| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౧౨. ఖోమదుస్ససుత్తవణ్ణనా
12. Khomadussasuttavaṇṇanā
౨౦౮. ద్వాదసమే ఖోమదుస్సం నామాతి ఖోమదుస్సానం ఉస్సన్నత్తా ఏవంలద్ధనామం. సభాయన్తి సాలాయం. ఫుసాయతీతి ఫుసితాని ముఞ్చతి వస్సతి. సత్థా కిర తం సభం ఉపసఙ్కమితుకామో – ‘‘మయి ఏవమేవం ఉపసఙ్కమన్తే అఫాసుకధాతుకం హోతి, ఏకం కారణం పటిచ్చ ఉపసఙ్కమిస్సామీ’’తి అధిట్ఠానవసేన వుట్ఠిం ఉప్పాదేసి. సభాధమ్మన్తి సుఖనిసిన్నే కిర అసఞ్చాలేత్వా ఏకపస్సేన పవిసనం తేసం సభాధమ్మో నామ, న మహాజనం చాలేత్వా ఉజుకమేవ పవిసనం. భగవా చ ఉజుకమేవ ఆగచ్ఛతి, తేన తే కుపితా భగవన్తం హీళేన్తా ‘‘కే చ ముణ్డకా సమణకా, కే చ సభాధమ్మం జానిస్సన్తీ’’తి ఆహంసు. సన్తోతి పణ్డితా సప్పురిసా. పహాయాతి ఏతే రాగాదయో జహిత్వా రాగాదివినయాయ ధమ్మం భణన్తి, తస్మా తే సన్తో నామాతి. ద్వాదసమం.
208. Dvādasame khomadussaṃ nāmāti khomadussānaṃ ussannattā evaṃladdhanāmaṃ. Sabhāyanti sālāyaṃ. Phusāyatīti phusitāni muñcati vassati. Satthā kira taṃ sabhaṃ upasaṅkamitukāmo – ‘‘mayi evamevaṃ upasaṅkamante aphāsukadhātukaṃ hoti, ekaṃ kāraṇaṃ paṭicca upasaṅkamissāmī’’ti adhiṭṭhānavasena vuṭṭhiṃ uppādesi. Sabhādhammanti sukhanisinne kira asañcāletvā ekapassena pavisanaṃ tesaṃ sabhādhammo nāma, na mahājanaṃ cāletvā ujukameva pavisanaṃ. Bhagavā ca ujukameva āgacchati, tena te kupitā bhagavantaṃ hīḷentā ‘‘ke ca muṇḍakā samaṇakā, ke ca sabhādhammaṃ jānissantī’’ti āhaṃsu. Santoti paṇḍitā sappurisā. Pahāyāti ete rāgādayo jahitvā rāgādivinayāya dhammaṃ bhaṇanti, tasmā te santo nāmāti. Dvādasamaṃ.
ఉపాసకవగ్గో దుతియో.
Upāsakavaggo dutiyo.
ఇతి సారత్థప్పకాసినియా
Iti sāratthappakāsiniyā
సంయుత్తనికాయ-అట్ఠకథాయ
Saṃyuttanikāya-aṭṭhakathāya
బ్రాహ్మణసంయుత్తవణ్ణనా నిట్ఠితా.
Brāhmaṇasaṃyuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧౨. ఖోమదుస్ససుత్తం • 12. Khomadussasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧౨. ఖోమదుస్ససుత్తవణ్ణనా • 12. Khomadussasuttavaṇṇanā
