| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. ඛොමදායකත්‌ථෙරඅපදානං
10. Khomadāyakattheraapadānaṃ
184.
184.
‘‘නගරෙ බන්‌ධුමතියා, අහොසිං වාණිජො තදා;
‘‘Nagare bandhumatiyā, ahosiṃ vāṇijo tadā;
තෙනෙව දාරං පොසෙමි, රොපෙමි බීජසම්‌පදං.
Teneva dāraṃ posemi, ropemi bījasampadaṃ.
185.
185.
‘‘රථියං පටිපන්‌නස්‌ස, විපස්‌සිස්‌ස මහෙසිනො;
‘‘Rathiyaṃ paṭipannassa, vipassissa mahesino;
එකං ඛොමං මයා දින්‌නං, කුසලත්‌ථාය සත්‌ථුනො.
Ekaṃ khomaṃ mayā dinnaṃ, kusalatthāya satthuno.
186.
186.
‘‘එකනවුතිතො කප්‌පෙ, යං ඛොමමදදිං තදා;
‘‘Ekanavutito kappe, yaṃ khomamadadiṃ tadā;
දුග්‌ගතිං නාභිජානාමි, ඛොමදානස්‌සිදං ඵලං.
Duggatiṃ nābhijānāmi, khomadānassidaṃ phalaṃ.
187.
187.
සත්‌තරතනසම්‌පන්‌නො, චතුදීපම්‌හි ඉස්‌සරො.
Sattaratanasampanno, catudīpamhi issaro.
188.
188.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා ඛොමදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā khomadāyako thero imā gāthāyo abhāsitthāti.
ඛොමදායකත්‌ථෙරස්‌සාපදානං දසමං.
Khomadāyakattherassāpadānaṃ dasamaṃ.
තස්‌සුද්‌දානං –
Tassuddānaṃ –
සුසූති උපවානො ච, සරණො සීලගාහකො;
Susūti upavāno ca, saraṇo sīlagāhako;
අන්‌නසංසාවකො ඛොමදායී ච, දසෙව තතියෙ ගණෙ;
Annasaṃsāvako khomadāyī ca, daseva tatiye gaṇe;
අඤ්‌ජලී ඛොමදායී ච, දසෙව තතියෙ ගණෙ;
Añjalī khomadāyī ca, daseva tatiye gaṇe;
පඤ්‌චාලීසීතිසතං වුත්‌තා, ගාථායො සබ්‌බපිණ්‌ඩිතා.
Pañcālīsītisataṃ vuttā, gāthāyo sabbapiṇḍitā.
සුභූතිවග්‌ගො තතියො.
Subhūtivaggo tatiyo.
චතුත්‌ථභාණවාරං.
Catutthabhāṇavāraṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 10. ඛොමදායකත්‌ථෙරඅපදානවණ්‌ණනා • 10. Khomadāyakattheraapadānavaṇṇanā
