| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. комад̣̇ааяагад̇т̇зраабад̣̇аанаван̣н̣анаа
10. Khomadāyakattheraapadānavaṇṇanā
наг̇арз б̣анд̇хумад̇ияаад̇иаад̣̇игам̣ ааяасмад̇о комад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз згасмим̣ гулаг̇зхз ниб̣б̣ад̇д̇о ваяаббад̇д̇о саасанз абхиббасанно рад̇анад̇д̇аяамаамаго вибассисса бхаг̇авад̇о санд̇игз д̇хаммам̣ суд̇ваа басаннамаанасо комад̣̇уссзна бууж̇ам̣ агааси. со д̇ад̣̇зва муулам̣ гад̇ваа яааваж̇ийвам̣ бун̃н̃аани гад̇ваа д̇ад̇о д̣̇звалогз ниб̣б̣ад̇д̇о. часу д̣̇звзсу абараабарам̣ д̣̇иб̣б̣асукам̣ анубхавид̇ваа д̇ад̇о жавид̇ваа мануссалогз жаггавад̇д̇иаад̣̇ианзгавид̇хамануссасамбад̇д̇им̣ анубхавид̇ваа барибаагаг̇ад̇з бун̃н̃асамбхаарз имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о ваяаббад̇д̇о сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ вад̣дхзд̇ваа нажирассзва арахад̇д̇ам̣ баабун̣и. гад̇абун̃н̃анаамзна комад̣̇ааяагад̇т̇зрод̇и баагадо.
Nagare bandhumatiyātiādikaṃ āyasmato khomadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kulagehe nibbatto vayappatto sāsane abhippasanno ratanattayamāmako vipassissa bhagavato santike dhammaṃ sutvā pasannamānaso khomadussena pūjaṃ akāsi. So tadeva mūlaṃ katvā yāvajīvaṃ puññāni katvā tato devaloke nibbatto. Chasu devesu aparāparaṃ dibbasukhaṃ anubhavitvā tato cavitvā manussaloke cakkavattiādianekavidhamanussasampattiṃ anubhavitvā paripākagate puññasambhāre imasmiṃ buddhuppāde kulagehe nibbatto vayappatto satthu santike dhammaṃ sutvā paṭiladdhasaddho pabbajitvā vipassanaṃ vaḍḍhetvā nacirasseva arahattaṃ pāpuṇi. Katapuññanāmena khomadāyakattheroti pākaṭo.
184. со ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ д̣̇ассзнд̇о наг̇арз б̣анд̇хумад̇ияаад̇иаад̣̇имааха. д̇ад̇т̇а б̣анд̇ху вужжад̇и н̃аад̇аго, д̇з б̣анд̇хуу яасмим̣ наг̇арз ан̃н̃аман̃н̃ам̣ сан̇гхадид̇аа васанд̇и, д̇ам̣ наг̇арам̣ ‘‘б̣анд̇хумад̇ий’’д̇и вужжад̇и. робзми б̣ийж̇асамбад̣̇анд̇и д̣̇аанасийлаад̣̇ибун̃н̃аб̣ийж̇асамбад̇д̇им̣ робзми бадтабзмийд̇и ад̇т̇о.
184. So attano pubbakammaṃ saritvā somanassajāto pubbacaritāpadānaṃ dassento nagare bandhumatiyātiādimāha. Tattha bandhu vuccati ñātako, te bandhū yasmiṃ nagare aññamaññaṃ saṅghaṭitā vasanti, taṃ nagaraṃ ‘‘bandhumatī’’ti vuccati. Ropemi bījasampadanti dānasīlādipuññabījasampattiṃ ropemi paṭṭhapemīti attho.
комад̣̇ааяагад̇т̇зраабад̣̇аанаван̣н̣анаа самад̇д̇аа.
Khomadāyakattheraapadānavaṇṇanā samattā.
д̇ад̇ияасса субхууд̇иваг̇г̇асса ван̣н̣анаа самад̇д̇аа.
Tatiyassa subhūtivaggassa vaṇṇanā samattā.
жад̇убхаан̣аваараван̣н̣анаа нидтид̇аа.
Catubhāṇavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. комад̣̇ааяагад̇т̇зраабад̣̇аанам̣ • 10. Khomadāyakattheraapadānaṃ
