถรอปทานวณฺณนา • 10. Khomadāyakattheraapadānavaṇṇanā
