| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๑๒. โขมทุสฺสสุตฺตวณฺณนา
12. Khomadussasuttavaṇṇanā
๒๐๘. ทฺวาทสเม โขมทุสฺสํ นามาติ โขมทุสฺสานํ อุสฺสนฺนตฺตา เอวํลทฺธนามํฯ สภายนฺติ สาลายํฯ ผุสายตีติ ผุสิตานิ มุญฺจติ วสฺสติฯ สตฺถา กิร ตํ สภํ อุปสงฺกมิตุกาโม – ‘‘มยิ เอวเมวํ อุปสงฺกมเนฺต อผาสุกธาตุกํ โหติ, เอกํ การณํ ปฎิจฺจ อุปสงฺกมิสฺสามี’’ติ อธิฎฺฐานวเสน วุฎฺฐิํ อุปฺปาเทสิฯ สภาธมฺมนฺติ สุขนิสิเนฺน กิร อสญฺจาเลตฺวา เอกปเสฺสน ปวิสนํ เตสํ สภาธโมฺม นาม, น มหาชนํ จาเลตฺวา อุชุกเมว ปวิสนํฯ ภควา จ อุชุกเมว อาคจฺฉติ, เตน เต กุปิตา ภควนฺตํ หีเฬนฺตา ‘‘เก จ มุณฺฑกา สมณกา, เก จ สภาธมฺมํ ชานิสฺสนฺตี’’ติ อาหํสุฯ สโนฺตติ ปณฺฑิตา สปฺปุริสาฯ ปหายาติ เอเต ราคาทโย ชหิตฺวา ราคาทิวินยาย ธมฺมํ ภณนฺติ, ตสฺมา เต สโนฺต นามาติฯ ทฺวาทสมํฯ
208. Dvādasame khomadussaṃ nāmāti khomadussānaṃ ussannattā evaṃladdhanāmaṃ. Sabhāyanti sālāyaṃ. Phusāyatīti phusitāni muñcati vassati. Satthā kira taṃ sabhaṃ upasaṅkamitukāmo – ‘‘mayi evamevaṃ upasaṅkamante aphāsukadhātukaṃ hoti, ekaṃ kāraṇaṃ paṭicca upasaṅkamissāmī’’ti adhiṭṭhānavasena vuṭṭhiṃ uppādesi. Sabhādhammanti sukhanisinne kira asañcāletvā ekapassena pavisanaṃ tesaṃ sabhādhammo nāma, na mahājanaṃ cāletvā ujukameva pavisanaṃ. Bhagavā ca ujukameva āgacchati, tena te kupitā bhagavantaṃ hīḷentā ‘‘ke ca muṇḍakā samaṇakā, ke ca sabhādhammaṃ jānissantī’’ti āhaṃsu. Santoti paṇḍitā sappurisā. Pahāyāti ete rāgādayo jahitvā rāgādivinayāya dhammaṃ bhaṇanti, tasmā te santo nāmāti. Dvādasamaṃ.
อุปาสกวโคฺค ทุติโยฯ
Upāsakavaggo dutiyo.
อิติ สารตฺถปฺปกาสินิยา
Iti sāratthappakāsiniyā
สํยุตฺตนิกาย-อฎฺฐกถาย
Saṃyuttanikāya-aṭṭhakathāya
พฺราหฺมณสํยุตฺตวณฺณนา นิฎฺฐิตาฯ
Brāhmaṇasaṃyuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๒. โขมทุสฺสสุตฺตํ • 12. Khomadussasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๒. โขมทุสฺสสุตฺตวณฺณนา • 12. Khomadussasuttavaṇṇanā
