| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১২. খোমদুস্সসুত্তৰণ্ণনা
12. Khomadussasuttavaṇṇanā
২০৮. এৰংলদ্ধনামং পিণ্ডায পাৰিসীতি যোজনা। এৰমেৰন্তি কেনচি অনিমন্তিতেন সযমেৰ উপসঙ্কমন্তে। অফাসুকধাতুকন্তি অযুত্তরূপং। সভাধম্মন্তি সভায চরিতব্বং চারিত্তধম্মং। অসঞ্চালেত্ৰাতি আসনতো অৰুট্ঠাপেত্ৰা। উজুকমেৰ আগচ্ছতি লোকগ্গনাযকো ভগৰা সব্বসত্তুত্তমো অত্তনো উত্তরিতরস্স অভাৰতো লোকস্স অপচিতিং ন দস্সেতি। যে সব্বসো সংকিলেসে পজহন্তি, তেৰ পণ্ডিতে ‘‘সন্তো’’তি দস্সেতি ‘‘এতে’’তিআদিনা।
208. Evaṃladdhanāmaṃ piṇḍāya pāvisīti yojanā. Evamevanti kenaci animantitena sayameva upasaṅkamante. Aphāsukadhātukanti ayuttarūpaṃ. Sabhādhammanti sabhāya caritabbaṃ cārittadhammaṃ. Asañcāletvāti āsanato avuṭṭhāpetvā. Ujukameva āgacchati lokagganāyako bhagavā sabbasattuttamo attano uttaritarassa abhāvato lokassa apacitiṃ na dasseti. Ye sabbaso saṃkilese pajahanti, teva paṇḍite ‘‘santo’’ti dasseti ‘‘ete’’tiādinā.
খোমদুস্সসুত্তৰণ্ণনা নিট্ঠিতা।
Khomadussasuttavaṇṇanā niṭṭhitā.
দুতিযৰগ্গৰণ্ণনা নিট্ঠিতা।
Dutiyavaggavaṇṇanā niṭṭhitā.
সারত্থপ্পকাসিনিযা সংযুত্তনিকায-অট্ঠকথায
Sāratthappakāsiniyā saṃyuttanikāya-aṭṭhakathāya
ব্রাহ্মণসংযুত্তৰণ্ণনায লীনত্থপ্পকাসনা সমত্তা।
Brāhmaṇasaṃyuttavaṇṇanāya līnatthappakāsanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১২. খোমদুস্সসুত্তং • 12. Khomadussasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১২. খোমদুস্সসুত্তৰণ্ণনা • 12. Khomadussasuttavaṇṇanā
