| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
১২. খোমদুস্সসুত্তৰণ্ণনা
12. Khomadussasuttavaṇṇanā
২০৮. দ্ৰাদসমে খোমদুস্সং নামাতি খোমদুস্সানং উস্সন্নত্তা এৰংলদ্ধনামং। সভাযন্তি সালাযং। ফুসাযতীতি ফুসিতানি মুঞ্চতি ৰস্সতি। সত্থা কির তং সভং উপসঙ্কমিতুকামো – ‘‘মযি এৰমেৰং উপসঙ্কমন্তে অফাসুকধাতুকং হোতি, একং কারণং পটিচ্চ উপসঙ্কমিস্সামী’’তি অধিট্ঠানৰসেন ৰুট্ঠিং উপ্পাদেসি। সভাধম্মন্তি সুখনিসিন্নে কির অসঞ্চালেত্ৰা একপস্সেন পৰিসনং তেসং সভাধম্মো নাম, ন মহাজনং চালেত্ৰা উজুকমেৰ পৰিসনং। ভগৰা চ উজুকমেৰ আগচ্ছতি, তেন তে কুপিতা ভগৰন্তং হীল়েন্তা ‘‘কে চ মুণ্ডকা সমণকা, কে চ সভাধম্মং জানিস্সন্তী’’তি আহংসু। সন্তোতি পণ্ডিতা সপ্পুরিসা। পহাযাতি এতে রাগাদযো জহিত্ৰা রাগাদিৰিনযায ধম্মং ভণন্তি, তস্মা তে সন্তো নামাতি। দ্ৰাদসমং।
208. Dvādasame khomadussaṃ nāmāti khomadussānaṃ ussannattā evaṃladdhanāmaṃ. Sabhāyanti sālāyaṃ. Phusāyatīti phusitāni muñcati vassati. Satthā kira taṃ sabhaṃ upasaṅkamitukāmo – ‘‘mayi evamevaṃ upasaṅkamante aphāsukadhātukaṃ hoti, ekaṃ kāraṇaṃ paṭicca upasaṅkamissāmī’’ti adhiṭṭhānavasena vuṭṭhiṃ uppādesi. Sabhādhammanti sukhanisinne kira asañcāletvā ekapassena pavisanaṃ tesaṃ sabhādhammo nāma, na mahājanaṃ cāletvā ujukameva pavisanaṃ. Bhagavā ca ujukameva āgacchati, tena te kupitā bhagavantaṃ hīḷentā ‘‘ke ca muṇḍakā samaṇakā, ke ca sabhādhammaṃ jānissantī’’ti āhaṃsu. Santoti paṇḍitā sappurisā. Pahāyāti ete rāgādayo jahitvā rāgādivinayāya dhammaṃ bhaṇanti, tasmā te santo nāmāti. Dvādasamaṃ.
উপাসকৰগ্গো দুতিযো।
Upāsakavaggo dutiyo.
ইতি সারত্থপ্পকাসিনিযা
Iti sāratthappakāsiniyā
সংযুত্তনিকায-অট্ঠকথায
Saṃyuttanikāya-aṭṭhakathāya
ব্রাহ্মণসংযুত্তৰণ্ণনা নিট্ঠিতা।
Brāhmaṇasaṃyuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১২. খোমদুস্সসুত্তং • 12. Khomadussasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১২. খোমদুস্সসুত্তৰণ্ণনা • 12. Khomadussasuttavaṇṇanā
