| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
12. комад̣̇уссасуд̇д̇ам̣
12. Khomadussasuttaṃ
208. звам̣ мз суд̇ам̣ – згам̣ самаяам̣ бхаг̇аваа саггзсу вихарад̇и комад̣̇уссам̣ наамам̣ сагяаанам̣ ниг̇амо. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа комад̣̇уссам̣ ниг̇амам̣ бин̣д̣ааяа баависи. д̇зна ко бана самаязна комад̣̇уссагаа б̣раахман̣аг̇ахабад̇игаа сабхааяам̣ саннибад̇ид̇аа хонд̇и гзнажид̣̇зва гаран̣ийязна, д̣̇зво жа згамзгам̣ пусааяад̇и. ат̇а ко бхаг̇аваа язна саа сабхаа д̇знубасан̇гами. ад̣̇д̣̇асам̣су комад̣̇уссагаа б̣раахман̣аг̇ахабад̇игаа бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана зд̇ад̣̇авожум̣ – ‘‘гз жа мун̣д̣агаа саман̣агаа, гз жа сабхаад̇хаммам̣ ж̇ааниссанд̇ий’’д̇и? ат̇а ко бхаг̇аваа комад̣̇уссагз б̣раахман̣аг̇ахабад̇игз г̇аат̇ааяа аж̇жхабхааси –
208. Evaṃ me sutaṃ – ekaṃ samayaṃ bhagavā sakkesu viharati khomadussaṃ nāmaṃ sakyānaṃ nigamo. Atha kho bhagavā pubbaṇhasamayaṃ nivāsetvā pattacīvaramādāya khomadussaṃ nigamaṃ piṇḍāya pāvisi. Tena kho pana samayena khomadussakā brāhmaṇagahapatikā sabhāyaṃ sannipatitā honti kenacideva karaṇīyena, devo ca ekamekaṃ phusāyati. Atha kho bhagavā yena sā sabhā tenupasaṅkami. Addasaṃsu khomadussakā brāhmaṇagahapatikā bhagavantaṃ dūratova āgacchantaṃ. Disvāna etadavocuṃ – ‘‘ke ca muṇḍakā samaṇakā, ke ca sabhādhammaṃ jānissantī’’ti? Atha kho bhagavā khomadussake brāhmaṇagahapatike gāthāya ajjhabhāsi –
‘‘нзсаа сабхаа яад̇т̇а на санд̇и санд̇о,
‘‘Nesā sabhā yattha na santi santo,
санд̇о на д̇з яз на вад̣̇анд̇и д̇хаммам̣;
Santo na te ye na vadanti dhammaṃ;
рааг̇ан̃жа д̣̇осан̃жа бахааяа мохам̣,
Rāgañca dosañca pahāya mohaṃ,
д̇хаммам̣ вад̣̇анд̇аа жа бхаванд̇и санд̇о’’д̇и.
Dhammaṃ vadantā ca bhavanti santo’’ti.
звам̣ вуд̇д̇з, комад̣̇уссагаа б̣раахман̣аг̇ахабад̇игаа бхаг̇аванд̇ам̣ зд̇ад̣̇авожум̣ – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама; сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и, звамзвам̣ бход̇аа г̇од̇амзна анзгабарияааязна д̇хаммо багаасид̇о. зд̇з маяам̣ бхаванд̇ам̣ г̇од̇амам̣ саран̣ам̣ г̇ажчаама д̇хамман̃жа бхигкусан̇гхан̃жа. убаасагз но бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇з саран̣ам̣ г̇ад̇з’’д̇и.
Evaṃ vutte, khomadussakā brāhmaṇagahapatikā bhagavantaṃ etadavocuṃ – ‘‘abhikkantaṃ, bho gotama, abhikkantaṃ, bho gotama; seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti, evamevaṃ bhotā gotamena anekapariyāyena dhammo pakāsito. Ete mayaṃ bhavantaṃ gotamaṃ saraṇaṃ gacchāma dhammañca bhikkhusaṅghañca. Upāsake no bhavaṃ gotamo dhāretu ajjatagge pāṇupete saraṇaṃ gate’’ti.
убаасагаваг̇г̇о д̣̇уд̇ияо.
Upāsakavaggo dutiyo.
д̇ассуд̣̇д̣̇аанам̣ –
Tassuddānaṃ –
гаси уд̣̇аяо д̣̇звахид̇о, ан̃н̃ад̇арамахаасаалам̣;
Kasi udayo devahito, aññataramahāsālaṃ;
маанат̇ад̣̇д̇хам̣ бажжанийгам̣, навагаммигагадтахаарам̣;
Mānathaddhaṃ paccanīkaṃ, navakammikakaṭṭhahāraṃ;
маад̇убосагам̣ бхигкаго, сан̇г̇аараво жа комад̣̇уссзна д̣̇ваад̣̇асаад̇и.
Mātuposakaṃ bhikkhako, saṅgāravo ca khomadussena dvādasāti.
б̣раахман̣асам̣яуд̇д̇ам̣ самад̇д̇ам̣.
Brāhmaṇasaṃyuttaṃ samattaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 12. комад̣̇уссасуд̇д̇аван̣н̣анаа • 12. Khomadussasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 12. комад̣̇уссасуд̇д̇аван̣н̣анаа • 12. Khomadussasuttavaṇṇanā
