| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
10. கோ²மதா³யகத்தே²ரஅபதா³னவண்ணனா
10. Khomadāyakattheraapadānavaṇṇanā
நக³ரே ப³ந்து⁴மதியாதிஆதி³கங் ஆயஸ்மதோ கோ²மதா³யகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ விபஸ்ஸிஸ்ஸ ப⁴க³வதோ காலே ஏகஸ்மிங் குலகே³ஹே நிப்³ப³த்தோ வயப்பத்தோ ஸாஸனே அபி⁴ப்பஸன்னோ ரதனத்தயமாமகோ விபஸ்ஸிஸ்ஸ ப⁴க³வதோ ஸந்திகே த⁴ம்மங் ஸுத்வா பஸன்னமானஸோ கோ²மது³ஸ்ஸேன பூஜங் அகாஸி. ஸோ ததே³வ மூலங் கத்வா யாவஜீவங் புஞ்ஞானி கத்வா ததோ தே³வலோகே நிப்³ப³த்தோ. ச²ஸு தே³வேஸு அபராபரங் தி³ப்³ப³ஸுக²ங் அனுப⁴வித்வா ததோ சவித்வா மனுஸ்ஸலோகே சக்கவத்திஆதி³அனேகவித⁴மனுஸ்ஸஸம்பத்திங் அனுப⁴வித்வா பரிபாகக³தே புஞ்ஞஸம்பா⁴ரே இமஸ்மிங் பு³த்³து⁴ப்பாதே³ குலகே³ஹே நிப்³ப³த்தோ வயப்பத்தோ ஸத்து² ஸந்திகே த⁴ம்மங் ஸுத்வா படிலத்³த⁴ஸத்³தோ⁴ பப்³ப³ஜித்வா விபஸ்ஸனங் வட்³டெ⁴த்வா நசிரஸ்ஸேவ அரஹத்தங் பாபுணி. கதபுஞ்ஞனாமேன கோ²மதா³யகத்தே²ரோதி பாகடோ.
Nagare bandhumatiyātiādikaṃ āyasmato khomadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kulagehe nibbatto vayappatto sāsane abhippasanno ratanattayamāmako vipassissa bhagavato santike dhammaṃ sutvā pasannamānaso khomadussena pūjaṃ akāsi. So tadeva mūlaṃ katvā yāvajīvaṃ puññāni katvā tato devaloke nibbatto. Chasu devesu aparāparaṃ dibbasukhaṃ anubhavitvā tato cavitvā manussaloke cakkavattiādianekavidhamanussasampattiṃ anubhavitvā paripākagate puññasambhāre imasmiṃ buddhuppāde kulagehe nibbatto vayappatto satthu santike dhammaṃ sutvā paṭiladdhasaddho pabbajitvā vipassanaṃ vaḍḍhetvā nacirasseva arahattaṃ pāpuṇi. Katapuññanāmena khomadāyakattheroti pākaṭo.
184. ஸோ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் த³ஸ்ஸெந்தோ நக³ரே ப³ந்து⁴மதியாதிஆதி³மாஹ. தத்த² ப³ந்து⁴ வுச்சதி ஞாதகோ, தே ப³ந்தூ⁴ யஸ்மிங் நக³ரே அஞ்ஞமஞ்ஞங் ஸங்க⁴டிதா வஸந்தி, தங் நக³ரங் ‘‘ப³ந்து⁴மதீ’’தி வுச்சதி. ரோபேமி பீ³ஜஸம்பத³ந்தி தா³னஸீலாதி³புஞ்ஞபீ³ஜஸம்பத்திங் ரோபேமி பட்ட²பேமீதி அத்தோ².
184. So attano pubbakammaṃ saritvā somanassajāto pubbacaritāpadānaṃ dassento nagare bandhumatiyātiādimāha. Tattha bandhu vuccati ñātako, te bandhū yasmiṃ nagare aññamaññaṃ saṅghaṭitā vasanti, taṃ nagaraṃ ‘‘bandhumatī’’ti vuccati. Ropemi bījasampadanti dānasīlādipuññabījasampattiṃ ropemi paṭṭhapemīti attho.
கோ²மதா³யகத்தே²ரஅபதா³னவண்ணனா ஸமத்தா.
Khomadāyakattheraapadānavaṇṇanā samattā.
ததியஸ்ஸ ஸுபூ⁴திவக்³க³ஸ்ஸ வண்ணனா ஸமத்தா.
Tatiyassa subhūtivaggassa vaṇṇanā samattā.
சதுபா⁴ணவாரவண்ணனா நிட்டி²தா.
Catubhāṇavāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 10. கோ²மதா³யகத்தே²ரஅபதா³னங் • 10. Khomadāyakattheraapadānaṃ
